Послание апостола Павла к Римлянам, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	[Зач. 103.] Братiе, благоволенiе убо мо­его сердца и молитва, яже къ Богу по Израили, есть во спасенiе.
10:2	Свидѣтел­ст­вую бо имъ, яко ревность Божiю имутъ, но не по разуму.
10:3 См.: 🔗Флп. 3:9	Не разумѣюще бо Божiя правды и свою правду ищуще поставити, правдѣ Божiей не повинушася:
10:4 См.: 🔗Гал. 3:24	кончина бо закона Христосъ, въ правду всякому вѣру­ю­щему.
10:5 См.: 🔗Лев. 18:5 🔗Иез. 20:11 🔗Гал. 3:12	Моисей бо пишетъ правду юже от­ закона: яко сотворивый та человѣкъ живъ будетъ въ нихъ.
10:6 См.: 🔗Втор. 30:12	А яже от­ вѣры правда сице глаголетъ: да не речеши въ сердцы тво­емъ: кто взыдетъ на небо, сирѣчь Христа свести:
10:7	или кто снидетъ въ бездну, сирѣчь Христа от­ мертвыхъ воз­вести.
10:8 См.: 🔗Втор. 30:14	Но что глаголетъ Писанiе? Близъ ти глаголъ есть, во устѣхъ тво­ихъ и въ сердцы тво­емъ, сирѣчь глаголъ вѣры, егоже проповѣдаемъ:
10:9 См.: 🔗Мф. 10:32	яко аще исповѣси усты тво­ими Господа Иисуса, и вѣруеши въ сердцы тво­емъ, яко Богъ Того воз­движе изъ мертвыхъ, спасешися:
10:10	сердцемъ бо вѣрует­ся въ правду, усты же исповѣдует­ся во спасенiе.
10:11 См.: 🔗Ис. 28:16	[Зач. 104.] Глаголетъ бо Писанiе: всякъ вѣруяй въ Онь не постыдит­ся.
10:12 См.: 🔗Деян. 10:34 🔗Рим. 3:29	Нѣсть бо разн­ствiя Иудееви же и Еллину: Той бо Богъ всѣхъ, богатяй {богатъ сый} во всѣхъ при­­зывающихъ Его.
10:13 См.: 🔗Иоил. 2:32 🔗Деян. 2:21	Всякъ бо, иже аще при­­зоветъ имя Господне, спасет­ся.
10:14	Како убо при­­зовутъ, въ Негоже не вѣроваша? Како же увѣруютъ, Егоже не услышаша? Како же услышатъ безъ проповѣда­ю­щаго?
10:15 См.: 🔗Ис. 52:7 🔗Наум. 1:15	Како же проповѣдятъ, аще не послани будутъ? Якоже есть писано: коль красны ноги благовѣ­ст­вующихъ миръ, благовѣ­ст­вующихъ благая.
10:16 См.: 🔗Ис. 53:1 🔗Ин. 12:38	Но не вси послушаша благовѣ­ст­вованiя. Исаiа бо глаголетъ: Господи, кто вѣрова слуху на­шему?
10:17	Тѣмже убо вѣра от­ слуха, слухъ же глаголомъ Божiимъ.
10:18 См.: 🔗Пс. 18:5 🔗Мф. 24:14 🔗Мф. 28:19	Но глаголю: еда не слышаша? Тѣмже убо {но паче}, во всю землю изыде вѣщанiе ихъ, и въ концы вселен­ныя глаголы ихъ.
10:19 См.: 🔗Втор. 32:21 🔗Рим. 11:11	Но глаголю: еда не разумѣ Израиль? Первый Моисей глаголетъ: Азъ раздражу вы не о языцѣ, но о языцѣ неразумнѣ {о не языцѣ, о языцѣ неразумнѣ} прогнѣваю васъ.
10:20 См.: 🔗Ис. 65:1	Исаiа же дерзаетъ и глаголетъ: обрѣтохся не ищущымъ Мене, явленъ быхъ не вопрошающымъ о Мнѣ.
10:21 См.: 🔗Ис. 65:2	Ко Израилю же глаголетъ: весь день воз­дѣхъ руцѣ Мо­и къ людемъ непокоривымъ и пререкающымъ.