Книга пророка Осии, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1 См.: 🔗Втор. 4:29 🔗Иер. 50:5	В скорби своей утреневати будут ко Мне, глаголюще: идем и обратимся ко Господу Богу нашему,
6:2 См.: 🔗Втор. 32:39 🔗Иез. 36:36	яко Той поби ны, и изцелит ны: уязвит, и уврачует ны:
6:3 См.: 🔗Ин. 11:6 🔗1Кор. 15:4 🔗Еф. 2:6	изцелит ны по двою дню, в день третий воскреснем и живи будем пред ним, и увемы: поженем, еже уведети Господа: яко утро готово обрящем Его, и приидет нам яко дождь ранний и поздный земли.
6:4 См.: 🔗Ос. 11:8 🔗Мих. 5:7	Что ти сотворю, Ефреме? Что ти сотворю, Иудо? Милость бо ваша яко облак утренний и яко роса рано падающая.
6:5 См.: 🔗Ис. 11:4 🔗Пс. 36:6	Сего ради пожах пророки вашя, убих я словесем уст Моих, и суд Мой яко свет изыдет.
6:6 См.: 🔗1Цар. 15:22 🔗Сир. 4:15 🔗Мф. 9:13 🔗Мф. 12:7	Зане милости хощу а не жертвы, и уведения Божия, нежели всесожжения.
6:7	Сии же суть яко человек преступаяй завет: тамо презреша Мя.
6:8 См.: 🔗Ос. 12:11	Галаад град делаяй суетная, мутяй воду,
6:9 См.: 🔗Деян. 4:1 🔗Нав. 20:7	а крепость твоя яко мужа морскаго разбойника: скрыша жерцы путь Господень, убиша Сикиму, яко беззаконие сотвориша.
6:10 См.: 🔗Иер. 5:30	В дому Израилеве видех грозная: тамо блужение Ефремово: осквернися Израиль и Иуда.
6:11 См.: 🔗Втор. 30:3 🔗Иер. 29:14	Начни оымати виноград себе, егда возвращу пленение людий Моих.