Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 См.: 🔗1Кор. 3:17 | Молю убо вас, братие, щедротами Божиими, представите телеса ваша жертву живу, святу, благоугодну Богови, словесное служение ваше, |
12:2 | и не сообразуйтеся веку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная. |
12:3 См.: 🔗Еф. 4:7 | Глаголю бо благодатию давшеюся мне, всякому сущему в вас не мудрствовати паче, еже подобает мудрствовати: но мудрствовати в целомудрии, коемуждо якоже Бог разделил есть меру веры. |
12:4 См.: 🔗1Кор. 12:12 | Якоже бо во едином телеси многи уды имамы, уды же вси не тожде имут делание, |
12:5 | такожде мнози едино тело есмы о Христе, а по единому друг другу уди. |
12:6 | Имуще же дарования по благодати данней нам различна: аще пророчество, по мере веры: |
12:7 | аще ли служение, в служении: аще учяй, во учении: |
12:8 См.: 🔗Мф. 6:2 | аще утешаяй, во утешении: подаваяй, в простоте: предстояй, со тщанием: милуяй, с добрым изволением. |
12:9 См.: 🔗Пс. 96:10 🔗Ам. 5:15 | Любы нелицемерна: ненавидяще злаго, прилепляйтеся благому: |
12:10 См.: 🔗1Пет. 2:17 🔗Еф. 4:2 | братолюбием друг ко другу любезни: честию друг друга болша творяще: |
12:11 | тщанием не лениви, духом горяще, Господви работающе. |
12:12 См.: 🔗Лк. 18:1 | Упованием радующеся, скобри терпяще, в молитве пребывающе: |
12:13 См.: 🔗1Кор. 16:1 🔗Евр. 13:2 | требованием святых приюбщающеся, страннолюбия держащеся: |
12:14 См.: 🔗Мф. 5:44 | благословляйте гонящыя вы: благословите, а не клените. |
12:15 См.: 🔗1Кор. 12:26 | Радоватися с радующимися, и плакати с плачущими. |
12:16 | Тожде друг ко другу мудрствующе. Не высокая мудрствующе, но смиренными ведущеся: не бывайте мудри о себе: |
12:17 См.: 🔗Прит. 20:22 🔗2Кор. 8:21 | ни единому же зла за зло воздающе, промышляюще добрая пред всеми человеки. |
12:18 См.: 🔗Евр. 12:14 | Аще возможно, еже от вас, со всеми человеки мир имейте. |
12:19 | Не себе отмщающе, возлюблении, но дадите место гневу. Писано бо есть: Мне отмщение, Аз воздам, глаголет Господь. |
12:20 См.: 🔗Прит. 25:21 | Аще убо алчет враг твой, ухлеби его: аще ли жаждет, напой его: сие бо творя, углие огнено собираеши на главу его. |
12:21 | Не побежден бывай от зла, но побеждай благим злое. |