Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 10 | |
10:1 См.: 🔗Кал. 2:17 | Таму што закон, маючы цень будучых даброт, а не сам вобраз рэчаў, аднымі і тымі ж ахвярамі, якія кожны год пастаянна прыносяцца, ніколі не можа зрабіць даскана́лымі тых, што прыходзяць з імі. |
10:2 См.: 🔗Лев. 16:34 | Інакш перасталі б прыносіць іх, бо тыя, што выконваюць служэнне, будучы адзін раз ачы́шчанымі, не мелі б ужо ніякага ўсведамле́ння грахоў. |
10:3 | Наадварот, ахвяры нага́дваюць пра грахі штогод, |
10:4 См.: 🔗Мих. 6:7 🔗Яўр. 9:12 | бо немагчыма, каб кроў быкоў і казлоў знішча́ла грахі. |
10:5 | Таму Хрыстос, уваходзячы ў свет, кажа: “ахвяры і прынашэ́ння Ты не пажада́ў, а ўгатава́ў Мне цела; |
10:6 См.: 🔗1Цар. 15:22 | усеспале́нняў і ахвяр за грэх не ўпадаба́ў Ты. |
10:7 | Тады Я сказаў: вось, іду, як у пачатку кнігі напісана пра Мяне, каб вы́канаць волю Тваю, Божа”. |
10:8 | Сказаўшы перш, што “ні ахвяры, ні прынашэння, ні ўсеспаленняў, ні ахвяры за грэх, якія прыносяцца паводле закона, не пажада́ў і не ўпадаба́ў Ты”, |
10:9 | Ён потым дадаў: “вось, іду, каб вы́канаць волю Тваю, Божа”. Ён адмяня́е першае, каб пастанавіць другое. |
10:10 См.: 🔗Яўр. 9:28 | Па гэтай волі мы асвячо́ны прынашэ́ннем Цела Іісуса Хрыста раз назаўжды. |
10:11 См.: 🔗Яўр. 9:9 | І кожны свяшчэннік штодзень стаіць, слу́жачы і шмат разоў прыно́сячы адны і тыя ж ахвяры, якія ніколі не могуць зняць грахі. |
10:12 См.: 🔗Яўр. 1:3 | А Ён, прынёсшы адну ахвяру за грахі, назаўсёды сеў праваруч Бога, |
10:13 | чакаючы з таго часу, пакуль ворагі Яго будуць пакладзены “у падножжа ног Яго”; |
10:14 | бо адным прынашэ́ннем Ён назаўсёды зрабіў даскана́лымі тых, хто асвяча́ецца. |
10:15 | Пра гэта сведчыць нам і Дух Святы, бо ска́зана: |
10:16 См.: 🔗Рым. 11:27 🔗Яўр. 8:8 | “вось запавет, які Я заключу з імі пасля тых дзён, кажа Гасподзь: укладу законы Мае́ ў сэ́рцы іх, і ў думках іх напішу іх”, а потым: |
10:17 См.: 🔗Иер. 31:33 | “і грахоў іх і беззаконняў іх не згадаю больш”. |
10:18 | А дзе ёсць прабачэнне грахоў, там не патрэбна прынашэ́нне за грэх. |
10:19 | Дык вось, браты, маючы адвагу ўваходзіць у свяцілішча дзякуючы Крыві Іісуса Хрыста, шля́хам новым і жывым, |
10:20 См.: 🔗Мф. 27:51 | які Ён зноў адкрыў нам праз заслону, гэта значыць, праз Плоць Сваю, |
10:21 См.: 🔗1Цім. 3:15 | і маючы Свяшчэнніка вялікага над домам Божым, |
10:22 | будзем прыступа́ць са шчырым сэрцам, у паўнаце́ веры, ачы́сціўшы сэ́рцы ад ліхога сумле́ння і абмы́ўшы цела вадою чыстаю, |
10:23 | будзем трымацца вызна́ння надзеі непахíсна, бо верны Той, Хто абяцаў; |
10:24 | і будзем ува́жлівымі адно да аднаго, заахво́чваючы да любові і добрых спраў; |
10:25 См.: 🔗2Пят. 3:8 | не будзем пакіда́ць сходу нашага, як гэта для некаторых стала звы́чаем, а будзем падтры́мліваць адно аднаго, і тым больш, чым бліжэй вы бачыце дзень той. |
10:26 См.: 🔗Яўр. 6:4 | Бо калі мы, атрыма́ўшы пазна́нне ісціны, па сваёй волі грашы́м, то ўжо больш няма ахвяры за грахі, |
10:27 См.: 🔗Соф. 1:18 | а застае́цца нейкае страшнае чака́нне суду́ і лџтасць агнџ, гатовага пажэ́рці супраціўных. |
10:28 | Калі таго, хто адкінуў закон Маісееў, пры двух альбо трох све́дках, без літасці караюць смерцю, |
10:29 | наколькі ж цяжэ́йшага, думаеце вы, пакара́ння ва́рты будзе той, хто зневажа́е Сына Божага, і не прызнае́ за святыню Кроў запавету, якою быў асвячоны, і Духа благадаці абража́е? |
10:30 См.: 🔗Втор. 32:35 🔗Рым. 12:19 | Бо мы ведаем Таго, Хто сказаў: “помста — Мая, Я адплачу́, кажа Гасподзь”. І яшчэ: “Гасподзь будзе судзіць народ Свой”. |
10:31 См.: 🔗Лк. 12:5 | Страшна трапіць у рукі Бога жывога! |
10:32 | Успо́мніце ж ранейшыя дні вашы, калі вы, будучы прасве́тленымі, вы́стаялі ў вялікім подзвігу пакут, |
10:33 | ці самі падляга́ючы прылџдным знява́гам і мукам, ці тое ж падзяля́ючы з іншымі; |
10:34 См.: 🔗Дзеян. 21:11 | бо вы і маім кайдана́м спагада́лі, і рабава́нне сваёй маёмасці прыма́лі з радасцю, ведаючы, што ёсць у вас на нябёсах маёмасць лепшая і вечная. |
10:35 См.: 🔗Мф. 5:12 | Дык не пакіда́йце спадзява́ння вашага, якому нале́жыць вялікая ўзнагарода. |
10:36 | Стойкасць патрэбна вам, каб, вы́канаўшы волю Божую, атрыма́ць абяца́нае; |
10:37 | бо ”яшчэ трохі, зусім крыху, і Той, Хто ма́е прыйсці, прыйдзе і не запо́зніцца. |
10:38 | Праведны ж вераю жыць будзе; а калі хто адсту́піцца, не ўпадаба́е яго душа Мая”. |
10:39 | Але мы не з тых, хто адступа́ецца на пагібель, а стаім у веры дзеля ўратава́ння душы́. |