Послание апостола Павла к Римлянам, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1	Вручаю же вам Фиву сестру нашу, сущу служительницу церкве яже в Кегхреех:
16:2	да приимете ю о Господе достойне святым, и споспешствуите ей, о нейже аще от вас потребует вещи: ибо сия заступница многим бысть, и самому мне.
16:3 См.: 🔗Деян. 18:2	Целуйте Прискиллу и Акилу, споспешника моя о Христе Иисусе,
16:4 См.: 🔗Мф. 18:20	иже по души моей своя выя положиста, ихже не аз един благодарю, но и вся церкви языческия: и домашнюю их церковь.
16:5	Целуйте Епенета возлюбленнаго ми, иже есть начаток Ахаии во Христа.
16:6	Целуйте Мариамь, яже много трудися о нас.
16:7	Целуйте Андроника и Иунию, сродники моя и спленники моя, иже суть нарочиты во Апостолех, иже и прежде мене вероваста во Христа.
16:8	Целуйте Амплиа возлюбленнаго ми о Господе.
16:9	Целуйте Урвана споспешника нашего о Христе, и Стахиа возлюбленнаго ми.
16:10	Целуйте Апеллиа искусна о Христе. Целуйте сущыя от Аристовула.
16:11	Целуйте Иродиона сродника моего. Целуйте иже от Наркисса сущыя о Господе.
16:12	Целуйте Трифену и Трифосу труждающыяся о Господе. Целуйте Персиду возлюбленную, яже много трудися о Господе.
16:13	Целуйте Руфа избраннаго о Господе, и матерь его и мою.
16:14	Целуйте Асигкрита, Флегонта, Ерма, Патрова, Ермиа, и сущую с ними братию.
16:15	Целуйте Филолога и Иулию, Ниреа и сестру его, и Олимпана, и сущыя с ними вся святыя.
16:16 См.: 🔗1Пет. 5:14 🔗1Кор. 16:20 🔗2Кор. 13:12	Целуйте друг друга лобзанием святым. Целуют вы вся церкви Христовы.
16:17 См.: 🔗Мф. 18:17 🔗Деян. 15:24 🔗1Кор. 5:11 🔗Гал. 5:9 🔗Флп. 3:2 🔗Кол. 2:8	Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них:
16:18 См.: 🔗Флп. 3:18	таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых.
16:19	Ваше бо послушание ко всем достиже. Радуюся же еже о вас. Хощу же вас мудрых убо быти во благое, простых же в злое.
16:20 См.: 🔗Отк. 12:10	Бог же мира да сокрушит сатану под ноги вашя вскоре. Благодать Господа нашего Иисуса Христа с вами. Аминь.
16:21 См.: 🔗Деян. 16:1 🔗Флп. 2:19	Целует вас Тимофей споспешник мой, и Лукий и Иасон и Сосипатр, сродницы мои.
16:22	Целую вы и аз Тертий, написавый послание сие, о Господе.
16:23	Целует вы Гаие странноприимец мой и церкве всея. Целует вы Ераст строитель градский, и Куарт брат.
16:24	Благодать Господа нашего Иисуса Христа со всеми вами. Аминь.