Святое Дабравесце паводле Матфея, главы 16–22

	Язык: Беларускi Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
	Раздзел 16
16:1 См.: 🔗Мф. 12:38 🔗Мк. 8:11 🔗1Кар. 1:22	І прыступілі фарысеі і садукеі і, спакушаючы, прасілі Яго паказаць ім знаменне з неба.
16:2 См.: 🔗Лк. 12:54	А Ён сказаў ім у адказ: вечарам вы кажаце: будзе пагода, бо неба агністае;
16:3	і раніцай: сёння непагадзь, бо неба агніста – хмарнае. Крывадушнікі! аблічча неба вы ўмееце адрозніваць, а знакаў часу не можаце?
16:4 См.: 🔗Ион. 2:1 🔗Мф. 12:39	Род ліхі і пералюбны азнакі шукае, і азнака не дасца яму, акрамя азнакі Іоны прарока. І пакінуўшы іх, адышоў.
16:5 См.: 🔗Мк. 8:14	І перапраўляючыся на другі бок, вучні Яго забыліся ўзяць хлябоў.
16:6 См.: 🔗Мк. 8:15 🔗Лк. 12:1	Іісус сказаў ім: глядзіце, сцеражыцеся закваскі фарысейскай і садукейскай.
16:7	Яны ж разважалі самі сабе, кажучы: хлябоў мы не ўзялі.
16:8	Уразумеўшы гэта, Іісус сказаў ім: што разважаеце самі сабе, малаверныя, што хлябоў не ўзялі?
16:9	Няўжо яшчэ не разумееце і не памятаеце пра пяць хлябоў на пяць тысяч, і колькі кашоў вы набралі?
16:10	Ні пра сем хлябоў на чатыры тысячы, і колькі кошыкаў набралі?
16:11	Як не разумееце, што не пра хлябы Я сказаў вам: «сцеражыцеся закваскі фарысейскай і садукейскай»?
16:12	Тады яны зразумелі, што Ён сказаў асцерагацца не закваскі хлебнай, а вучэння фарысейскага і садукейскага.
16:13 См.: 🔗Дан. 7:13 🔗Мк. 8:27 🔗Лк. 9:18	А прыйшоўшы ў межы Кесарыі Філіпавай, Іісус пытаўся ў вучняў Сваіх, кажучы: за каго людзі ўважаюць Мяне, Сына Чалавечага?
16:14	Яны сказалі: адны за Іаана Хрысціцеля, а другія за Ілію, а іншыя за Іерамію альбо за аднаго з прарокаў.
16:15	Ён кажа ім: а вы за каго ўважаеце Мяне?
16:16 См.: 🔗Мф. 14:33 🔗Мк. 8:29 🔗Лк. 9:20 🔗Iн. 6:69	І Сіман Пётр сказаў у адказ: Ты — Хрыстос, Сын Бога Жывога.
16:17 См.: 🔗Мф. 11:25	І Іісус сказаў яму ў адказ: блажэнны ты, Сімане, сыне Іонаў, бо не плоць і кроў адкрылі табе гэта, а Айцец Мой, Які ёсць у нябёсах;
16:18 См.: 🔗Лк. 22:31 🔗1Пят. 2:4 🔗1Кар. 3:11	і Я кажу табе: ты Пётр, і на камені гэтым Я збудую Царкву Маю, і брамы пякельныя не адолеюць яе.
16:19 См.: 🔗Мф. 18:18 🔗Iн. 20:23	І дам табе ключы Царства Нябеснага: і што звяжаш на зямлі, тое будзе звязана ў нябёсах; і што развяжаш на зямлі, тое будзе развязана ў нябёсах.
16:20 См.: 🔗Мк. 8:30	Тады Іісус загадаў вучням Сваім, каб нікому не казалі, што Ён ёсць Хрыстос.
16:21	3 таго часу Іісус пачаў адкрываць вучням Сваім, што Яму належыць ісці ў Іерусалім і многа адпакутаваць ад старэйшын і першасвятароў і кніжнікаў, і мае быць забіты, і на трэці дзень уваскрэснуць.
16:22	I, адвёўшы Яго, Пётр пачаў пярэчыць Яму, кажучы: міласэрны Ты, Госпадзе! Няхай не будзе гэтага з Табою!
16:23 См.: 🔗Рым. 8:7	А Ён, абярнуўшыся, сказаў Пятру: адыдзі ад Мяне, сатана! ты Мне спакуса, бо думаеш не пра тое, што Божае, а што чалавечае.
16:24 См.: 🔗Мф. 10:38 🔗Мк. 8:34 🔗Лк. 14:27	Тады Іісус сказаў вучням Сваім: калі хто хоча ісці за Мною, няхай адрачэцца ад сябе і возьме крыж свой і ідзе ўслед за Мною;
16:25	бо хто хоча душу сваю ўратаваць, той страціць яе; а хто страціць душу сваю дзеля Мяне, той знойдзе яе;
16:26	бо якая карысць чалавеку, калі ён увесь свет здабудзе, а душы сваёй пашкодзіць? альбо які выкуп дасць чалавек за душу сваю?
16:27 См.: 🔗Пс. 61:13 🔗Зах. 14:5 🔗Мф. 25:31 🔗Рым. 2:6 🔗Отк. 19:14	бо прыйдзе Сын Чалавечы ў славе Айца Свайго з Ангеламі Сваімі, і тады аддасць кожнаму паводле спраў ягоных.
16:28 См.: 🔗Мк. 9:1 🔗Лк. 9:27	Праўду кажу вам: ёсць сярод тых, што стаяць тут, некаторыя, якія не зазнаюць смерці, пакуль не ўбачаць Сына Чалавечага, як Ён ідзе ў Царстве Сваім.

	Раздзел 22
22:1	І ў адказ Іісус зноў прамовіў да іх у прытчах, кажучы:
22:2 См.: 🔗Прит. 9:1 🔗Лк. 14:16 🔗Отк. 19:7	падобнае Царства Нябеснае на чалавека – цара, які справіў вяселле сыну свайму
22:3	і паслаў рабоў сваіх клікаць запрошаных на вяселле; і не хацелі прыйсці.
22:4	Зноў паслаў іншых рабоў, сказаўшы: скажыце запрошаным: «вось я прыгатаваў абед мой, цяляты мае і што ўкормлена, заколата, і ўсё гатова; прыходзьце на вяселле».
22:5	Але яны, не даўшы ўвагі, пайшлі, хто на поле сваё, а хто да гандлю свайго.
22:6	Астатнія ж, схапіўшы рабоў ягоных, зняважылі і забілі іх.
22:7 См.: 🔗Лк. 19:27	І пачуўшы, цар той угневаўся, і, паслаўшы войскі свае, вынішчыў забойцаў тых і горад іхні спаліў.
22:8	Тады кажа ён рабам сваім: вяселле гатова, а запрошаныя не былі вартыя.
22:9	Дык вось, ідзіце на ростані і ўсіх, каго спаткаеце, клічце на вяселле.
22:10	І рабы тыя, выйшаўшы на дарогі, сабралі ўсіх, каго толькі знайшлі, і ліхіх і добрых; і напоўнілася вяселле бяседнікамі.
22:11	Цар, увайшоўшы паглядзець на бяседнікаў, убачыў там чалавека, апранутага не ў вясельныя строі,
22:12	і кажа яму: дружа! як ты ўвайшоў сюды не ў вясельных строях? А той маўчаў.
22:13	Тады сказаў цар слугам: звязаўшы яму рукі і ногі, вазьміце яго і выкіньце ў цемру вонкавую: там будзе плач і скрыгат зубоў;
22:14 См.: 🔗Мф. 20:16	бо шмат пакліканых, ды мала выбраных.
22:15 См.: 🔗Мк. 12:13 🔗Лк. 20:20	Тады фарысеі пайшлі і дамаўляліся, як злавіць Яго на слове.
22:16	І пасылаюць да Яго вучняў сваіх з ірадыянамі, кажучы: Настаўнік! мы ведаем, што Ты справядлівы, і шляху Божаму праўдзіва вучыш, і не стараешся дагадзіць каму – небудзь, бо не глядзіш на абліччы;
22:17	дык вось скажы нам: як Табе здаецца? ці дазваляецца даваць падатак кесару, ці не?
22:18	Але Іісус, убачыўшы зламыснасць іхнюю, сказаў: што спакушаеце Мяне, крывадушнікі?
22:19	пакажыце Мне манету, якою плаціцца падатак. Яны прынеслі Яму дынарый.
22:20	І кажа ім: чыя гэта выява і надпіс?
22:21 См.: 🔗Мк. 12:17 🔗Рым. 13:7	І кажуць Яму: кесаравы. Тады кажа ім: дык аддавайце кесарава кесару, а Божае Богу.
22:22	Пачуўшы гэта, яны здзівіліся і, пакінуўшы Яго, пайшлі.
22:23 См.: 🔗Мк. 12:18 🔗Лк. 20:27 🔗Дзеян. 23:8	У той дзень падышлі да Яго садукеі, якія кажуць, што няма ўваскрасення, і спыталіся ў Яго:
22:24 См.: 🔗Втор. 25:5 🔗Мк. 12:19 🔗Лк. 20:28	Настаўнік! Маісей сказаў: «калі хто памрэ, не маючы дзяцей, няхай возьме брат яго жонку яго і адродзіць семя брату свайму».
22:25	Было ў нас сем братоў: першы, ажаніўшыся, памёр і, не маючы семені, пакінуў жонку сваю брату свайму;
22:26	гэтак сама і другі, і трэці, нават да сёмага;
22:27	а пасля ўсіх памерла і жонка.
22:28	Дык вось, ва ўваскрэсенні, катораму з сямі будзе яна за жонку, бо ўсе мелі яе.
22:29	Іісус сказаў ім у адказ: памыляецеся, не ведаючы Пісанняў, ні сілы Божай;
22:30 См.: 🔗1Кар. 15:44	бо ва ўваскрэсенні ні жэняцца, ні выходзяць замуж, а жывуць, як Ангелы Божыя на нябёсах.
22:31	А пра ўваскрэсенне мёртвых ці не чыталі вы сказанага вам Богам:
22:32 См.: 🔗Исх. 3:6 🔗Мк. 12:26 🔗Лк. 20:37	« Я Бог Аўраама, і Бог Ісаака, і Бог Іакава»? Бог не ёсць Бог мёртвых, а жывых.
22:33	І пачуўшы, люд здзіўляўся з вучэння Яго.
22:34	А фарысеі, пачуўшы, што Ён прывёў садукеяў у маўчанне, сабраліся разам.
22:35 См.: 🔗Мк. 12:28 🔗Лк. 10:25	І спытаўся адзін з іх, законнік, спакушаючы Яго і кажучы:
22:36	Настаўнік! якая запаведзь найбольшая ў законе?
22:37 См.: 🔗Втор. 6:5 🔗Мих. 6:8 🔗Мк. 12:30 🔗Лк. 10:27	Іісус жа сказаў яму: «узлюбі Госпада Бога твайго ўсім сэрцам тваім, і ўсёю душою тваёю, і ўсім разуменнем тваім».
22:38	гэта найбольшая і першая запаведзь;
22:39 См.: 🔗Лев. 19:18 🔗Мф. 5:43 🔗Мк. 12:31	а другая падобная да яе: «узлюбі блізкага твайго, як самога сябе»;
22:40	на гэтых дзвюх запаведзях грунтуецца ўвесь закон і прарокі.
22:41	Калі ж сабраліся фарысеі, спытаўся ў іх Іісус:
22:42 См.: 🔗Мк. 12:35 🔗Лк. 20:41	што вы думаеце пра Хрыста? чый Ён сын? Кажуць Яму: Давідаў.
22:43	Кажа ім: як жа Давід, з натхнення, Госпадам Яго называе, калі кажа:
22:44 См.: 🔗Пс. 109:1 🔗Лк. 20:42	«Сказаў Гасподзь Госпаду майму: сядзі праваруч Мяне, пакуль пакладу ворагаў Тваіх у падножжа ног Тваіх»?
22:45	Дык вось, калі Давід называе Яго Госпадам, як жа Ён сын яму?
22:46	І ніхто не мог адказаць Яму ні слова; і не адважваўся ўжо ніхто з таго дня дапытвацца ў Яго.