Послание апостола Павла к Римлянам, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Рим. 5:1	Ни едино убо нынѣ осужденiе сущымъ о Христѣ Иисусѣ, не по плоти ходящымъ, но по духу:
8:2 См.: 🔗Ин. 6:63 🔗Ин. 8:36 🔗1Кор. 15:45 🔗2Кор. 3:7	[Зач. 96А.] законъ бо духа жизни о Христѣ Иисусѣ свободилъ мя есть от­ закона грѣховнаго и смерти.
8:3 См.: 🔗2Кор. 5:21 🔗Гал. 3:13 🔗Евр. 7:18	Немощное бо закона, въ немже немоще­с­т­вова­ше плотiю, Богъ Сына Сво­его посла въ подобiи плоти грѣха, и о грѣсѣ осуди грѣхъ во плоти,
8:4	да оправданiе закона исполнит­ся въ насъ, не по плоти ходящихъ, но по духу.
8:5 См.: 🔗Ин. 3:6 🔗1Кор. 2:14	Сущiи бо по плоти плотская мудр­ст­вуютъ: а иже по духу, духовная.
8:6 См.: 🔗Рим. 6:21	Мудрованiе бо плотское смерть есть, а мудрованiе духовное животъ и миръ,
8:7 См.: 🔗Иак. 4:4	зане мудрованiе плотское вражда на Бога: закону бо Божiю не покаряет­ся, ниже бо можетъ.
8:8 См.: 🔗Евр. 11:6	[Зач. 96Б.] Сущiи же во плоти Богу угодити не могутъ.
8:9 См.: 🔗1Кор. 3:16	Вы же нѣсте во плоти, но въ дусѣ, понеже Духъ Божiй живетъ въ васъ. Аще же кто Духа Христова не имать, сей нѣсть Еговъ.
8:10	Аще же Христосъ въ васъ, плоть убо мертва грѣха ради, духъ же живетъ правды ради.
8:11 См.: 🔗Рим. 6:4	Аще ли же Духъ Воскресив­шаго Иисуса от­ мертвыхъ живетъ въ васъ, Воз­двигiй Христа изъ мертвыхъ оживотворитъ и мертвен­ная тѣлеса ваша, живущимъ Духомъ Его въ васъ.
8:12 См.: 🔗Рим. 6:7	Тѣмже убо, братiе, должни есмы не плоти, еже по плоти жити.
8:13 См.: 🔗Гал. 5:19	Аще бо по плоти живете, имате умрети, аще ли духомъ дѣянiя плотская умерщвляете, живи будете:
8:14 См.: 🔗Гал. 5:18	[Зач. 97.] елицы бо Духомъ Божiимъ водят­ся, сіи суть сынове Божiи:
8:15 См.: 🔗1Ин. 4:18 🔗1Кор. 2:12 🔗Евр. 2:15	не прiясте бо духа работы паки въ боязнь, но прiясте Духа сыноположенiя, о Немже вопiемъ: Авва Отче.
8:16 См.: 🔗Еф. 4:30	Самый Духъ спослуше­ст­вуетъ духови на­шему, яко есмы чада Божiя.
8:17 См.: 🔗Гал. 4:7	Аще же чада, и наслѣдницы: наслѣдницы убо Богу, снаслѣдницы же Христу, понеже съ Нимъ страждемъ, да и съ Нимъ прославимся.
8:18 См.: 🔗1Пет. 4:13	Непщую бо, яко недостойны страсти нынѣшняго времене къ хотящей славѣ явитися въ насъ.
8:19 См.: 🔗2Пет. 3:13	Чаянiе бо твари, от­кровенiя сыновъ Божiихъ чаетъ:
8:20	суетѣ бо тварь повинуся не волею, но за повинув­шаго ю, на упованiи,
8:21	яко и сама тварь свободит­ся от­ работы истлѣнiя въ свободу славы чадъ Божiихъ.
8:22	[Зач. 98.] Вѣмы бо, яко вся тварь съ нами совоз­дыхаетъ и сболѣзнуетъ даже донынѣ:
8:23 См.: 🔗Лк. 21:28 🔗1Ин. 3:2 🔗2Кор. 5:4 🔗Еф. 4:30	не точiю же, но и сами начатокъ Духа имуще, и мы сами въ себѣ воз­дыхаемъ, всыновленiя чающе, избавленiя тѣлу на­шему.
8:24 См.: 🔗Евр. 11:1	Упованiемъ бо спасохомся. Упованiе же видимое, нѣсть упованiе: еже бо видитъ кто, что и уповаетъ?
8:25	Аще ли, егоже не видимъ, надѣемся, терпѣнiемъ ждемъ.
8:26	Сице же и Духъ способ­ст­вуетъ намъ въ немощехъ нашихъ: о чесомъ бо помолимся, якоже подобаетъ, не вѣмы, но Самъ Духъ ходатай­ст­вуетъ о насъ воз­дыханiи неизглаголан­ными.
8:27 См.: 🔗1Цар. 16:7 🔗Ин. 14:17	Испытаяй же сердца вѣсть, что есть мудрованiе Духа, яко по Богу приповѣдуетъ {ходатай­ст­вуетъ} о святыхъ.
8:28 См.: 🔗Еф. 1:4	[Зач. 99.] Вѣмы же, яко любящымъ Бога вся поспѣше­ст­вуютъ во благое, сущымъ по предувѣдѣнiю зван­нымъ:
8:29 См.: 🔗2Кор. 3:18 🔗Кол. 1:18	ихже бо предувѣдѣ, [тѣхъ] и предустави сообразныхъ быти образу Сына Сво­его, яко быти Ему первородну во многихъ братiяхъ:
8:30 См.: 🔗Рим. 5:9 🔗Рим. 9:24	а ихже предустави, тѣхъ и при­­зва: а ихже при­­зва, сихъ и оправда: а ихже оправда, сихъ и прослави.
8:31 См.: 🔗Пс. 55:12	Что убо речемъ къ симъ, аще Богъ по насъ, кто на ны?
8:32 См.: 🔗Ин. 3:16	Иже убо Сво­его Сына не пощадѣ, но за насъ всѣхъ предалъ есть Его, како убо не и съ Нимъ вся намъ дар­ст­вуетъ?
8:33 См.: 🔗Ис. 50:9 🔗Отк. 12:10	Кто по­емлетъ на избран­ныя Божiя, Богъ оправдаяй.
8:34 См.: 🔗1Ин. 2:1	Кто осуждаяй? Христосъ Иисусъ умерый, паче же и воскресый, Иже и есть о десную Бога, Иже и ходатай­ст­вуетъ о насъ.
8:35 См.: 🔗1Ин. 2:28 🔗2Кор. 12:10	Кто ны разлучитъ от­ любве Божiя, скорбь ли, или тѣснота, или гоненiе, или гладъ, или нагота, или бѣда, или мечь? Якоже есть писано:
8:36 См.: 🔗Пс. 43:23	яко Тебе ради умерщвляеми есмы весь день: вмѣнихомся якоже овцы заколенiя.
8:37 См.: 🔗1Ин. 5:5 🔗1Кор. 15:57 🔗Отк. 12:11	Но во всѣхъ сихъ препобѣждаемъ за Воз­любльшаго ны.
8:38 См.: 🔗Еф. 6:12	Извѣстихся бо, яко ни смерть, ни животъ, ни Ангели, ни Начала, ниже Силы, ни настоящая, ни грядущая,
8:39	ни высота, ни глубина, ни ина тварь кая воз­можетъ насъ разлучити от­ любве Божiя, яже о Христѣ Иисусѣ Господѣ на­шемъ.