Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 См.: 🔗1Кор. 3:17 | [Зач. 108.] Молю убо васъ, братiе, щедротами Божiими, представите тѣлеса ваша жертву живу, святу, благоугодну Богови, словесное служенiе ваше, |
12:2 | и не сообразуйтеся вѣку сему, но преобразуйтеся обновленiемъ ума вашего, во еже искушати вамъ, что есть воля Божiя благая и угодная и совершенная. |
12:3 См.: 🔗Еф. 4:7 | Глаголю бо благодатiю давшеюся мнѣ, всякому сущему въ васъ не мудрствовати паче, еже подобаетъ мудрствовати: но мудрствовати въ цѣломудрiи, коемуждо якоже Богъ раздѣлилъ есть мѣру вѣры. |
12:4 См.: 🔗1Кор. 12:12 | [Зач. 109.] Якоже бо во единѣмъ тѣлеси многи уды имамы, уды же вси не тожде имутъ дѣланiе, |
12:5 | такожде мнози едино тѣло есмы о Христѣ, а по единому другъ другу уди. |
12:6 | [Зач. 110.] Имуще же дарованiя по благодати даннѣй намъ различна: аще пророчество, по мѣрѣ вѣры: |
12:7 | аще ли служенiе, въ служенiи: аще учяй, во ученiи: |
12:8 См.: 🔗Мф. 6:2 | аще утѣшаяй, во утѣшенiи: подаваяй, въ простотѣ: предстояй {началствуяй}, со тщанiемъ: милуяй, съ добрымъ изволенiемъ. |
12:9 См.: 🔗Пс. 96:10 🔗Ам. 5:15 | Любы нелицемѣрна: ненавидяще злаго, прилѣпляйтеся благому: |
12:10 См.: 🔗1Пет. 2:17 🔗Еф. 4:2 | братолюбiемъ другъ ко другу любезни: честiю другъ друга болша творяще: |
12:11 | тщанiемъ не лѣниви, духомъ горяще, Господеви работающе: |
12:12 См.: 🔗Лк. 18:1 | упованiемъ радующеся, скорби терпяще, въ молитвѣ пребывающе: |
12:13 См.: 🔗1Кор. 16:1 🔗Евр. 13:2 | требованиемъ святыхъ приобщающеся, страннолюбiя держащеся: |
12:14 См.: 🔗Мф. 5:44 | благословляйте гонящыя вы: благословите, а не клените. |
12:15 См.: 🔗1Кор. 12:26 | Радоватися съ радующимися, и плакати съ плачущими. |
12:16 | Тожде другъ ко другу мудрствующе: не высокая мудрствующе, но смиренными ведущеся: не бывайте мудри о себѣ: |
12:17 См.: 🔗Прит. 20:22 🔗2Кор. 8:21 | ни единому же зла за зло воздающе, промышляюще добрая предъ всѣми человѣки. |
12:18 См.: 🔗Евр. 12:14 | Аще возможно, еже от васъ, со всѣми человѣки миръ имѣйте. |
12:19 | Не себе отмщающе, возлюбленiи, но дадите мѣсто гнѣву. Писано бо есть: Мнѣ отмщенiе, Азъ воздамъ, глаголетъ Господь. |
12:20 См.: 🔗Прит. 25:21 | Аще убо алчетъ врагъ твой, ухлѣби его: аще ли жаждетъ, напой его: Сіе бо творя, углiе огнено собираеши на главу его. |
12:21 | Не побѣжденъ бывай от зла, но побѣждай благимъ злое. |