Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 13 | |
13:1 См.: 🔗2Цар. 6:2 | И сотвори совет Давид (со князи) и тысящники, и сотники и всеми началники, |
13:2 | и рече Давид ко всему собранию Израилеву: аще угодно вам, и от Господа Бога нашего благопоспешится, да послем к братиям нашым оставшымся во всей земли Израилеве, и с ними священницы и левити, во градех обдержания их, да соберутся к нам, |
13:3 | и да принесем кивот Бога нашего к нам, не взыскахом бо его во дни Саули. |
13:4 | И отвеща все собрание, да тако будет, зане угодно бысть слово сие всем людем. |
13:5 См.: 🔗2Цар. 6:1 | И собра Давид всего Израиля от предел Египетских даже до входа Имафова, еже внести кивот Божий от Града Иарима. |
13:6 | И принесе его Давид: и весь Израиль взыде во град Давидов, иже бяше Иудин, еже вознести тамо кивот Господа Бога седяща на Херувимех, идеже призвано есть имя Его: |
13:7 См.: 🔗Чис. 4:15 🔗2Цар. 6:3 | и постави кивот Божий на колесницу нову из дому Аминадавля: Оза же и братия его ведяху колесницу: |
13:8 | Давид же и весь Израиль играху пред Богом всею силою и в песнех и в гуслех, и псалтири и тимпанех, и кимвалех и в трубах: |
13:9 См.: 🔗2Цар. 6:6 | и приидоша ко гумну Хидоню: и простре Оза руку свою, да поддержит кивот, юнец бо уклони его: |
13:10 См.: 🔗Чис. 4:15 | и прогневася Господь гневом на Озу и порази его ту, того ради, яко простре руку свою (и прикоснуся) кивоту, и умре ту пред Богом. |
13:11 См.: 🔗2Цар. 6:8 | И оскорбися Давид, яко пресече Господь пресечением Озу, и нарече место то пресечение Озане, даже до дне сего. |
13:12 | И убояся Давид Бога в той день, глаголя: како внесу ко мне кивот Божий? |
13:13 | И не возврати Давид кивота к себе во град Давидов, но возврати и в дом Аведдара Гефеина: |
13:14 См.: 🔗2Цар. 6:11 | и пребываше кивот Божий в дому Аведдарове три месяцы, и благослови Бог Аведдара и вся, яже имеяше. |