Послание апостола Павла к Евреям, глава 13

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 13
13:1	Братолюбие да пребывает:
13:2 См.: 🔗Быт. 18:3 🔗Быт. 19:2 🔗Мф. 25:35 🔗Рим. 12:13	страннолюбия не забывайте, тем бо не ведяще нецыи странноприяша Ангелы.
13:3	Поминайте юзники, аки с ними связани: озлобляемыя, аки и сами суще в теле.
13:4 См.: 🔗1Кор. 6:15	Честна женитва во всех и ложе нескверно: блудником же и прелюбодеем судит Бог.
13:5 См.: 🔗Нав. 1:5 🔗Быт. 28:15 🔗Мф. 6:34	Не сребролюбцы нравом, доволни сущими. Той бо рече: не имам тебе оставити, ниже имам от тебе отступити:
13:6 См.: 🔗Пс. 117:6	яко дерзающым нам глаголати: Господь мне помощник, и не убоюся: что сотворит мне человек?
13:7 См.: 🔗1Фес. 5:12	Поминайте наставники вашя, иже глаголаша вам слово Божие: ихже взирающе на скончание жителства, подражайте вере (их).
13:8 См.: 🔗1Кор. 3:11 🔗Отк. 1:4	Иисус Христос вчера и днесь Тойже, и во веки.
13:9 См.: 🔗Ин. 6:27 🔗Еф. 4:14	В научения странна и различна не прилагайтеся: добро бо благодатию утверждати сердца, (а) не брашны, от нихже не прияша пользы ходившии в них.
13:10 См.: 🔗1Кор. 9:13	Имамы (же) олтарь, от негоже не имут власти ясти служащии сени.
13:11 См.: 🔗Лев. 16:27	Ихже бо кровь животных вносится во святая за грехи первосвященником, сих телеса сжигаются вне стана:
13:12 См.: 🔗Мф. 21:39 🔗Мф. 27:33 🔗Отк. 1:5	темже Иисус, да освятит люди Своею Кровию, вне врат пострадати изволил.
13:13 См.: 🔗1Пет. 4:14 🔗Евр. 11:26 🔗Евр. 12:2	Темже убо да исходим к Нему вне стана, поношение Его носяще:
13:14 См.: 🔗Флп. 3:20 🔗Евр. 12:22	не имамы бо зде пребывающаго града, но грядущаго взыскуем.
13:15 См.: 🔗Пс. 49:14 🔗Пс. 50:19 🔗Ос. 14:3	Тем убо приносим жертву хваления выну Богу, сиречь плод устен исповедающихся имени Его.
13:16 См.: 🔗2Кор. 9:12 🔗Флп. 4:18	Благотворения же и общения не забывайте: таковыми бо жертвами благоугождается Бог.
13:17 См.: 🔗Иез. 33:7 🔗Мф. 25:13 🔗Деян. 20:31 🔗1Кор. 4:1	Повинуйтеся наставником вашым и покаряйтеся: тии бо бдят о душах ваших, яко слово воздати хотяще: да с радостию сие творят, а не воздыхающе, несть бо полезно вам сие.
13:18 См.: 🔗Деян. 23:1 🔗Рим. 15:30	Молитеся о нас: уповаем бо, яко добру совесть имамы, во всех добре хотяще жити.
13:19	Лишше же молю, сие творите, да вскоре устроюся вам.
13:20 См.: 🔗Ис. 40:11 🔗Зах. 9:16 🔗Ин. 10:11 🔗Деян. 2:24 🔗1Фес. 1:10	Бог же мира, возведый из мертвых Пастыря овцам великаго Кровию завета вечнаго, Господа нашего Иисуса Христа,
13:21 См.: 🔗1Пет. 5:10 🔗2Кор. 3:5 🔗1Фес. 5:23	да совершит вы во всяцем деле блазе, сотворити волю Его, творя в вас благоугодное пред Ним Иисус Христом: Емуже слава во веки веков. Аминь.
13:22	Молю же вы, братие, приимите слово утешения: ибо вмале написав послах вам.
13:23	Знайте брата нашего отпущена Тимофеа, с нимже, аще скорее приидет, узрю вас.
13:24	Целуйте вся наставники вашя и вся святыя. Целуют вы иже от Италии сущии.
13:25	Благодать со всеми вами. Аминь.