Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | Братие, благоволение убо моего сердца и молитва, яже к Богу по Израили, есть во спасение. |
10:2 | Свидетельствую бо им, яко ревность Божию имут, но не по разуму. |
10:3 См.: 🔗Флп. 3:9 | Не разумеюще бо Божия правды и свою правду ищуще поставити, правде Божией не повинушася: |
10:4 См.: 🔗Гал. 3:24 | кончина бо закона Христос, в правду всякому верующему. |
10:5 | Моисей бо пишет правду юже от закона: яко сотворивый та человек жив будет в них. |
10:6 См.: 🔗Втор. 30:12 | А яже от веры правда сице глаголет: да не речеши в сердцы твоем: кто взыдет на небо, сиречь Христа свести: |
10:7 | или кто снидет в бездну, сиречь Христа от мертвых возвести. |
10:8 См.: 🔗Втор. 30:14 | Но что глаголет Писание? Близ ти глагол есть, во устех твоих и в сердцы твоем, сиречь глагол веры, егоже проповедаем: |
10:9 См.: 🔗Мф. 10:32 | яко аще исповеси усты твоими Господа Иисуса, и веруеши в сердцы твоем, яко Бог Того воздвиже из мертвых, спасешися: |
10:10 | сердцем бо веруется в правду, усты же исповедуется во спасение. |
10:11 См.: 🔗Ис. 28:16 | Глаголет бо Писание: всяк веруяй в Онь не постыдится. |
10:12 См.: 🔗Деян. 10:34 🔗Рим. 3:29 | Несть бо разнствия Иудееви же и Еллину: Той бо Бог всех, богатяй во всех призывающих Его. |
10:13 См.: 🔗Иоил. 2:32 🔗Деян. 2:21 | Всяк бо, иже аще призовет имя Господне, спасется. |
10:14 | Како убо призовут, в Негоже не вероваша? Како же уверуют, Егоже не услышаша? Како же услышат без проповедающаго? |
10:15 См.: 🔗Ис. 52:7 🔗Наум. 1:15 | Како же проповедят, аще не послани будут? Якоже есть писано: коль красны ноги благовествующих мир, благовествующих благая. |
10:16 См.: 🔗Ис. 53:1 🔗Ин. 12:38 | Но не вси послушаша благовествования. Исаиа бо глаголет: Господи, кто верова слуху нашему? |
10:17 | Темже убо вера от слуха, слух же глаголголом Божиим. |
10:18 | Но глаголю: еда не слышаша, темже убо, во всю землю изыде вещание их, и в концы вселенныя глаголы их. |
10:19 См.: 🔗Втор. 32:21 🔗Рим. 11:11 | Но глаголю: еда не разуме Израиль? Первый Моисей глаголет: Аз раздражу вы не о языце, но о языце неразумне прогневаю вас. |
10:20 См.: 🔗Ис. 65:1 | Исаиа же дерзает и глаголет: обретохся не ищущым Мене, явлен бых не вопрошающым о Мне. |
10:21 См.: 🔗Ис. 65:2 | Ко Израилю же глаголет: весь день воздех руце Мои к людем непокоривым и пререкающым. |