Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Деян. 18:17 🔗Рим. 1:1 | Павел, зван Апостол Иисус Христов волею Божиею, и Сосфен брат, |
1:2 | церкви Божией сущей в Коринфе, освященным о Христе Иисусе, званным святым, со всеми призывающими имя Господа нашего Иисуса Христа, во всяцем месте, тех же и нашем: |
1:3 См.: 🔗1Пет. 1:2 | благодать вам и мир от Бога Отца нашего и Господа Иисуса Христа. |
1:4 См.: 🔗2Фес. 1:3 | Благодарю Бога моего всегда о вас, о благодати Божией данней вам о Христе Иисусе, |
1:5 См.: 🔗Кол. 1:9 | яко во всем обогатистеся о Нем, во всяцем слове и всяцем разуме, |
1:6 См.: 🔗1Кор. 2:2 | якоже свидетелство Христово известися в вас: |
1:7 | яко вам не лишитися ни во единем даровании, чающым откровения Господа нашего Иисуса Христа, |
1:8 См.: 🔗1Фес. 3:13 | Иже и утвердит вас даже до конца неповинных в день Господа нашего Иисуса Христа. |
1:9 См.: 🔗1Фес. 5:24 | Верен Бог, Имже звани бысте во общение Сына Его Иисуса Христа, Господа нашего. |
1:10 См.: 🔗Рим. 15:5 🔗Флп. 2:2 | Молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумении и в тойже мысли. |
1:11 | Возвестися бо ми о вас, братие моя, (посланным) от Хлоиса, яко рвения в вас суть. |
1:12 См.: 🔗Деян. 18:24 | Глаголю же се, яко кийждо вас глаголет: аз убо есмь Павлов, аз же Аполлосов, аз же Кифин, аз же Христов. |
1:13 См.: 🔗Еф. 4:5 | Еда разделися Христос, еда Павел распятся по вас? Или во имя Павлово крестистеся? |
1:14 См.: 🔗Деян. 18:8 | Благодарю Бога, яко ни единаго от вас крестих, точию Криспа и Гаиа, |
1:15 | да не кто речет, яко в мое имя крестих. |
1:16 | Крестих же и Стефанинов дом: прочее не вем, аще кого иного крестих. |
1:17 См.: 🔗2Пет. 1:16 🔗1Кор. 2:13 | Не посла бо мене Христос крестити, но благовестити, не в премудрости слова, да не испразднится крест Христов. |
1:18 См.: 🔗Деян. 17:18 🔗Рим. 1:16 | Слово бо крестное погибающым убо юродство есть, а спасаемым нам сила Божия есть. |
1:19 См.: 🔗Ис. 29:14 | Писано бо есть: погублю премудрость премудрых, и разум разумных отвергу. |
1:20 См.: 🔗Ис. 33:18 🔗Ис. 44:25 | Где премудр? Где книжник? Где совопросник века сего? Не обуи ли Бог премудрость мира сего? |
1:21 См.: 🔗Мф. 11:25 | Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих. |
1:22 См.: 🔗Мф. 12:38 🔗Мф. 16:1 | Понеже и Иудее знамения просят, и Еллини премудрости ищут: |
1:23 | мы же проповедуем Христа распята, Иудеем убо соблазн, Еллином же безумие, |
1:24 См.: 🔗Рим. 1:16 🔗Кол. 2:3 | самем же званным Иудеем же и Еллином Христа, Божию силу и Божию премудрость: |
1:25 | зане буее Божие премудрее человек есть, и немощное Божие крепчае человек есть. |
1:26 | Видите бо звание ваше, братие, яко не мнози премудри по плоти, не мнози сильни, не мнози благородни: |
1:27 См.: 🔗2Кор. 10:5 | но буяя мира избра Бог, да премудрыя посрамит, и немощная мира избра Бог, да посрамит крепкая: |
1:28 | и худородная мира и уничиженная избра Бог, и не сущая, да сущая упразднит, |
1:29 См.: 🔗Рим. 3:27 🔗Еф. 2:9 | яко да не похвалится всяка плоть пред Богом. |
1:30 | Из Негоже вы есте о Христе Иисусе, Иже бысть нам премудрость от Бога, правда же и освящение и избавление, |
1:31 См.: 🔗Иер. 9:24 🔗2Кор. 10:17 | да, якоже пишется: хваляйся, о Господе да хвалится. |