Первое послание апостола Павла к Коринфянам, глава 13

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 13
13:1	Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй.
13:2 См.: 🔗Мф. 7:22	И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь.
13:3 См.: 🔗Мф. 6:1	И аще раздам вся имения моя, и аще предам тело мое, во еже сжещи е, любве же не имам, ни кая польза ми есть.
13:4 См.: 🔗Прит. 10:12 🔗1Пет. 4:8 🔗Флп. 2:3	Любы долготерпит, милосердствует, любы не завидит, любы не превозносится, не гордится,
13:5 См.: 🔗Рим. 15:1	не безчинствует, не ищет своих си, не раздражается, не мыслит зла,
13:6	не радуется о неправде, радуется же о истине:
13:7 См.: 🔗Гал. 6:2	вся любит, всему веру емлет, вся уповает, вся терпит.
13:8	Любы николиже отпадает, аще же пророчествия упразднятся, аще ли языцы умолкнут, аще разум испразднится.
13:9 См.: 🔗2Кор. 5:7	От части бо разумеваем и от части пророчествуем:
13:10	егда же приидет совершенное, тогда, еже от части, упразднится.
13:11	Егда бех младенец, яко младенец глаголах, яко младенец мудрствовах, яко младенец смышлях: егда же бых муж, отвергох младенческая.
13:12 См.: 🔗Флп. 3:12 🔗2Тим. 2:19	Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых.
13:13	Ныне же пребывают вера, надежда, любы, три сия: болши же сих любы.