Послание апостола Павла к Евреям, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Кол. 2:17	[Зач. 323.] Сѣнь бо имый законъ грядущихъ благъ, [а] не самый образъ вещей, на всякое лѣто тѣмиже жертвами, ихже при­­носятъ выну, никогдаже можетъ при­­ступающихъ совершити.
10:2 См.: 🔗Лев. 16:34	Понеже престали бы быти при­­носимы, ни едину ктому имущымъ совѣсть о грѣсѣхъ служащымъ, единою очищен­нымъ.
10:3	Но въ нихъ воспоминанiе грѣховъ на ко­еждо лѣто бываетъ,
10:4 См.: 🔗Мих. 6:7 🔗Евр. 9:12	невоз­можно бо крови юнчей и козлей от­пущати грѣхи.
10:5	Тѣмже входя въ мiръ, глаголетъ: жертвы и при­­ношенiя не восхотѣлъ еси, тѣло же совершилъ Ми еси:
10:6 См.: 🔗1Цар. 15:22	всесожженiй и {такожде} о грѣсѣ не благоволилъ еси.
10:7 См.: 🔗Пс. 39:7 🔗Ин. 5:46	Тогда рѣхъ: се, иду: въ главизнѣ книжнѣй написася о Мнѣ, еже сотворити волю Твою, Боже.
10:8	Выше глаголя: яко жертвы и при­­ношенiя и всесожженiй и {такожде} о грѣсѣхъ не восхотѣлъ еси, ниже благоволилъ еси: яже по закону при­­носят­ся:
10:9	тогда рече: се, иду сотворити волю Твою, Боже. Отемлетъ первое, да второе поставитъ.
10:10 См.: 🔗Евр. 9:28	О нейже воли освящени есмы при­­несенiемъ тѣла Иисусъ Христова единою.
10:11 См.: 🔗Евр. 9:9	И всякъ убо священ­никъ сто­итъ на всякъ день служя и тыяжде множицею при­­нося жертвы, яже никогдаже могутъ отъ­яти грѣховъ.
10:12 См.: 🔗Евр. 1:3	Онъ же едину о грѣсѣхъ при­­несъ жертву, всегда сѣдитъ о десную Бога,
10:13 См.: 🔗Пс. 109:1 🔗Пс. 2:8 🔗1Кор. 15:25 🔗Евр. 1:13	прочее ожидая, дондеже положат­ся врази Его подножiе ногъ Его:
10:14	единѣмъ бо при­­ношенiемъ совершилъ есть во вѣки освящаемыхъ.
10:15	Свидѣтел­ст­вуетъ же намъ и Духъ Святый, по рѣчен­ному бо прежде:
10:16 См.: 🔗Рим. 11:27 🔗Евр. 8:8	сей завѣтъ, егоже завѣщаю къ нимъ по днехъ онѣхъ, глаголетъ Господь, дая законы Моя на сердца ихъ, и въ помышленiихъ ихъ напишу ихъ:
10:17 См.: 🔗Иер. 31:33	[таже глаголетъ Господь:] и грѣховъ ихъ и беззаконiй ихъ не имамъ помянути ктому.
10:18	А идѣже от­пущенiе сихъ, ктому нѣсть при­­ношенiя о грѣсѣхъ.
10:19 См.: 🔗Ин. 10:9 🔗Ин. 14:6	[Зач. 324.] Имуще убо дерзновенiе, братiе, входити во святая Кровiю Иисусъ Христовою, путемъ новымъ и живымъ,
10:20 См.: 🔗Мф. 27:51	егоже обновилъ есть намъ завѣсою, сирѣчь плотiю Сво­ею,
10:21 См.: 🔗1Тим. 3:15	и Иереа велика надъ домомъ Божiимъ,
10:22 См.: 🔗Лев. 16:4 🔗Иез. 36:25 🔗2Кор. 7:1 🔗Еф. 5:26	да при­­ступаемъ со истин­нымъ сердцемъ во извѣщенiи вѣры, окроплени сердцы от­ совѣсти лукавыя и измовени тѣлесы водою чистою:
10:23	да держимъ исповѣданiе упованiя неуклон­ное, вѣренъ бо есть Обѣщавый:
10:24	и да разумѣеваемъ другъ друга въ поощренiи любве и добрыхъ дѣлъ,
10:25 См.: 🔗2Пет. 3:8	не оставляюще собранiя сво­его, якоже есть нѣкимъ обычай, но [другъ друга] подвизающе, и толико паче, елико видите при­­ближающiйся день [судный].
10:26 См.: 🔗Евр. 6:4	Волею бо согрѣшающымъ намъ по прiятiи разума истины, ктому о грѣсѣхъ не обрѣтает­ся жертва,
10:27 См.: 🔗Соф. 1:18	страшно же нѣкое чаянiе суда и огня ревность, поясти хотящаго сопротивныя.
10:28 См.: 🔗Втор. 17:6 🔗Втор. 19:15 🔗Мф. 18:16 🔗Ин. 8:17 🔗2Кор. 13:1	Отвергл­ся кто закона Моисеова, безъ милосердiя при­­ дво­ихъ или трiехъ свидѣтелехъ умираетъ:
10:29	колико мните горшiя сподобит­ся муки, иже Сына Божiя поправый, и Кровь завѣтную скверну воз­мнивъ, еюже освятися, и Духа благодати укоривый?
10:30 См.: 🔗Втор. 32:35 🔗Рим. 12:19	Вѣмы бо Рекшаго: Мнѣ от­мщенiе, Азъ воз­дамъ, глаголетъ Господь. И паки: яко судитъ Господь людемъ Сво­имъ.
10:31 См.: 🔗Лк. 12:5	Страшно [есть] еже впасти въ руцѣ Бога живаго.
10:32	[Зач. 325.] Воспоминайте же первыя дни вашя, въ нихже просвѣтив­шеся, многiя страсти претерпѣсте {многъ подвигъ подъясте} страданiй,
10:33	ово убо, поношеньми и скорбьми позоръ быв­ше, ово же, общницы быв­ше живущымъ тако:
10:34 См.: 🔗Деян. 21:11	ибо узамъ мо­имъ спострадасте и разграбленiе имѣнiй вашихъ съ радостiю прiясте, вѣдяще имѣти себѣ имѣнiе на небесѣхъ пребывающее и лучшее.
10:35 См.: 🔗Мф. 5:12	[Зач. 326.] Не от­лагайте убо дерзновенiя ва­шего, еже имать мздовоз­даянiе велико.
10:36	Терпѣнiя бо имате потребу, да волю Божiю сотворше, прiимете обѣтованiе:
10:37	еще бо мало елико елико, Грядый прiидетъ и не укоснитъ.
10:38 См.: 🔗Авв. 2:3 🔗Рим. 1:17 🔗Гал. 3:11	А праведный от­ вѣры живъ будетъ: и аще обинет­ся, не благоволитъ душа Моя о немъ.
10:39	Мы же [братiе] нѣсмы обиновенiя въ погибель, но вѣры въ снабдѣнiе души.