Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 15 | |
15:1 См.: 🔗Рим. 14:1 🔗1Кор. 9:22 | Должни есмы мы сильнии немощи немощных носити, и не себе угождати: |
15:2 См.: 🔗1Кор. 10:24 | кииждо же вас ближнему да угождает во благое к созиданию. |
15:3 См.: 🔗Пс. 68:10 | Ибо и Христос не Себе угоди, но якоже есть писано: поношения поносящих Тебе нападоша на Мя. |
15:4 См.: 🔗Рим. 4:23 | Елика бо преднаписана быша, в наше наказание преднаписашася, да терпением и утешением Писаний упование имамы. |
15:5 См.: 🔗1Кор. 1:10 🔗Флп. 2:2 | Бог же терпения и утешения да даст вам тожде мудрствовати друг ко другу о Христе Иисусе, |
15:6 | да единодушно едиными усты славите Бога и Отца Господа нашего Иисуса Христа. |
15:7 См.: 🔗Ин. 17:24 | Темже приемлите друг друга, якоже и Христос прият вас во славу Божию. |
15:8 См.: 🔗Деян. 3:25 🔗Рим. 3:30 | Глаголю же Христа Иисуса служителя бывша обрезания по истине Божией, во еже утвердити обетования отцев. |
15:9 См.: 🔗Пс. 17:50 🔗2Цар. 22:50 | А языком по милости, прославити Бога, якоже есть писано: сего ради исповемся Тебе во языцех, Господи, и имени Твоему пою. |
15:10 См.: 🔗Втор. 32:43 | И паки глаголет: возвеселитеся, языцы, с людьми Его. |
15:11 См.: 🔗Пс. 116:1 | И паки: хвалите Господа, вси языцы, и похвалите Его, вси людие. |
15:12 См.: 🔗Ис. 11:10 🔗Отк. 5:5 | И паки Исаиа глаголет: будет корень Иессеов, и востаяй владети над языки: на Того языцы уповают. |
15:13 См.: 🔗Рим. 12:12 🔗Рим. 14:17 | Бог же упования да исполнит вас всякия радости и мира в вере, избыточествовати вам во уповании, силою Духа Святаго. |
15:14 | Извещен же есмь, братие моя, и сам аз о вас, яко и сами вы полни есте благости, исполнени всякаго разума, могуще и иныя научити: |
15:15 | дерзее же писах вам, братие моя, от части, яко воспоминая вам, за благодать данную ми от Бога, |
15:16 | во еже быти ми служителю Иисус Христову во языцех, священнодействующу благовествование Божие, да будет приношение еже от язык благоприятно и освященно Духом Святым. |
15:17 | Имам убо похвалу о Христе Иисусе в тех, яже к Богу: |
15:18 | не смею бо глаголати что, ихже не содея Христос мною, в послушание языков, словом и делом, |
15:19 | в силе знамений и чудес, силою Духа Божия, якоже ми от Иерусалима и окрест даже до Иллирика исполнити благовествование Христово. |
15:20 См.: 🔗1Кор. 3:10 🔗2Кор. 10:15 | Сице же потщахся благовестити, не идеже именовася Христос, да не на чужем основании созижду, |
15:21 См.: 🔗Ис. 52:15 | но якоже есть писано: имже не возвестися о Нем, узрят, и иже не слышаша, уразумеют. |
15:22 См.: 🔗Рим. 1:13 | Темже и возбранен бых многажды приити к вам. |
15:23 См.: 🔗1Фес. 3:10 | Ныне же ктому места не имыи в странах сих, желание же имый приити к вам от многих лет, |
15:24 | яко аще поиду во Испанию, прииду к вам. Уповаю бо мимогрядый видети вас и вами проводитися тамо, аще вас прежде от части насыщуся. |
15:25 См.: 🔗Деян. 24:17 | Ныне же гряду во Иерусалим, служяй святым, |
15:26 См.: 🔗1Кор. 16:1 🔗2Кор. 8:4 | благоволиша бо Македониа и Ахаиа общение некое сотворити к нищым святым живущым во Иерусалиме. |
15:27 См.: 🔗1Кор. 9:11 | Благоволиша бо, и должни им суть. Аще бо в духовных их причастницы быша языцы, должни суть и в плотских послужити им. |
15:28 | Сие убо скончав, и запечатлев им плод сей, поиду вами во Испанию: |
15:29 См.: 🔗Рим. 1:11 | вем же, яко грядый к вам, во исполнении благословения благовестия Христова прииду. |
15:30 См.: 🔗2Кор. 1:11 | Молю же вы, братие, Господем нашим Иисус Христом и любовию Духа, споспешствуите ми в молитвах о мне к Богу, |
15:31 См.: 🔗Деян. 20:23 | да избавлюся от противляющихся во Иудеи, и да служба моя, яже во Иерусалиме, благоприятна будет святым. |
15:32 См.: 🔗Рим. 1:10 | Да с радостию прииду к вам волею Божиею и упокоюся с вами. |
15:33 См.: 🔗Рим. 16:20 🔗1Кор. 14:33 | Бог же мира со всеми вами. Аминь. |