Послание апостола Павла к Римлянам, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1	[Зач. 120.] Вручаю же вамъ Фиву сестру нашу, сущу служителницу церкве яже въ Кегхреехъ:
16:2	да прiимете ю о Господѣ достойнѣ святымъ, и споспѣш­ст­вуйте ей, о нейже аще от­ васъ потребуетъ вещи: ибо сiя заступница многимъ бысть, и самому мнѣ.
16:3 См.: 🔗Деян. 18:2	Цѣлуйте Прискиллу и Акилу, споспѣшника моя о Христѣ Иисусѣ,
16:4 См.: 🔗Мф. 18:20	иже по души мо­ей своя выя положиста, ихже не азъ единъ благодарю, но и вся церкви языческiя: и домашнюю ихъ церковь.
16:5	Цѣлуйте Епенета воз­люблен­наго ми, иже есть начатокъ Ахаiи во Христа.
16:6	Цѣлуйте Марiамь, яже много трудися о насъ.
16:7	Цѣлуйте Андроника и Иунію, сродники моя и сплѣн­ники моя, иже суть нарочиты во апостолѣхъ, иже и прежде мене вѣроваста во Христа.
16:8	Цѣлуйте Ампліа воз­люблен­наго ми о Господѣ.
16:9	Цѣлуйте Урвана споспѣшника на­шего о Христѣ, и Стахиа воз­люблен­наго ми.
16:10	Цѣлуйте Апеллiа искусна о Христѣ. Цѣлуйте сущыя от­ Аристовула.
16:11	Цѣлуйте Иродiона сродника мо­его. Цѣлуйте иже от­ Наркисса сущыя о Господѣ.
16:12	Цѣлуйте Трифену и Трифосу труждающыяся о Господѣ. Цѣлуйте Персиду воз­люблен­ную, яже много трудися о Господѣ.
16:13	Цѣлуйте Руфа избран­наго о Господѣ, и матерь его и мою.
16:14	Цѣлуйте Асигкрита, Флегонта, Ерма, Патрова, Ерміа, и сущую съ ними братiю.
16:15	Цѣлуйте Филолога и Иулію, Ниреа и сестру его, и Олимпана, и сущыя съ ними вся святыя.
16:16 См.: 🔗1Пет. 5:14 🔗1Кор. 16:20 🔗2Кор. 13:12	Цѣлуйте другъ друга лобзанiемъ святымъ. Цѣлуютъ вы вся церкви Христовы.
16:17 См.: 🔗Мф. 18:17 🔗Деян. 15:24 🔗1Кор. 5:11 🔗Гал. 5:9 🔗Флп. 3:2 🔗Кол. 2:8	[Зач. 121.] Молю же вы, братiе, блюдитеся от­ творящихъ распри и раздоры, кромѣ ученiя, емуже вы научистеся, и уклонитеся от­ нихъ:
16:18 См.: 🔗Флп. 3:18	таковіи бо Господеви на­шему Иисусу Христу не работаютъ, но сво­ему чреву: иже благими словесы и благословенiемъ прельщаютъ сердца незлобивыхъ.
16:19	Ва­ше бо послушанiе ко всѣмъ достиже. Радуюся же еже о васъ: хощу же васъ мудрыхъ убо быти во благое, простыхъ же въ злое.
16:20 См.: 🔗Отк. 12:10	Богъ же мира да сокрушитъ сатану подъ ноги вашя вскорѣ. Благодать Господа на­шего Иисуса Христа съ вами. Аминь.
16:21 См.: 🔗Деян. 16:1 🔗Флп. 2:19	Цѣлуетъ васъ Тимоѳей споспѣшникъ мой, и Лукій и Иасонъ и Сосипатръ, сродницы мо­и.
16:22	Цѣлую вы [и] азъ Тертiй, написавый посланiе сiе, о Господѣ.
16:23	Цѣлуетъ вы Гаiе стран­нопрiимецъ мой и церкве всея. Цѣлуетъ вы Ерастъ стро­итель градскiй, и Куартъ братъ.
16:24	Благодать Господа на­шего Иисуса Христа со всѣми вами. Аминь. Конецъ посланiю къ римляномъ: имать въ себѣ главъ 16, зачалъ же церковныхъ 43.