Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 | Глаголю убо: еда отрину Бог люди Своя? Да не будет. Ибо и аз Израильтянин есмь, от семене Авраамля, колена Вениаминова. |
11:2 | Не отрину Бог людей Своих, ихже прежде разуме. Или не весте, о Илии что глаголет Писание, яко приповедует Богови на Израиля, глаголя: |
11:3 См.: 🔗3Цар. 19:14 | Господи, пророки Твоя избиша и олтари Твоя раскопаша: и аз остах един, и ищут души моея, изяти ю. |
11:4 См.: 🔗3Цар. 19:18 | Но что глаголет ему Божественный ответ? Оставих Себе седмь тысящ мужей, иже не преклониша колена пред Ваалом. |
11:5 | Тако убо и в нынешнее время останок по избранию благодати бысть. |
11:6 | Аще ли по благодати, то не от дел: зане благодать уже не бывает благодать. Аще ли от дел, ктому несть благодать: зане дело уже несть дело. |
11:7 | Что убо? Егоже искаше Израиль, сего не получи, а избрание получи. Прочии же ослепишася, |
11:8 | якоже есть писано: даде им Бог дух умиления, очи не видети и ушы не слышати, даже до днешняго дне. |
11:9 | И Давид глаголет: да будет трапеза их в сеть и в лов, и в соблазн и в воздаяние им: |
11:10 См.: 🔗Пс. 68:23 | да помрачатся очи их еже не видети, и хребет их выну сляцай. |
11:11 См.: 🔗Деян. 13:47 🔗Рим. 10:19 | Глаголю убо: еда согрешиша, да отпадут? Да не будет. Но тех падением спасение языком, во еже раздражити их. |
11:12 | Аще ли же прегрешение их богатство мира, и отпадение их богатство языков: кольми паче исполнение их? |
11:13 | Вам бо глаголю языком: понеже убо есмь аз языком Апостол, службу мою прославляю. |
11:14 См.: 🔗1Кор. 9:22 | Аще како раздражу мою плоть, и спасу некия от них? |
11:15 См.: 🔗2Кор. 5:19 | Аще бо отложение их, примирение миру, что приятие, разве жизнь из мертвых? |
11:16 | Аще ли начаток свят, то и примешение: и аще корень свят, то и ветви. |
11:17 См.: 🔗Иер. 11:16 🔗Еф. 2:12 | Аще ли некия от ветвей отломишася, ты же, дивия маслина сый, прицепился еси в них, и причастник корене и масти маслинныя сотворился еси, |
11:18 См.: 🔗Ис. 66:2 🔗Рим. 12:16 | не хвалися на ветви: аще ли же хвалишися, не ты корень носиши, но корень тебе. |
11:19 | Речеши убо. Отломишася ветви, да аз прицеплюся. |
11:20 | Добре: неверием отломишася, ты же верою стоиши: не высокомудрствуй, но бойся. |
11:21 | Аще бо Бог естественных ветвей не пощаде, да не како и тебе не пощадит. |
11:22 См.: 🔗Ин. 15:2 | Виждь убо благость и непощадение Божие: на отпадших убо непощадение, а на тебе благость Божия, аще пребудеши в благости: аще ли же ни, то и ты отсечен будеши. |
11:23 | И они же, аще не пребудут в неверствии, прицепятся: силен бо есть Бог паки прицепити их. |
11:24 | Аще бо ты от естественныя отсечен дивия маслины, и чрез естество прицепился еси к добрей маслине: кольми паче сии, иже по естеству, прицепятся своей маслине? |
11:25 См.: 🔗Лк. 21:24 | Не бо хощу вас не ведети тайны сея, братие, да не будете о себе мудри, яко ослепление от части Израилеви бысть, дондеже исполнение языков внидет, |
11:26 | и тако весь Израиль спасется, якоже есть писано: приидет от Сиона Избавляяй, и отвратит нечестие от Иакова: |
11:27 | и сей им от Мене завет, егда отиму грехи их. |
11:28 | По благовествованию убо, врази вас ради: по избранию же, возлюблени отец ради. |
11:29 См.: 🔗Чис. 23:19 | Нераскаянна бо дарования и звание Божие. |
11:30 См.: 🔗Тит. 3:5 | Якоже бо и вы иногда противистеся Богови, ныне же помиловани бысте сих противлением: |
11:31 | такожде и сии ныне противишася вашей милости, да и тии помиловани будут. |
11:32 См.: 🔗Рим. 3:9 🔗Гал. 3:22 | Затвори бо Бог всех в противление, да всех помилует. |
11:33 См.: 🔗Иов. 9:10 🔗Иов. 36:23 | О, глубина богатства и премудрости и разума Божия! Яко неиспытани судове Его, и неизследовани путие Его. |
11:34 | Кто бо разуме ум Господень, или кто советник Ему бысть? |
11:35 См.: 🔗Иов. 35:7 | Или кто прежде даде Ему, и воздастся Ему, |
11:36 | яко из Того и Тем и в Нем всяческая. Тому слава во веки. Аминь. |