Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 | Аще языки человѣческими глаголю и ангелскими, любве же не имамъ, быхъ [яко] мѣдь звенящи, или кимвалъ звяцаяй. |
13:2 См.: 🔗Мф. 7:22 | И аще имамъ пророчество, и вѣмъ тайны вся и весь разумъ, и аще имамъ всю вѣру, яко и горы преставляти, любве же не имамъ, ничтоже есмь. |
13:3 См.: 🔗Мф. 6:1 | И аще раздамъ вся имѣнiя моя, и аще предамъ тѣло мое, во еже сжещи е, любве же не имамъ, ни кая польза ми есть. |
13:4 | [Зач. 154А.] Любы долготерпитъ, милосердствуетъ, любы не завидитъ, любы не превозносится, не гордится, |
13:5 См.: 🔗Рим. 15:1 | не безчинствуетъ, не ищетъ своихъ си, не раздражается, не мыслитъ зла, |
13:6 | не радуется о неправдѣ, радуется же о истинѣ: |
13:7 См.: 🔗Гал. 6:2 | вся любитъ {покрываетъ}, всему вѣру емлетъ, вся уповаетъ, вся терпитъ. |
13:8 | Любы николиже отпадаетъ, аще же пророчествiя упразднятся, аще ли языцы умолкнутъ, аще разумъ испразднится. |
13:9 См.: 🔗2Кор. 5:7 | От части бо разумѣваемъ и от части пророчествуемъ: |
13:10 | егда же прiидетъ совершенное, тогда, еже от части, упразднится. |
13:11 | [Зач. 154Б.] Егда бѣхъ младенецъ, яко младенецъ глаголахъ, яко младенецъ мудрствовахъ, яко младенецъ смышляхъ: егда же быхъ мужъ, отвергохъ младенческая. |
13:12 См.: 🔗Флп. 3:12 🔗2Тим. 2:19 | Видимъ убо нынѣ якоже зерцаломъ въ гаданiи, тогда же лицемъ къ лицу: нынѣ разумѣю от части, тогда же познаю, якоже и познанъ быхъ. |
13:13 | Нынѣ же пребываютъ вѣра, надежда, любы, три сiя: болши же сихъ любы. |