Евангелие от Матфея, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1 См.: 🔗Мк. 10:1	И бысть егда сконча Иисусъ словеса сiя, прейде от­ Галилеи и прiиде въ предѣлы Иудейскiя объ онъ полъ Иордана.
19:2	И по Немъ идоша народи мнози, и исцѣли ихъ ту.
19:3	[Зач. 78.] И при­­ступиша къ Нему фарисее искушающе Его и глаголаша Ему: аще достоитъ человѣку пустити жену свою по всяцѣй винѣ?
19:4 См.: 🔗Быт. 1:27 🔗Мк. 10:6	Онъ же от­вѣщавъ рече имъ: нѣсте ли чли, яко Сотворивый искони, мужескiй полъ и женскiй сотворилъ я есть?
19:5 См.: 🔗Быт. 2:24 🔗Мк. 10:7 🔗1Кор. 6:16 🔗Еф. 5:31	И рече: сего ради оставитъ человѣкъ отца [сво­его] и матерь и при­­лѣпит­ся къ женѣ сво­ей, и будета оба въ плоть едину,
19:6	якоже ктому нѣста два, но плоть едина: еже убо Богъ сочета, человѣкъ да не разлучаетъ.
19:7 См.: 🔗Втор. 24:1 🔗Мф. 5:31	Глаголаша Ему: что убо Моисей заповѣда дати книгу распустную и от­пустити ю?
19:8	Глагола имъ: яко Моисей по жестосердiю ва­шему повелѣ вамъ пустити жены вашя: изначала же не бысть тако:
19:9 См.: 🔗Мф. 5:32 🔗Мк. 10:11 🔗Лк. 16:18	глаголю же вамъ, яко иже аще пуститъ жену свою, развѣ словесе прелюбо­дѣйна, и оженит­ся иною, прелюбы творитъ: и женяйся пущеницею прелюбы дѣетъ.
19:10	Глаголаша Ему ученицы Его: аще тако есть вина человѣку съ женою, лучше есть не женитися.
19:11	Онъ же рече имъ: не вси вмѣщаютъ словесе сего, но имже дано есть:
19:12 См.: 🔗Ис. 56:3 🔗1Кор. 7:7	суть бо скопцы, иже изъ чрева матерня родишася тако: и суть скопцы, иже скопишася от­ человѣкъ: и суть скопцы, иже исказиша сами себе Цар­ст­вiя ради Небеснаго: могій вмѣстити да вмѣститъ.
19:13 См.: 🔗Мк. 10:13 🔗Лк. 18:15	Тогда при­­ведоша къ Нему дѣти, да руцѣ воз­ложитъ на нихъ и помолит­ся: ученицы же запретиша имъ.
19:14 См.: 🔗Мф. 18:3	Иисусъ же рече [имъ]: оставите дѣтей и не воз­браняйте имъ прiити ко Мнѣ: таковыхъ бо есть Цар­ст­во Небесное.
19:15	И воз­ложь на нихъ руцѣ, отъиде от­туду.
19:16 См.: 🔗Мк. 10:17 🔗Лк. 18:18	[Зач. 79.] И се, единъ [нѣкiй] при­­ступль рече Ему: Учителю благій, что благо сотворю, да имамъ животъ вѣчный?
19:17 См.: 🔗Иак. 1:17	Онъ же рече ему: что Мя глаголеши блага? Никтоже благъ, токмо единъ Богъ: аще ли хощеши внити въ животъ, соблюди заповѣди.
19:18	Глагола Ему: кія? Иисусъ же рече: еже, не убiеши: не прелюбы сотвориши: не украдеши: не лжесвидѣтел­ст­вуеши:
19:19 См.: 🔗Исх. 20:12 🔗Лев. 19:18 🔗Втор. 5:16	чти отца и матерь: и: воз­любиши искрен­няго тво­его яко самъ себе.
19:20	Глагола Ему юноша: вся сiя сохранихъ от­ юности мо­ея: что есмь еще не докончалъ?
19:21	Рече ему Иисусъ: аще хощеши совершенъ быти, иди, продаждь имѣнiе твое и даждь нищымъ: и имѣти имаши сокровище на небеси: и гряди вслѣдъ Мене.
19:22	Слышавъ же юноша слово, отъиде скорбя: бѣ бо имѣя стяжанiя многа.
19:23	Иисусъ же рече ученикомъ Сво­имъ: аминь глаголю вамъ, яко неудобь богатый внидетъ въ Цар­ст­вiе Небесно­е:
19:24	паки же глаголю вамъ: удобѣе есть велбуду сквоз­ѣ иглинѣ ушы про­ити, неже богату въ Цар­ст­вiе Божiе внити.
19:25	Слышав­ше же ученицы Его, дивляхуся зѣло, глаголюще: кто убо можетъ спасенъ быти?
19:26 См.: 🔗Иов. 42:2	Воззрѣвъ же Иисусъ рече имъ: у человѣкъ сiе невоз­можно есть, у Бога же вся воз­можна.
19:27 См.: 🔗Мк. 10:28 🔗Лк. 18:28	Тогда от­вѣщавъ Петръ рече Ему: се, мы оставихомъ вся и вслѣдъ Тебе идохомъ: что убо будетъ намъ?
19:28 См.: 🔗Лк. 22:30	Иисусъ же рече имъ: аминь глаголю вамъ, яко вы шедшiи по Мнѣ, въ пакибытiе, егда сядетъ Сынъ Человѣческiй на престолѣ славы Сво­ея, сядете и вы на двою­на­де­ся­те престолу, судяще обѣма­на­де­ся­те колѣнома Израилевома:
19:29	и всякъ, иже оставитъ домъ, или братiю, или сестры, или отца, или матерь, или жену, или чада, или села, имене Мо­его ради, сторицею прiиметъ и животъ вѣчный наслѣдитъ:
19:30 См.: 🔗Мк. 10:31 🔗Лк. 13:30	мнози же будутъ перви послѣднiи, и послѣдни первiи.