Деяния святых Апостолов, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Деян. 10:44	Слышаша же апостоли и братiя сущiи во Иудеи, яко и языцы прiяша слово Божiе.
11:2	И егда взыде Петръ во Иерусалимъ, препирахуся съ нимъ иже от­ обрѣзанiя,
11:3	глаголюще, яко къ мужемъ обрѣзанiя не имущымъ в­шелъ еси и ялъ еси съ ними.
11:4	Наченъ же Петръ, сказоваше имъ поряду, глаголя:
11:5	азъ бѣхъ во градѣ Иоппійстѣмъ моляся и видѣхъ во ужасѣ видѣнiе, сходящь сосудъ нѣкiй, яко плащаницу велiю, от­ четырехъ краевъ низпущаему съ небесе, и прiиде даже до мене:
11:6	въ нюже воз­зрѣвъ смотряхъ, и видѣхъ четвероногая земная и звѣри и гады и птицы небесныя.
11:7	Слышахъ же гласъ глаголющь мнѣ: воставъ, Петре, заколи и яждь.
11:8	Рѣхъ же: никакоже, Господи, яко всяко скверно или нечисто николиже вниде во уста моя.
11:9	Отвѣща же ми гласъ вторицею съ небесе глаголющь: яже Богъ очистилъ есть, ты не скверни.
11:10	Сiе же бысть трижды: и паки взяшася вся на небо.
11:11	И се, абiе трiе мужiе сташа предъ храминою, въ нейже бѣхъ, послани от­ Кесаріи ко мнѣ.
11:12 См.: 🔗Деян. 10:20 🔗Деян. 15:7	Рече же ми Духъ ити съ ними, ничтоже разсуждая: прiидоша же со мною и шесть братiя сіи, и внидохомъ въ домъ мужа.
11:13	И воз­вѣсти намъ, како видѣ Ангела [свята] въ дому сво­емъ, став­ша и рекша ему: посли во Иоппію мужы и при­­зови Симона, нарицаемаго Петра,
11:14	иже речетъ глаголы къ тебѣ, въ нихже спасешися ты и весь домъ твой.
11:15 См.: 🔗Деян. 2:2	Внегда же начахъ глаголати, нападе Духъ Святый на нихъ, якоже и на ны въ началѣ.
11:16 См.: 🔗Мф. 3:11 🔗Мк. 1:8 🔗Деян. 1:5 🔗Деян. 19:4	Помянухъ же глаголъ Господень, якоже глаголаше: Иоан­нъ убо крестилъ есть водою, вы же имате креститися Духомъ Святымъ.
11:17	Аще убо равенъ даръ даде имъ Богъ, якоже и намъ вѣровав­шымъ въ Господа на­шего Иисуса Христа, азъ же кто бѣхъ могій воз­бранити Бога?
11:18	Слышав­ше же сiя умолкоша и славляху Бога, глаголюще: убо и языкомъ Богъ покаянiе даде въ животъ.
11:19 См.: 🔗Деян. 8:1	[Зач. 28.] Разсѣяв­шiися убо от­ скорби, быв­шiя при­­ Стефанѣ, про­идоша даже до Финикіи и Кипра и Антiохіи, ни единому же глаголюще слово, токмо Иудеемъ.
11:20	Бяху же нѣцыи от­ нихъ мужiе Кипрстiи и Киринейстiи, иже, в­шедше во Антiохію, глаголаху къ Еллиномъ, благовѣ­ст­вующе Господа Иисуса.
11:21 См.: 🔗Деян. 5:14	И бѣ рука Господня съ ними: многое же число вѣровав­ше обратишася ко Господу.
11:22	Слышано же бысть слово о нихъ во ушiю церкве сущiя во Иерусалимѣ, и послаша Варнаву преити даже до Антiохіи:
11:23 См.: 🔗Деян. 14:22	иже при­­шедъ и видѣвъ благодать Божiю, воз­радовася и моляше всѣхъ изволенiемъ сердца терпѣти о Господѣ:
11:24	яко бѣ мужъ благъ и исполнь Духа Свята и вѣры. И при­­ложися народъ многъ Господеви.
11:25 См.: 🔗Деян. 9:30	Изыде же Варнава въ Тарсъ взыскати Савла, и обрѣтъ его, при­­веде его во Антiохію:
11:26	бысть же имъ лѣто цѣло собиратися въ церкви и учити народъ многъ, нарещи же прежде во Антiохіи ученики Христiаны.
11:27 См.: 🔗Деян. 13:1 🔗Деян. 15:32	Въ тыя же дни снидоша от­ Иерусалима пророцы во Антiохію:
11:28 См.: 🔗Деян. 21:10	воставъ же единъ от­ нихъ, именемъ Агавъ, назнаменаше Духомъ гладъ великъ хотящь быти по всей вселен­нѣй, иже и бысть при­­ Клавдіи кесари:
11:29 См.: 🔗Деян. 24:17	от­ ученикъ же, по елику кто имѣяше что, изволиша кійждо ихъ на службу послати живущымъ во Иудеи братiямъ,
11:30 См.: 🔗Рим. 15:25 🔗2Кор. 8:4 🔗2Кор. 9:8	еже и сотвориша, послав­ше къ старцемъ рукою Варнавлею и Савлею.