Послание апостола Павла к Евреям, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1	Братолюбiе да пребываетъ:
13:2 См.: 🔗Быт. 18:3 🔗Быт. 19:2 🔗Мф. 25:35 🔗Рим. 12:13	стран­нолюбiя не забывайте, тѣмъ бо не вѣдяще нѣцыи стран­нопрiяша Ангелы.
13:3	Поминайте юзники, аки съ ними связани: озлобляемыя, аки и сами суще въ тѣлѣ.
13:4 См.: 🔗1Кор. 6:15	Честна женитва во всѣхъ и ложе нескверно: блудникомъ же и прелюбо­дѣемъ судитъ Богъ.
13:5 См.: 🔗Нав. 1:5 🔗Быт. 28:15 🔗Мф. 6:34	Не сребролюбцы нравомъ, доволни сущими. Той бо рече: не имамъ тебе оставити, ниже имамъ от­ тебе от­ступити:
13:6 См.: 🔗Пс. 117:6	яко дерзающымъ намъ глаголати: Господь мнѣ помощникъ, и не убоюся: что сотворитъ мнѣ человѣкъ?
13:7 См.: 🔗1Фес. 5:12	[Зач. 334.] Поминайте наставники вашя, иже глаголаша вамъ слово Божiе: ихже взирающе на скончанiе жител­ст­ва, подражайте вѣрѣ [ихъ].
13:8 См.: 🔗1Кор. 3:11 🔗Отк. 1:4	Иисусъ Христосъ вчера и днесь Тойже, и во вѣки.
13:9 См.: 🔗Ин. 6:27 🔗Еф. 4:14	Въ наученiя стран­на и различна не при­­лагайтеся: добро бо благодатiю утверждати сердца, [а] не брашны, от­ нихже не прiяша пользы ходив­шiи въ нихъ.
13:10 См.: 🔗1Кор. 9:13	Имамы [же] олтарь, от­ негоже не имутъ власти ясти служащiи сѣни.
13:11 См.: 🔗Лев. 16:27	Ихже бо кровь животныхъ вносит­ся во святая за грѣхи первосвящен­никомъ, сихъ тѣлеса сжигают­ся внѣ стана:
13:12 См.: 🔗Мф. 21:39 🔗Мф. 27:33 🔗Отк. 1:5	тѣмже Иисусъ, да освятитъ люди Сво­ею Кровiю, внѣ вратъ пострадати изволилъ.
13:13 См.: 🔗1Пет. 4:14 🔗Евр. 11:26 🔗Евр. 12:2	Тѣмже убо да исходимъ къ Нему внѣ стана, поношенiе Его носяще:
13:14 См.: 🔗Флп. 3:20 🔗Евр. 12:22	не имамы бо здѣ пребывающаго града, но грядущаго взыскуемъ.
13:15 См.: 🔗Пс. 49:14 🔗Пс. 50:19 🔗Ос. 14:3	Тѣмъ убо при­­носимъ жертву хваленiя выну Богу, сирѣчь плодъ устенъ исповѣда­ю­щихся имени Его.
13:16 См.: 🔗2Кор. 9:12 🔗Флп. 4:18	Благотворенiя же и общенiя не забывайте: таковыми бо жертвами благо­угождает­ся Богъ.
13:17 См.: 🔗Иез. 33:7 🔗Мф. 25:13 🔗Деян. 20:31 🔗1Кор. 4:1	[Зач. 335.] Повинуйтеся наставникомъ вашымъ и покаряйтеся: тіи бо бдятъ о душахъ вашихъ, яко слово воз­дати хотяще: да съ радостiю сiе творятъ, а не воз­дыхающе, нѣсть бо полезно вамъ сiе.
13:18 См.: 🔗Деян. 23:1 🔗Рим. 15:30	Молитеся о насъ: уповаемъ бо, яко добру совѣсть имамы, во всѣхъ добрѣ хотяще жити.
13:19	Лишше же молю, сiе творите, да вскорѣ устроюся вамъ {воз­вращуся къ вамъ}.
13:20 См.: 🔗Ис. 40:11 🔗Зах. 9:16 🔗Ин. 10:11 🔗Деян. 2:24 🔗1Фес. 1:10	Богъ же мира, воз­ведый изъ мертвыхъ Пастыря овцамъ великаго Кровiю завѣта вѣчнаго, Господа на­шего Иисуса Христа,
13:21 См.: 🔗1Пет. 5:10 🔗2Кор. 3:5 🔗1Фес. 5:23	да совершитъ вы во всяцѣмъ дѣлѣ блазѣ, сотворити волю Его, творя въ васъ благо­угодное предъ Нимъ Иисусъ Христомъ: Емуже слава во вѣки вѣковъ. Аминь.
13:22	Молю же вы, братiе, прiимите слово утѣшенiя: ибо вмалѣ написавъ послахъ вамъ.
13:23	Знайте брата на­шего от­пущена Тимоѳеа, съ нимже, аще скорѣе прiидетъ, узрю васъ.
13:24	Цѣлуйте вся наставники вашя и вся святыя. Цѣлуютъ вы иже от­ Италіи сущiи.
13:25	Благодать со всѣми вами. Аминь. Конецъ посланiю еже ко Евреемъ: имать въ себѣ главъ 13, зачалъ же церковныхъ 33.