Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗Кол. 3:12 | Аще убо кое утѣшенiе о Христѣ, [или] аще кая утѣха любве, аще кое общенiе духа, аще кое милосердiе и щедроты, |
2:2 См.: 🔗Рим. 15:5 🔗Флп. 3:16 | исполните мою радость, да тожде мудрствуете, ту же любовь имуще, единодушни, единомудренни: |
2:3 См.: 🔗Лк. 14:11 🔗Рим. 12:10 | ничтоже по рвенiю или тщеславiю, но смиреномудрiемъ другъ друга честiю болша себе творяще. |
2:4 См.: 🔗1Кор. 10:24 | Не своихъ си кійждо, но и дружнихъ кійждо смотряйте. |
2:5 См.: 🔗Мф. 11:29 | [Зач. 240.] Сiе бо да мудрствуется въ васъ, еже и во Христѣ Иисусѣ: |
2:6 См.: 🔗2Кор. 4:4 🔗Кол. 1:15 | Иже, во образѣ Божiи сый, не восхищенiемъ непщева быти равенъ Богу: |
2:7 | но Себе умалилъ {истощилъ}, зракъ раба прiимъ, въ подобiи человѣчестѣмъ бывъ, и образомъ обрѣтеся якоже человѣкъ: |
2:8 См.: 🔗Мф. 26:39 🔗Евр. 2:17 | смирилъ Себе, послушливъ бывъ даже до смерти, смерти же крестныя. |
2:9 См.: 🔗Мф. 28:18 🔗Евр. 1:4 | Тѣмже и Богъ Его превознесе и дарова Ему имя, еже паче всякаго имене, |
2:10 | да о имени Иисусовѣ всяко колѣно поклонится небесныхъ и земныхъ и преисподнихъ, |
2:11 См.: 🔗Ин. 13:13 🔗1Кор. 8:6 | и всякъ языкъ исповѣсть, яко Господь Иисусъ Христосъ въ славу Бога Отца. |
2:12 | [Зач. 241.] Тѣмже, возлюбленнiи мои, якоже всегда послушасте мене, не якоже въ пришествiи моемъ точiю, но нынѣ много паче во отшествiи моемъ, со страхомъ и трепетомъ свое спасенiе содѣвайте: |
2:13 См.: 🔗2Кор. 3:5 🔗Евр. 13:21 | Богъ бо есть дѣйствуяй въ васъ и еже хотѣти и еже дѣяти о благоволенiи. |
2:14 См.: 🔗1Пет. 4:9 | Вся творите безъ роптанiя и размышленiя, |
2:15 См.: 🔗Прит. 4:18 🔗Мф. 5:14 | да будете неповинни и цѣли, чада Божiя непорочна посредѣ рода строптива и развращена, въ нихже являетеся якоже свѣтила въ мiрѣ, |
2:16 См.: 🔗Флп. 4:1 | слово животно придержаще, въ похвалу мнѣ въ день Христовъ, [Зач. 242.] яко не вотще текохъ, ни вотще трудихся. |
2:17 См.: 🔗2Тим. 4:6 | Но аще и жренъ бываю о жертвѣ и службѣ вѣры вашея, радуюся и сорадуюся всѣмъ вамъ: |
2:18 | такожде и вы радуйтеся и сорадуйтеся мнѣ. |
2:19 См.: 🔗Деян. 16:1 | Уповаю же о Господѣ Иисусѣ Тимоѳеа вскорѣ послати къ вамъ, да и азъ благодушствую, увѣдѣвъ яже о васъ. |
2:20 | Ни единаго бо имамъ равнодушна, иже приснѣе о васъ попечется: |
2:21 См.: 🔗1Кор. 10:24 | вси бо своихъ си ищутъ, [а] не яже Христа Иисуса. |
2:22 См.: 🔗Деян. 16:2 | Искусство же его знаете, зане якоже отцу чадо, со мною поработалъ въ благовѣстiи. |
2:23 | Сего же убо уповаю послати абiе, повнегда увѣмъ яже о мнѣ. |
2:24 | [Зач. 243.] Надѣюся же о Господѣ, яко и самъ скоро прiиду къ вамъ. |
2:25 | Потребнѣе же возмнѣхъ Епафродита брата и споспѣшника и своинника моего, вашего же посланника и служителя потребѣ моей, послати къ вамъ, |
2:26 | понеже желанiемъ желаше видѣти всѣхъ васъ, и тужаше, зане слышасте, яко болѣ. |
2:27 | Ибо болѣ близъ смерти: но Богъ помилова его, не его же токмо, но и мене, да не скорбь на скорбь прiиму. |
2:28 | Скорѣе убо послахъ его, да видѣвше его паки, возрадуетеся, и азъ безпечаленъ пребуду. |
2:29 См.: 🔗1Фес. 5:12 | Прiимите убо его о Господѣ со всякою радостiю, и таковыя честны имѣйте, |
2:30 | зане за дѣло Христово даже до смерти приближися, понудивъ себе вседушно {презрѣвъ душу свою}, да исполнитъ ваше лишенiе службы яже ко мнѣ. |