Послание апостола Павла к Римлянам, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗1Цар. 12:22 🔗2Кор. 11:22 🔗Флп. 3:5	Глаголю убо: еда от­рину Богъ люди Своя? Да не будетъ. Ибо и азъ Израилтянинъ есмь, от­ сѣмене Авраамля, колѣна Венiаминова.
11:2	Не от­рину Богъ людей Сво­ихъ, ихже прежде разумѣ. [Зач. 105.] Или не вѣсте, о Илiи что глаголетъ Писанiе, яко приповѣдуетъ Богови {вопiетъ къ Богу} на Израиля, глаголя:
11:3 См.: 🔗3Цар. 19:14	Господи, пророки Твоя избиша и олтари Твоя раскопаша: и азъ остахъ единъ, и ищутъ души мо­ея, изъяти ю.
11:4 См.: 🔗3Цар. 19:18	Но что глаголетъ ему Боже­с­т­вен­ный от­вѣтъ? Оставихъ Себѣ седмь тысящъ мужей, иже не преклониша колѣна предъ Вааломъ.
11:5	Тако убо и въ нынѣшнее время останокъ по избранiю благодати бысть.
11:6 См.: 🔗Втор. 9:4 🔗Рим. 4:5 🔗Гал. 5:4	Аще ли по благодати, то не от­ дѣлъ: зане благодать уже не бываетъ благодать. Аще ли от­ дѣлъ, ктому нѣсть благодать: зане дѣло уже нѣсть дѣло.
11:7	Что убо? Егоже иска­ше Израиль, сего не получи, а избранiе получи: прочiи же ослѣпишася,
11:8 См.: 🔗Втор. 29:4 🔗Ис. 29:10 🔗Ис. 6:9 🔗Мф. 13:14 🔗Мк. 4:12 🔗Лк. 8:10 🔗Ин. 12:40	якоже есть писано: даде имъ Богъ духъ умиленiя {духа нечув­ст­вiя}, очи не видѣти и ушы не слышати, даже до днешняго дне.
11:9	И Давидъ глаголетъ: да будетъ трапеза ихъ въ сѣть и въ ловъ, и въ соблазнъ и въ воз­даянiе имъ:
11:10 См.: 🔗Пс. 68:23	да помрачат­ся очи ихъ еже не видѣти, и хребетъ ихъ выну сляцай.
11:11 См.: 🔗Деян. 13:47 🔗Рим. 10:19	Глаголю убо: еда согрѣшиша, да от­падутъ? Да не будетъ. Но тѣхъ паденiемъ спасенiе языкомъ, во еже раздражити ихъ.
11:12	Аще ли же прегрѣшенiе ихъ богат­ст­во мiра, и от­паденiе ихъ богат­ст­во языковъ: кольми паче исполненiе ихъ?
11:13	[Зач. 106.] Вамъ бо глаголю языкомъ: понеже убо есмь азъ языкомъ апостолъ, службу мою прославляю.
11:14 См.: 🔗1Кор. 9:22	Аще како раздражу мою плоть, и спасу нѣкiя от­ нихъ?
11:15 См.: 🔗2Кор. 5:19	Аще бо от­ложенiе ихъ, при­­миренiе мiру, что прiятiе, развѣ жизнь изъ мертвыхъ?
11:16	Аще ли начатокъ святъ, то и при­­мѣшенiе: и аще корень святъ, то и вѣтви.
11:17 См.: 🔗Иер. 11:16 🔗Еф. 2:12	Аще ли нѣкiя от­ вѣтвей от­ломишася, ты же, дивiя маслина сый, при­­цѣпил­ся еси въ нихъ, и при­­част­никъ корене и масти маслин­ныя сотворил­ся еси,
11:18 См.: 🔗Ис. 66:2 🔗Рим. 12:16	не хвалися на вѣтви: аще ли же хвалишися, не ты корень носиши, но корень тебе.
11:19	Речеши убо: от­ломишася вѣтви, да азъ при­­цѣплюся.
11:20	Добрѣ: невѣрiемъ от­ломишася, ты же вѣрою сто­иши: не высокомудр­ст­вуй, но бойся.
11:21	Аще бо Богъ есте­с­т­вен­ныхъ вѣтвей не пощадѣ, да не како и тебе не пощадитъ.
11:22 См.: 🔗Ин. 15:2	Виждь убо благость и непощадѣнiе Божiе: на от­падшихъ убо непощадѣнiе, а на тебѣ благость Божiя, аще пребудеши въ благости: аще ли же ни, то и ты от­сѣченъ будеши.
11:23	И они же, аще не пребудутъ въ невѣр­ст­вiи, при­­цѣпят­ся: силенъ бо есть Богъ паки при­­цѣпити ихъ.
11:24	Аще бо ты от­ есте­с­т­вен­ныя от­сѣченъ дивiя маслины, и чрезъ есте­с­т­во при­­цѣпил­ся еси къ добрѣй маслинѣ: кольми паче сіи, иже по есте­ст­ву, при­­цѣпят­ся сво­ей Маслинѣ?
11:25 См.: 🔗Лк. 21:24	[Зач. 107.] Не бо хощу васъ не вѣдѣти тайны сея, братiе, да не будете о себѣ мудри, яко ослѣпленiе от­ части Израилеви бысть, дондеже исполненiе языковъ внидетъ,
11:26	и тако весь Израиль спасет­ся, якоже есть писано: прiидетъ от­ Сiона Избавляяй, и от­вратитъ нечестiе от­ Иакова:
11:27 См.: 🔗Ис. 27:9 🔗Ис. 59:20 🔗Иер. 31:31 🔗Евр. 8:10	и сей имъ от­ Мене завѣтъ, егда от­иму грѣхи ихъ.
11:28	По благовѣ­ст­вованiю убо, врази васъ ради: по избранiю же, воз­люблени отецъ ради.
11:29 См.: 🔗Чис. 23:19	Нераскаян­на бо дарованiя и званiе Божiе.
11:30 См.: 🔗Тит. 3:5	Якоже бо и вы иногда противистеся Богови, нынѣ же помиловани бысте сихъ противленiемъ {сихъ ради противленiя}:
11:31	такожде и сіи нынѣ противишася ва­шей милости {ва­шего ради помилованiя}, да и тіи помиловани будутъ.
11:32 См.: 🔗Рим. 3:9 🔗Гал. 3:22	Затвори бо Богъ всѣхъ въ противленiе, да всѣхъ помилуетъ.
11:33 См.: 🔗Иов. 9:10 🔗Иов. 36:23	О, глубина богат­ст­ва и премудрости и разума Божiя! Яко неиспытани судове Его, и неизслѣдовани путiе Его.
11:34 См.: 🔗Ис. 40:13 🔗Прем. 9:13 🔗Иер. 23:18 🔗1Кор. 2:16	Кто бо разумѣ умъ Господень, или кто совѣтникъ Ему бысть?
11:35 См.: 🔗Иов. 35:7	Или кто прежде даде Ему, и воз­даст­ся Ему?
11:36	Яко изъ Того и Тѣмъ и въ Немъ всяческая. Тому слава во вѣки. Аминь.