Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 См.: 🔗Деян. 18:17 🔗Рим. 1:1 | [Зач. 122.] Павелъ, званъ апостолъ Иисусъ Христовъ волею Божiею, и Сосѳенъ братъ, |
1:2 | церкви Божiей сущей въ Коринѳѣ, освященнымъ о Христѣ Иисусѣ, званнымъ святымъ, со всѣми призывающими имя Господа нашего Иисуса Христа, во всяцѣмъ мѣстѣ, тѣхъ же и нашемъ: |
1:3 См.: 🔗1Пет. 1:2 | [Зач. 123.] благодать вамъ и миръ от Бога Отца нашего и Господа Иисуса Христа. |
1:4 См.: 🔗2Фес. 1:3 | Благодарю Бога моего всегда о васъ, о благодати Божiей даннѣй вамъ о Христѣ Иисусѣ, |
1:5 См.: 🔗Кол. 1:9 | яко во всемъ обогатистеся о Немъ, во всяцѣмъ словѣ и всяцѣмъ разумѣ, |
1:6 См.: 🔗1Кор. 2:2 | якоже свидѣтелство Христово извѣстися въ васъ: |
1:7 | яко вамъ не лишитися ни во единѣмъ дарованiи, чающымъ откровенiя Господа нашего Иисуса Христа, |
1:8 См.: 🔗1Фес. 3:13 | Иже и утвердитъ васъ даже до конца неповинныхъ въ день Господа нашего Иисуса Христа. |
1:9 См.: 🔗1Фес. 5:24 | Вѣренъ Богъ, Имже звани бысте во общенiе Сына Его Иисуса Христа, Господа нашего. |
1:10 См.: 🔗Рим. 15:5 🔗Флп. 2:2 | [Зач. 124.] Молю же вы, братiе, именемъ Господа нашего Иисуса Христа, да тожде глаголете вси, и да не будутъ въ васъ распри, да будете же утверждени въ томже разумѣнiи и въ тойже мысли. |
1:11 | Возвѣстися бо ми о васъ, братiе моя, [посланнымъ] от Хлоиса {от домашнихъ Хлоиса}, яко рвенiя въ васъ суть. |
1:12 См.: 🔗Деян. 18:24 | Глаголю же се, яко кійждо васъ глаголетъ: азъ убо есмь Павловъ, азъ же Аполлосовъ, азъ же Кифинъ, азъ же Христовъ. |
1:13 См.: 🔗Еф. 4:5 | Еда раздѣлися Христосъ, еда Павелъ распятся по васъ? Или во имя Павлово крестистеся? |
1:14 См.: 🔗Деян. 18:8 | Благодарю Бога, яко ни единаго от васъ крестихъ, точiю Криспа и Гаiа, |
1:15 | да не кто речетъ, яко въ мое имя крестихъ. |
1:16 | Крестихъ же и Стефаниновъ домъ: прочее не вѣмъ, аще кого иного крестихъ. |
1:17 См.: 🔗2Пет. 1:16 🔗1Кор. 2:13 | Не посла бо мене Христосъ крестити, но благовѣстити, не въ премудрости слова, да не испразднится крестъ Христовъ. |
1:18 См.: 🔗Деян. 17:18 🔗Рим. 1:16 | [Зач. 125А.] Слово бо крестное погибающымъ убо юродство есть, а спасаемымъ намъ сила Божiя есть. |
1:19 См.: 🔗Ис. 29:14 | Писано бо есть: погублю премудрость премудрыхъ, и разумъ разумныхъ отвергу. |
1:20 См.: 🔗Ис. 33:18 🔗Ис. 44:25 | Гдѣ премудръ? Гдѣ книжникъ? Гдѣ совопросникъ вѣка сего? Не обуи ли Богъ премудрость мiра сего? |
1:21 См.: 🔗Мф. 11:25 | Понеже бо въ премудрости Божiей не разумѣ мiръ премудростiю Бога, благоизволилъ Богъ буйствомъ проповѣди спасти вѣрующихъ. |
1:22 См.: 🔗Мф. 12:38 🔗Мф. 16:1 | Понеже и Иудее знаменiя просятъ, и Еллини премудрости ищутъ: |
1:23 | мы же проповѣдуемъ Христа распята, Иудеемъ убо соблазнъ, Еллиномъ же безумiе, |
1:24 См.: 🔗Рим. 1:16 🔗Кол. 2:3 | самѣмъ же званнымъ Иудеемъ же и Еллиномъ Христа, Божiю силу и Божiю премудрость: |
1:25 | зане буее Божiе премудрѣе человѣкъ есть, и немощное Божiе крѣпчае человѣкъ есть. |
1:26 | [Зач. 125Б.] Видите бо званiе ваше, братiе, яко не мнози премудри по плоти, не мнози сильни, не мнози благородни: |
1:27 См.: 🔗2Кор. 10:5 | но буяя мiра избра Богъ, да премудрыя посрамитъ, и немощная мiра избра Богъ, да посрамитъ крѣпкая: |
1:28 | и худородная мiра и уничиженная избра Богъ, и не сущая, да сущая упразднитъ, |
1:29 См.: 🔗Рим. 3:27 🔗Еф. 2:9 | яко да не похвалится всяка плоть предъ Богомъ. |
1:30 | Изъ Негоже вы есте о Христѣ Иисусѣ, Иже бысть намъ премудрость от Бога, правда же и освященiе и избавленiе, |
1:31 См.: 🔗Иер. 9:24 🔗2Кор. 10:17 | да, якоже пишется: хваляйся, о Господѣ да хвалится. |