Евангелие от Матфея, главы 16–22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Мф. 12:38 🔗Мк. 8:11 🔗1Кор. 1:22	[Зач. 65.] И при­­ступиша [къ Нему] фарисее и саддукее, искушающе просиша Его знаменiе съ небесе показати имъ.
16:2 См.: 🔗Лк. 12:54	Онъ же от­вѣщавъ рече имъ: вечеру быв­шу, глаголете: ведро, чермнуетбося небо:
16:3	и утру: днесь зима, чермнуетбося дряселуя небо. Лицемѣри, лице убо небесе умѣете разсуждати, знаменiй же временомъ не можете [искусити].
16:4 См.: 🔗Ион. 2:1 🔗Мф. 12:39	Родъ лукавъ и прелюбо­дѣйный знаменiя ищетъ: и знаменiе не даст­ся ему, токмо знаменiе Ионы пророка. И оставль ихъ, отъиде.
16:5 См.: 🔗Мк. 8:14	И прешедше ученицы Его на онъ полъ, забыша хлѣбы взяти.
16:6 См.: 🔗Мк. 8:15 🔗Лк. 12:1	[Зач. 66.] Иисусъ же рече имъ: внемлите и блюдитеся от­ кваса фарисейска и саддукейска.
16:7	Они же помышляху въ себѣ, глаголюще: яко хлѣбы не взяхомъ.
16:8	Разумѣвъ же Иисусъ рече имъ: что мыслите въ себѣ, маловѣри, яко хлѣбы не взясте?
16:9	Не у ли разумѣете, ниже помните пять хлѣбы пятимъ тысящамъ, и колико кошъ взясте?
16:10	Ни ли седмь хлѣбы четыремъ тысящамъ, и колико кошницъ взясте?
16:11	Како не разумѣете, яко не о хлѣбѣхъ рѣхъ вамъ внимати, [но] от­ кваса фарисейска и саддукейска?
16:12	Тогда разумѣша, яко не рече хранитися от­ кваса хлѣбнаго, но от­ ученiя фарисейска и саддукейска.
16:13 См.: 🔗Дан. 7:13 🔗Мк. 8:27 🔗Лк. 9:18	[Зач. 67.] Пришедъ же Иисусъ во страны Кесаріи Филипповы, вопроша­ше ученики Своя, глаголя: кого Мя глаголютъ человѣцы быти, Сына Человѣческаго?
16:14	Они же рѣша: ови убо Иоан­на Крестителя, иніи же Илiю, друзіи же Иеремію или единаго от­ пророкъ.
16:15	Глагола имъ [Иисусъ]: вы же кого Мя глаголете быти?
16:16 См.: 🔗Мф. 14:33 🔗Мк. 8:29 🔗Лк. 9:20 🔗Ин. 6:69	Отвѣщавъ же Симонъ Петръ рече: Ты еси Христосъ, Сынъ Бога живаго.
16:17 См.: 🔗Мф. 11:25	И от­вѣщавъ Иисусъ рече ему: блаженъ еси, Симоне, варъ Иона, яко плоть и кровь не яви тебѣ, но Отецъ Мой, иже на небесѣхъ:
16:18 См.: 🔗Лк. 22:31 🔗1Пет. 2:4 🔗1Кор. 3:11	и Азъ же тебѣ глаголю, яко ты еси Петръ, и на семъ камени созижду Церковь Мою, и врата адова не одолѣютъ ей:
16:19 См.: 🔗Мф. 18:18 🔗Ин. 20:23	и дамъ ти ключи Цар­ст­ва Небеснаго: и еже аще свяжеши на земли, будетъ связано на небесѣхъ: и еже аще разрѣшиши на земли, будетъ разрѣшено на небесѣхъ.
16:20 См.: 🔗Мк. 8:30	[Зач. 68.] Тогда запрети Иисусъ ученикомъ Сво­имъ, да ни комуже рекутъ, яко Сей есть Иисусъ Христосъ.
16:21	Оттолѣ начатъ Иисусъ сказовати ученикомъ Сво­имъ, яко подобаетъ Ему ити во Иерусалимъ и много пострадати от­ старецъ и архiерей и книжникъ, и убiену быти, и въ третiй день востати.
16:22	И по­емь Его Петръ, начатъ прерѣцати Ему глаголя: милосердъ Ты, Господи: не имать быти Тебѣ сiе.
16:23 См.: 🔗Рим. 8:7	Онъ же обращься рече Петрови: иди за Мною, сатано, соблазнъ Ми еси: яко не мыслиши яже [суть] Божiя, но человѣческая.
16:24 См.: 🔗Мф. 10:38 🔗Мк. 8:34 🔗Лк. 14:27	[Зач. 69.] Тогда Иисусъ рече ученикомъ Сво­имъ: аще кто хощетъ по Мнѣ ити, да от­вержет­ся себе и возметъ крестъ свой и по Мнѣ грядетъ:
16:25	иже бо аще хощетъ душу свою спасти, погубитъ ю: и иже аще погубитъ душу свою Мене ради, обрящетъ ю:
16:26	кая бо польза человѣку, аще мiръ весь прiобрящетъ, душу же свою отщетитъ? Или что дастъ человѣкъ измѣну за душу свою?
16:27 См.: 🔗Пс. 61:13 🔗Зах. 14:5 🔗Мф. 25:31 🔗Рим. 2:6 🔗Отк. 19:14	Прiити бо имать Сынъ Человѣческiй во славѣ Отца Сво­его со Ангелы Сво­ими, и тогда воз­дастъ комуждо по дѣяниемъ его:
16:28 См.: 🔗Мк. 9:1 🔗Лк. 9:27	аминь глаголю вамъ, [яко] суть нѣцыи от­ здѣ стоящихъ, иже не имутъ вкусити смерти, дондеже видятъ Сына Человѣческаго грядуща во Цар­ст­вiи Сво­емъ.

	Глава 22
22:1	[Зач. 89.] И от­вѣщавъ Иисусъ, паки рече имъ въ притчахъ, глаголя:
22:2 См.: 🔗Прит. 9:1 🔗Лк. 14:16 🔗Отк. 19:7	уподобися Цар­ст­вiе Небесное человѣку царю, иже сотвори браки сыну сво­ему
22:3	и посла рабы своя при­­звати зван­ныя на браки: и не хотяху прiити.
22:4	Паки посла ины рабы, глаголя: рцыте зван­нымъ: се, обѣдъ мой уготовахъ, юнцы мо­и и упитан­ная исколена, и вся готова: прiидите на браки.
22:5	Они же небрегше от­идоша, овъ убо на село свое, овъ же на купли своя:
22:6	прочiи же емше рабовъ его, досадиша имъ и убиша ихъ.
22:7 См.: 🔗Лк. 19:27	И слышавъ царь той разгнѣвася, и пославъ воя своя, погуби убийцы оны и градъ ихъ зажже.
22:8	Тогда глагола рабомъ сво­имъ: бракъ убо готовъ есть, зван­нiи же не быша достойни:
22:9	идите убо на исходища путій, и елицѣхъ аще обрящете, при­­зовите на браки.
22:10	И изшедше раби они на распутiя, собраша всѣхъ, елицѣхъ обрѣтоша, злыхъ же и добрыхъ: и исполнися бракъ воз­лежащихъ.
22:11	Вшедъ же царь видѣти воз­лежащихъ, видѣ ту человѣка не оболчена во одѣянiе брачное,
22:12	и глагола ему: друже, како в­шелъ еси сѣмо не имый одѣянiя брачна? Онъ же умолча.
22:13	Тогда рече царь слугамъ: связав­ше ему руцѣ и нозѣ, воз­мите его и вверзите во тму кромѣшнюю: ту будетъ плачь и скрежетъ зубомъ:
22:14 См.: 🔗Мф. 20:16	мнози бо суть звани, мало же избран­ныхъ.
22:15 См.: 🔗Мк. 12:13 🔗Лк. 20:20	[Зач. 90.] Тогда шедше фарисее, совѣтъ воспрiяша, яко да обольстятъ Его словомъ.
22:16	И посылаютъ къ Нему ученики своя со иродiаны, глаголюще: Учителю, вѣмы, яко истиненъ еси, и пути Божiю во­истин­ну учиши, и нерадиши ни о комже: не зриши бо на лице человѣкомъ:
22:17	рцы убо намъ, что Ти ся мнитъ? Достойно ли есть дати кинсонъ кесареви, или ни?
22:18	Разумѣвъ же Иисусъ лукав­ст­во ихъ, рече: что Мя искушаете, лицемѣри?
22:19	покажите Ми златицу кинсон­ную. Они же при­­несоша Ему пѣнязь.
22:20	И глагола имъ: чій образъ сей и написанiе?
22:21 См.: 🔗Мк. 12:17 🔗Рим. 13:7	[И] глаголаша Ему: кесаревъ. Тогда глагола имъ: воз­дадите убо кесарева кесареви, и Божiя Богови.
22:22	И слышав­ше дивишася: и оставльше Его от­идоша.
22:23 См.: 🔗Мк. 12:18 🔗Лк. 20:27 🔗Деян. 23:8	[Зач. 91.] Въ той день при­­ступиша къ Нему саддукее, иже глаголютъ не быти воскресенiю, и вопросиша Его,
22:24 См.: 🔗Втор. 25:5 🔗Мк. 12:19 🔗Лк. 20:28	глаголюще: Учителю, Моисей рече: аще кто умретъ не имый чадъ, [да] пойметъ братъ его жену его и воскреситъ сѣмя брата сво­его:
22:25	бѣша же въ насъ седмь братiя: и первый оженься умре, и не имый сѣмене, остави жену свою брату сво­ему:
22:26	такожде же и вторый, и третiй, даже до седмаго:
22:27	послѣди же всѣхъ умре и жена:
22:28	въ воскресенiе убо, котораго от­ седмихъ будетъ жена? Вси бо имѣша ю.
22:29	Отвѣщавъ же Иисусъ рече имъ: прельщаетеся, не вѣдуще Писанiя, ни силы Божiя:
22:30 См.: 🔗1Кор. 15:44	въ воскресенiе бо ни женят­ся, ни посягаютъ, но яко Ангели Божiи на небеси суть:
22:31	о воскресенiи же мертвыхъ нѣсте ли чли речен­наго вамъ Богомъ, глаголющимъ:
22:32 См.: 🔗Исх. 3:6 🔗Мк. 12:26 🔗Лк. 20:37	Азъ есмь Богъ Авраамовъ, и Богъ Исааковъ, и Богъ Иаковль? Нѣсть Богъ Богъ мертвыхъ, но [Богъ] живыхъ.
22:33	И слышав­ше народи дивляхуся о ученiи Его.
22:34	[Зач. 92.] Фарисее же слышав­ше, яко посрами саддукеи, собрашася вкупѣ.
22:35 См.: 🔗Мк. 12:28 🔗Лк. 10:25	И вопроси единъ от­ нихъ законо­учитель, искушая Его и глаголя:
22:36	Учителю, кая заповѣдь болши [есть] въ законѣ?
22:37 См.: 🔗Втор. 6:5 🔗Мих. 6:8 🔗Мк. 12:30 🔗Лк. 10:27	Иисусъ же рече ему: воз­любиши Господа Бога тво­его всѣмъ сердцемъ тво­имъ, и всею душею тво­ею, и всею мыслiю тво­ею:
22:38	сiя есть первая и болшая заповѣдь:
22:39 См.: 🔗Лев. 19:18 🔗Мф. 5:43 🔗Мк. 12:31	вторая же подобна ей: воз­любиши искрен­няго тво­его яко самъ себе:
22:40	въ сiю обою заповѣдiю весь законъ и пророцы висятъ.
22:41	Собрав­шымся же фарисеомъ, вопроси ихъ Иисусъ,
22:42 См.: 🔗Мк. 12:35 🔗Лк. 20:41	глаголя: что вамъ мнит­ся о Христѣ? Чій есть Сынъ? Глаголаша Ему: Давидовъ.
22:43	Глагола имъ: како убо Давидъ Духомъ Господа Его нарицаетъ, глаголя:
22:44 См.: 🔗Пс. 109:1 🔗Лк. 20:42	рече Господь Господеви мо­ему: сѣди одесную Мене, дондеже положу враги Твоя подножiе ногама Тво­има?
22:45	Аще убо Давидъ нарицаетъ Его Господа, како Сынъ ему есть?
22:46	И никтоже можа­ше от­вѣщати Ему словесе: ниже смѣяше кто от­ того дне вопросити Его ктому.