Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗Рим. 14:1 🔗1Кор. 9:22 | [Зач. 116.] Должни есмы мы сильнiи немощи немощныхъ носити, и не себѣ угождати: |
15:2 См.: 🔗1Кор. 10:24 | кіиждо же васъ ближнему да угождаетъ во благое къ созиданiю. |
15:3 См.: 🔗Пс. 68:10 | Ибо и Христосъ не Себѣ угоди, но якоже есть писано: поношенiя поносящихъ Тебѣ нападоша на Мя. |
15:4 См.: 🔗Рим. 4:23 | Елика бо преднаписана быша, въ наше наказанiе преднаписашася, да терпѣнiемъ и утѣшенiемъ Писанiй упованiе имамы. |
15:5 См.: 🔗1Кор. 1:10 🔗Флп. 2:2 | Богъ же терпѣнiя и утѣшенiя да дастъ вамъ тожде мудрствовати другъ ко другу о Христѣ Иисусѣ, |
15:6 | да единодушно едиными усты славите Бога и Отца Господа нашего Иисуса Христа. |
15:7 См.: 🔗Ин. 17:24 | [Зач. 117.] Тѣмже прiемлите другъ друга, якоже и Христосъ прiятъ васъ во славу Божiю. |
15:8 См.: 🔗Деян. 3:25 🔗Рим. 3:30 | Глаголю же Христа Иисуса служителя бывша обрѣзанiя по истинѣ Божiей, во еже утвердити обѣтованiя отцевъ: |
15:9 См.: 🔗Пс. 17:50 🔗2Цар. 22:50 | а языкомъ по милости, прославити Бога, якоже есть писано: сего ради исповѣмся Тебѣ во языцѣхъ, Господи, и имени Твоему пою. |
15:10 См.: 🔗Втор. 32:43 | И паки глаголетъ: возвеселитеся, языцы, съ людьми Его. |
15:11 См.: 🔗Пс. 116:1 | И паки: хвалите Господа, вси языцы, и похвалите Его, вси людiе. |
15:12 См.: 🔗Ис. 11:10 🔗Отк. 5:5 | И паки Исаiа глаголетъ: будетъ корень Иессеовъ, и востаяй владѣти надъ языки: на Того языцы уповаютъ. |
15:13 См.: 🔗Рим. 12:12 🔗Рим. 14:17 | Богъ же упованiя да исполнитъ васъ всякiя радости и мира въ вѣрѣ, избыточествовати вамъ во упованiи, силою Духа Святаго. |
15:14 | Извѣщенъ же есмь, братiе моя, и самъ азъ о васъ, яко и сами вы полни есте благости, исполнени всякаго разума, могуще и иныя научити: |
15:15 | дерзѣе же писахъ вамъ, братiе моя, от части, яко воспоминая вамъ, за благодать данную ми от Бога, |
15:16 | во еже быти ми служителю Иисусъ Христову во языцѣхъ, священнодѣйствующу благовѣствованiе Божiе, да будетъ приношенiе еже от языкъ благопрiятно и освященно Духомъ Святымъ. |
15:17 | [Зач. 118.] Имамъ убо похвалу о Христѣ Иисусѣ въ тѣхъ, яже къ Богу: |
15:18 | не смѣю бо глаголати что, ихже не содѣя Христосъ мною, въ послушанiе языковъ, словомъ и дѣломъ, |
15:19 | въ силѣ знаменiй и чудесъ, силою Духа Божiя, якоже ми от Иерусалима и окрестъ даже до Иллирика исполнити благовѣствованiе Христово. |
15:20 См.: 🔗1Кор. 3:10 🔗2Кор. 10:15 | Сице же потщахся благовѣстити, не идѣже именовася Христосъ, да не на чужемъ основанiи созижду, |
15:21 См.: 🔗Ис. 52:15 | но якоже есть писано: имже не возвѣстися о Немъ, узрятъ, и иже не слышаша, уразумѣютъ. |
15:22 См.: 🔗Рим. 1:13 | Тѣмже и возбраненъ быхъ многажды прiити къ вамъ. |
15:23 См.: 🔗1Фес. 3:10 | Нынѣ же ктому мѣста не имый въ странахъ сихъ, желанiе же имый прiити къ вамъ от многихъ лѣтъ, |
15:24 | яко аще поиду во Испанiю, прiиду къ вамъ. Уповаю бо мимо грядый видѣти васъ и вами проводитися тамо, аще васъ прежде от части насыщуся. |
15:25 См.: 🔗Деян. 24:17 | Нынѣ же гряду во Иерусалимъ, служяй святымъ, |
15:26 См.: 🔗1Кор. 16:1 🔗2Кор. 8:4 | благоволиша бо Македонiа и Ахаiа общенiе нѣкое сотворити къ нищымъ святымъ живущымъ во Иерусалимѣ. |
15:27 См.: 🔗1Кор. 9:11 | Благоволиша бо, и должни имъ суть. Аще бо въ духовныхъ ихъ причастницы быша языцы, должни суть и въ плотскихъ послужити имъ. |
15:28 | Сiе убо скончавъ, и запечатлѣвъ имъ плодъ сей, поиду вами во Испанiю: |
15:29 См.: 🔗Рим. 1:11 | вѣмъ же, яко грядый къ вамъ, во исполненiи благословенiя благовѣстiя Христова прiиду. |
15:30 См.: 🔗2Кор. 1:11 | [Зач. 119.] Молю же вы, братiе, Господемъ нашимъ Иисусъ Христомъ и любовiю Духа, споспѣшствуйте ми въ молитвахъ о мнѣ къ Богу, |
15:31 См.: 🔗Деян. 20:23 | да избавлюся от противляющихся во Иудеи, и да служба моя, яже во Иерусалимѣ, благопрiятна будетъ святымъ: |
15:32 См.: 🔗Рим. 1:10 | да съ радостiю прiиду къ вамъ волею Божiею и упокоюся съ вами. |
15:33 См.: 🔗Рим. 16:20 🔗1Кор. 14:33 | Богъ же мира со всѣми вами. Аминь. |