Евангелие от Иоанна, глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1 См.: 🔗Мф. 28:1 🔗Мк. 16:1 🔗Лк. 24:1	[Зач. 63.] Во едину же от­ субботъ Маріа Магдалина прiиде заутра, еще сущей тмѣ, на гробъ, и видѣ камень взятъ от­ гроба:
20:2	тече убо и прiиде къ Симону Петру и къ другому ученику, егоже любляше Иисусъ, и глагола има: взяша Господа от­ гроба, и не вѣмъ, гдѣ положиша Его.
20:3	Изыде же Петръ и другій ученикъ, и идяста ко гробу,
20:4	течаста же оба вкупѣ: и другій ученикъ тече скорѣе Петра и прiиде прежде ко гробу,
20:5	и при­­никъ видѣ ризы лежащя: обаче не вниде.
20:6 См.: 🔗Лк. 24:12	Прiиде же Симонъ Петръ вслѣдъ его, и вниде во гробъ, и видѣ ризы [едины] лежащя
20:7	и сударь, иже бѣ на главѣ Его, не съ ризами лежащь, но особь свитъ на единѣмъ мѣстѣ.
20:8	Тогда убо вниде и другій ученикъ, при­­шедый прежде ко гробу, и видѣ, и вѣрова:
20:9 См.: 🔗Пс. 15:10 🔗Ис. 53:11 🔗Ион. 2:1	не у бо вѣдяху Писанiя, яко подобаетъ Ему изъ мертвыхъ воскреснути.
20:10	Идоста же паки къ себѣ ученика.
20:11 См.: 🔗Мф. 28:1 🔗Мк. 16:5	[Зач. 64.] Маріа же стояше у гроба внѣ плачущи: якоже плакашеся, при­­ниче во гробъ
20:12	и видѣ два Ангела въ бѣлыхъ [ризахъ] сѣдяща, единаго у главы и единаго у ногу, идѣже бѣ лежало тѣло Иисусово.
20:13	И глаголаста ей она: жено, что плачешися? Глагола има: яко взяша Господа мо­его, и не вѣмъ, гдѣ положиша Его.
20:14 См.: 🔗Мф. 28:9 🔗Мк. 16:9	И сiя рекши обратися вспять и видѣ Иисуса стояща, и не вѣдяше, яко Иисусъ есть.
20:15	Глагола ей Иисусъ: жено, что плачеши, кого ищеши? Она [же] мнящи, яко вертоградарь есть, глагола Ему: господи, аще ты еси взялъ Его, повѣждь ми, гдѣ еси положилъ Его, и азъ воз­му Его.
20:16	Глагола ей Иисусъ: Маріе. Она [же] обращшися глагола Ему: Раввуни, еже глаголет­ся, Учителю.
20:17 См.: 🔗Пс. 21:23 🔗Мф. 28:10 🔗Рим. 8:29 🔗Евр. 2:11	Глагола ей Иисусъ: не при­­касайся Мнѣ, не у бо взыдохъ ко Отцу Мо­ему: иди же ко братiи Мо­ей и рцы имъ: восхожду ко Отцу Мо­ему и Отцу ва­шему, и Богу Мо­ему и Богу ва­шему.
20:18	Прiиде [же] Маріа Магдалина повѣда­ю­щи ученикомъ, яко видѣ Господа, и сiя рече ей.
20:19 См.: 🔗Мк. 16:14 🔗Лк. 24:36 🔗Деян. 13:31 🔗1Кор. 15:5	[Зач. 65.] Сущу же поздѣ въ день той во едину от­ субботъ, и дверемъ затворен­нымъ, идѣже бяху ученицы [Его] собрани, страха ради Иудейска, прiиде Иисусъ и ста посредѣ, и глагола имъ: миръ вамъ.
20:20 См.: 🔗Ин. 16:22	И сiе рекъ, показа имъ руцѣ [и нозѣ] и ребра Своя. Возрадовашася убо ученицы, видѣв­ше Господа.
20:21 См.: 🔗Ин. 17:18	Рече же имъ Иисусъ паки: миръ вамъ: якоже посла Мя Отецъ, и Азъ посылаю вы.
20:22	И сiе рекъ, дуну и глагола имъ: прiимите Духъ Святъ:
20:23 См.: 🔗Мф. 16:19 🔗Мф. 18:18	имже от­пустите грѣхи, от­пустят­ся имъ: и имже держите, держат­ся.
20:24	Ѳома же, единъ от­ обою­на­де­ся­те, глаголемый Близнецъ, не бѣ [ту] съ ними, егда прiиде Иисусъ.
20:25 См.: 🔗Ин. 19:34	Глаголаху же ему друзіи ученицы: видѣхомъ Господа. Онъ же рече имъ: аще не вижу на руку Его язвы гвоз­дин­ныя, и вложу перста мо­его въ язвы гвоз­дин­ныя, и вложу руку мою въ ребра Его, не иму вѣры.
20:26	И по днехъ осмихъ паки бяху внутрь ученицы Его, и Ѳома съ ними. Прiиде Иисусъ дверемъ затворен­нымъ, и ста посредѣ [ихъ] и рече: миръ вамъ.
20:27	Потомъ глагола Ѳомѣ: при­­неси перстъ твой сѣмо, и виждь руцѣ Мо­и: и при­­неси руку твою, и вложи въ ребра Моя: и не буди невѣренъ, но вѣренъ.
20:28	И от­вѣща Ѳома и рече Ему: Господь мой и Богъ мой.
20:29 См.: 🔗1Пет. 1:8 🔗2Кор. 5:7	Глагола ему Иисусъ: яко видѣвъ Мя, вѣровалъ еси: блажени не видѣв­шiи и вѣровав­ше.
20:30 См.: 🔗Ин. 21:25	Многа же и ина знаменiя сотвори Иисусъ предъ ученики Сво­ими, яже не суть писана въ книгахъ сихъ:
20:31 См.: 🔗Ин. 3:15 🔗Рим. 15:4	сiя же писана быша, да вѣруете, яко Иисусъ есть Христосъ Сынъ Божiй, и да вѣру­ю­ще животъ имате во имя Его.