Послание апостола Павла к Филиппийцам, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Кол. 3:12	Аще убо кое утешение о Христе, (или) аще кая утеха любве, аще кое общение духа, аще кое милосердие и щедроты,
2:2 См.: 🔗Рим. 15:5 🔗Флп. 3:16	исполните мою радость, да тожде мудрствуете, ту же любовь имуще, единодушни, единомудренни:
2:3 См.: 🔗Лк. 14:11 🔗Рим. 12:10	ничтоже по рвению или тщеславию, но смиреномудрием друг друга честию болша себе творяще.
2:4 См.: 🔗1Кор. 10:24	Не своих си кийждо, но и дружних кийждо смотряйте.
2:5 См.: 🔗Мф. 11:29	Сие бо да мудрствуется в вас, еже и во Христе Иисусе:
2:6 См.: 🔗2Кор. 4:4 🔗Кол. 1:15	Иже, во образе Божии сый, не восхищением непщева быти равен Богу:
2:7 См.: 🔗Пс. 21:7 🔗Ис. 49:6 🔗Мф. 20:28	но Себе умалил, зрак раба приим, в подобии человечестем быв, и образом обретеся якоже человек:
2:8 См.: 🔗Мф. 26:39 🔗Евр. 2:17	смирил Себе, послушлив быв даже до смерти, смерти же крестныя.
2:9 См.: 🔗Мф. 28:18 🔗Евр. 1:4	Темже и Бог Его превознесе и дарова Ему имя, еже паче всякаго имене,
2:10 См.: 🔗Ис. 45:23 🔗Рим. 14:11 🔗Отк. 5:14	да о имени Иисусове всяко колено поклонится небесных и земных и преисподних,
2:11 См.: 🔗Ин. 13:13 🔗1Кор. 8:6	и всяк язык исповесть, яко Господь Иисус Христос в славу Бога Отца.
2:12	Темже, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте:
2:13 См.: 🔗2Кор. 3:5 🔗Евр. 13:21	Бог бо есть действуяй в вас и еже хотети и еже деяти о благоволении.
2:14 См.: 🔗1Пет. 4:9	Вся творите без роптания и размышления,
2:15 См.: 🔗Прит. 4:18 🔗Мф. 5:14	да будете неповинни и цели, чада Божия непорочна посреде рода строптива и развращена, в нихже являетеся якоже светила в мире,
2:16 См.: 🔗Флп. 4:1	слово животно придержаще, в похвалу мне в день Христов, яко не вотще текох, ни вотще трудихся.
2:17 См.: 🔗2Тим. 4:6	Но аще и жрен бываю о жертве и службе веры вашея, радуюся и сорадуюся всем вам:
2:18	такожде и вы радуйтеся и сорадуйтеся мне.
2:19 См.: 🔗Деян. 16:1	Уповаю же о Господе Иисусе Тимофеа вскоре послати к вам, да и аз благодушствую, уведев яже о вас.
2:20	Ни единаго бо имам равнодушна, иже приснее о вас попечется:
2:21 См.: 🔗1Кор. 10:24	вси бо своих си ищут, (а) не яже Христа Иисуса.
2:22 См.: 🔗Деян. 16:2	Искусство же его знаете, зане якоже отцу чадо, со мною поработал в благовестии.
2:23	Сего же убо уповаю послати абие, повнегда увем яже о мне.
2:24	Надеюся же о Господе, яко и сам скоро прииду к вам.
2:25	Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам,
2:26	понеже желанием желаше видети всех вас, и тужаше, зане слышасте, яко боле.
2:27	Ибо боле близ смерти: но Бог помилова его, не его же токмо, но и мене, да не скорбь на скорбь прииму.
2:28	Скорее убо послах его, да видевше его паки, возрадуетеся, и аз безпечален пребуду.
2:29 См.: 🔗1Фес. 5:12	Приимите убо его о Господе со всякою радостию, и таковыя честны имейте,
2:30	зане за дело Христово даже до смерти приближися, понудив себе вседушно, да исполнит ваше лишение службы яже ко мне.