Язык:
Беларускi
Біблія (Евангелле і Апостал) на беларускай мове. Пераклад Біблейскай камісіі Беларускай Праваслаўнай Царквы.
| |
Раздзел 9 | |
9:1 | I, праходзячы, убачыў Ён чалавека сляпога ад нараджэння. |
9:2 | І спыталiся ў Яго вучнi Яго, кажучы: Раввi! хто саграшыў: ён цi бацькi яго, што ён сляпым нарадзіўся? |
9:3 | Адказаў Іісус: нi ён не саграшыў, нi бацькi яго, але гэта дзеля таго, каб выявіліся дзеі Божыя на ім; |
9:4 См.: 🔗Iн. 4:34 🔗Iн. 12:35 | Мне належыць рабiць справы Таго, Хто паслаў Мяне, пакуль яшчэ дзень; надыходзіць ноч, калi нiхто не можа дзейнічаць; |
9:5 | пакуль Я ў свеце, Я святло свету. |
9:6 См.: 🔗Iн. 11:37 | Сказаўшы гэта, Ён плюнуў на зямлю і зрабiў глей са сліны, і памазаў глеем вочы сляпому, |
9:7 См.: 🔗Неем. 3:15 | і сказаў яму: ідзi, умыйся ў купальнi Сiлаам (што азначае: Пасланы). Той пайшоў i ўмыўся, i прыйшоў відушчым. |
9:8 | Суседзi ж i тыя, хто бачыў яго раней, што ён быў сляпы, гаварылi: ці не той гэта, які сядзеў і жабраваў? |
9:9 | Адны казалi: гэта ён. А другія: падобны да яго. Ён жа казаў: гэта я. |
9:10 | Тады казалі яму: як у цябе ад – крыліся вочы? |
9:11 | І сказаў ён у адказ: Чалавек, Якога завуць Іісус, зрабiў глей, памазаў вочы мае i сказаў мне: «ідзi ў купальню Сiлаам i ўмыйся». Я пайшоў, умыўся i стаў бачыць. |
9:12 | Тады сказалi яму: дзе Ён? Той кажа: не ведаю. |
9:13 | Вядуць яго да фарысеяў, таго былога сляпца. |
9:14 | А была субота, калi Іісус зрабiў глей i адкрыў яму вочы. |
9:15 | Таксама пыталiся ў яго і фарысеi, як ён стаў бачыць. Ён жа сказаў iм: глей паклаў Ён на вочы мае, i я ўмыўся, i бачу. |
9:16 См.: 🔗Iн. 7:43 | Гаварылi тады некаторыя з фарысеяў: не ад Бога Гэты Чалавек, бо не прытрымліваецца суботы. Іншыя казалi: як можа чалавек грэшны такiя цуды рабiць? I была нязгода памiж iмi. |
9:17 | Кажуць сляпому зноў: а ты што скажаш пра Яго, бо Ён адкрыў твае вочы? І той сказаў: гэта прарок. |
9:18 | Не паверылi аднак Іудзеі ў тое, што ён быў сляпы i стаў бачыць, пакуль не паклiкалi бацькоў таго, хто стаў бачыць, |
9:19 | i спыталiся ў iх, кажучы: гэта сын ваш, пра якога вы кажаце, што ён нарадзiўся сляпым? як жа ён цяпер бачыць? |
9:20 | У адказ ім бацькi яго сказалі: мы ведаем, што гэта сын наш, і што ён сляпым нарадзіўся; |
9:21 | а як ён цяпер бачыць, не ведаем, і хто адкрыў яму вочы, мы не ведаем; сам ён дарослы, у яго спытайцеся; сам пра сябе няхай скажа. |
9:22 См.: 🔗Iн. 12:42 | Так сказалi бацькi яго, таму што баялiся Іудзеяў, бо Іудзеі ўжо |
9:23 | таму бацькi яго і сказалi: ён дарослы, у яго спытайцеся. |
9:24 | I вось паклiкалi другi раз чалавека, што быў сляпым, i сказалi яму: уздай славу Богу; мы ведаем, што Чалавек Той грэшны. |
9:25 | Ён жа ў адказ iм сказаў: цi грэшны Ён, не ведаю; адно ведаю, што я быў сляпы, а цяпер бачу. |
9:26 | І сказалi яму зноў: што Ён зрабiў табе? як Ён адкрыў твае вочы? |
9:27 | Той адказаў iм: я сказаў вам ужо, і вы не слухалi; што яшчэ хочаце пачуць? хіба і вы хочаце стаць Яго вучнямi? |
9:28 | Яны ж зганілi яго, кажучы: гэта ты вучань Яго, а мы Маісеевы вучнi; |
9:29 См.: 🔗Исх. 3:6 | мы ведаем, што з Маісеем гаварыў Бог; а пра Яго не ведаем, адкуль Ён. |
9:30 | У адказ чалавек той сказаў ім: гэта і дзiўна, што вы не ведаеце, адкуль Ён, а Ён адкрыў мае вочы; |
9:31 | мы ж ведаем, што грэшнiкаў Бог не слухае; а хто шануе Бога i выконвае волю Яго, таго слухае; |
9:32 См.: 🔗Ис. 42:7 | адвеку не чуваць было, каб хто адкрыў вочы сляпому ад нараджэння; |
9:33 | калі б не быў Ён ад Бога, не мог бы нiчога зрабiць. |
9:34 | У адказ яны сказалi яму: у грахах увесь ты нарадзiўся, i ты вучыш нас? I выгналi яго вон. |
9:35 | Пачуў Іісус, што выгналi яго вон, i, знайшоўшы яго, сказаў яму: ты веруеш у Сына Божага? |
9:36 | У адказ той сказаў: а хто Ён, Госпадзі, каб я ўвераваў у Яго? |
9:37 | Сказаў яму Іісус: i бачыў ты Яго, i Той, Хто гаворыць з табою, — гэта Ён. |
9:38 | Ён жа сказаў: верую, Госпадзі! І пакланiўся Яму. |
9:39 См.: 🔗Мф. 11:25 🔗2Кар. 3:14 | I сказаў Іісус: на суд Я ў свет гэты прыйшоў, каб невідушчыя бачылi, а відушчыя сляпымі сталі. |
9:40 | І пачулі гэта некаторыя з фарысеяў, што былi з Ім, і сказалi Яму: няўжо i мы сляпыя? |
9:41 См.: 🔗Iн. 15:22 | Сказаў iм Іісус: калi б вы сляпыя былi, то не мелi б граху; але паколькі вы кажаце, што бачыце, то грэх ваш застаецца. |
Раздзел 3 | |
3:1 См.: 🔗Iн. 7:50 🔗Iн. 19:39 | Быў жа чалавек з фарысеяў, імя яму Нікадзім, начальнік Іудзейскі; |
3:2 | ён прыйшоў да Іісуса ўначы i сказаў Яму: Равві! мы ведаем, што Ты Вучыцель, Які прыйшоў ад Бога, бо ніхто не можа тварыць такіх цудаў, якія Ты творыш, калі Бог не будзе з ім. |
3:3 | У адказ Іісус сказаў яму: праўду, праўду кажу табе: калі хто не народзіцца звыш, не можа ўбачыць Царства Божага. |
3:4 | Кажа Яму Нікадзім: як можа чалавек нарадзіцца, калі ён стары? хіба можа ён другі раз увайсці ва ўлонне маці сваёй i нарадзіцца? |
3:5 | Адказаў Іісус: праўду, праўду кажу табе: калі хто не народзіцца ад вады i Духа, не можа ўвайсці ў Царства Божае: |
3:6 См.: 🔗Рым. 8:5 | народжанае ад плоці ёсць плоць, а народжанае ад Духа ёсць дух. |
3:7 | Не здзіўляйся, што Я сказаў табе: «трэба вам нарадзіцца звыш». |
3:8 См.: 🔗Кал. 3:3 | Вецер вее, дзе хоча, i голас яго чуеш, а не ведаеш, адкуль прыходзіць i куды адыходзіць; так i з кожным народжаным ад Духа. |
3:9 | Тады Нікадзім сказаў Яму: як гэта можа быць? |
3:10 | У адказ Іісус сказаў яму: ты вучыцель Ізраілеў, i гэтага не ведаеш? |
3:11 | Праўду, праўду кажу табе: што Мы ведаем, пра тое гаворым, i што бачылі, пра тое сведчым, i вы сведчання Нашага не прымаеце; |
3:12 | калі Я пра зямное сказаў вам, i вы не верыце, як паверыце, калі скажу вам пра нябеснае? |
3:13 См.: 🔗Прит. 30:4 🔗Iн. 6:62 | Нiхто не ўзыходзіў на неба, толькі Сын Чалавечы, Які, будучы на небе, сышоў з неба; |
3:14 См.: 🔗Чис. 21:9 🔗Iн. 12:32 | і, як Маісей узняў змея ў пустыні, так належыць быць узнятым Сыну Чалавечаму, |
3:15 | каб кожны, хто веруе ў Яго, не загінуў, але меў жыццё вечнае. |
3:16 | Бо так узлюбіў Бог свет, што Сына Свайго Адзінароднага даў, каб кожны, хто веруе ў Яго, не загінуў, але меў жыццё вечнае; |
3:17 | бо не паслаў Бог Сына Свайго ў свет, каб судзіць свет, але каб свет быў збаўлены праз Яго; |
3:18 | хто веруе ў Яго, не будзе асуджаны, а хто не веруе, той ужо асуджаны, бо не ўвераваў у імя Адзінароднага Сына Божага. |
3:19 | А суд у тым, што святло прыйшло ў свет, але палюбілі людзі цемру больш за святло, бо ўчынкі iх былі ліхія; |
3:20 | бо кожны, хто робіць зло, той ненавідзіць святло i не ідзе да святла, каб не былі выкрыты ўчынкі яго, бо яны ліхія; |
3:21 | а хто робіць па праўдзе, той ідзе да святла, каб выявіліся ўчынкі яго, бо яны ў Богу зроблены. |
3:22 | Пасля гэтага прыйшоў Іісус і вучні Яго ў Іудзейскую зямлю; i там Ён жыў з імі i хрысціў. |
3:23 | Іаан жа таксама хрысціў у Эноне, недалёка ад Саліма, бо там было многа вады, i прыходзілі туды i хрысціліся; |
3:24 | таму што не быў яшчэ пасаджаны ў цямніцу Іаан. |
3:25 | І ўзнікла спрэчка ў вучняў Іаанавых з Іудзеямі пра ачышчэнне; |
3:26 См.: 🔗Iн. 1:27 | і прыйшлі да Іаана i сказалі яму: Равві! Той, Хто быў з табою на тым баку Іардана і пра Каго ты сведчыў, вось, Ён хрысціць, i ўсе ідуць да Яго. |
3:27 См.: 🔗Iн. 6:65 | У адказ Іаан сказаў: не можа чалавек нічога браць на сябе, калі не будзе дадзена яму з неба. |
3:28 См.: 🔗Iн. 1:20 🔗Дзеян. 13:25 | Вы самі мне сведчыце, што я сказаў: «я не Хрыстос, але я пасланы перад Ім». |
3:29 | Хто мае нявесту, той жанiх, а друг жаніха, які стаіць і слухае яго, радасцю радуецца, чуючы голас жанiха; гэтая вось радасць мая споўнілася; |
3:30 | Яму належыць узрастаць, а мне меншаць. |
3:31 | Хто прыходзіць з вышыні, Той над усiмі, а хто ад зямлі, той зямны i па – зямному гаворыць; Хто прыходзіць з неба, Той над усiмi, |
3:32 См.: 🔗Iн. 8:26 | i што Ён бачыў i чуў, пра тое сведчыць, ды сведчання Яго ніхто не прымае; |
3:33 См.: 🔗1Iн. 5:10 🔗Рым. 3:4 | хто прыняў Яго сведчанне, той сцвердзіў, што Бог ісцінны. |
3:34 | Бо Той, Каго паслаў Бог, словы Божыя гаворыць, таму што не мераю дае Бог Духа. |
3:35 См.: 🔗Дан. 7:14 🔗Мф. 28:18 | Бо Айцец любіць Сына i ўсё даў у руку Яго. |
3:36 См.: 🔗Авв. 2:4 | Хто веруе ў Сына, той мае жыццё вечнае, а хто не веруе ў Сына, той не ўбачыць жыцця, але гнеў Божы застаецца на ім. |