Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 | Слово, еже бысть ко Иеремии от Господа, глаголющее: |
7:2 См.: 🔗Ис. 29:21 | стани во вратех дому Господня и проповеждь тамо слово то и глаголи: слышите слово Господне, вся Иудеа, ходящии сквозе врата сия, да поклонитеся Господу: |
7:3 См.: 🔗4Цар. 17:13 🔗Иер. 26:13 | сия глаголет Господь Сил, Бог Израилев: исправити пути вашя и начинания ваша, и вселю вы на месте сем. |
7:4 См.: 🔗Иер. 13:25 | Не надейтеся на себе во словесех лживых, понеже весьма не упользуют вас, глаголюще: храм Господень, храм Господень, храм Господень есть. |
7:5 См.: 🔗Иер. 5:28 | Яко аще исправляюще исправите пути ваша и умышления ваша, и творяще сотворите суд посреде мужа и посреде искренняго его, |
7:6 См.: 🔗Иер. 22:3 | и пришелцу и сиру и вдовице не сотворите насилия, и крове неповинныя не излиете на месте сем, и вслед богов чуждих не пойдете на зло вам, |
7:7 | вселю вас на месте сем, в земли, юже дах отцем вашым от века даже и до века. |
7:8 См.: 🔗Ис. 59:4 | Аще же вы надеетеся на словеса лживая, отюнудуже не будет вам пользы, |
7:9 | и крадете и убиваете, и блудствуете и кленетеся лживо, и жрете Ваалу и ходите вслед богов чуждих, ихже не весте, яко во зло вам суть, |
7:10 См.: 🔗Ис. 1:12 | и приидосте и стасте предо Мною в дому сем, в немже призвано есть имя Мое, и рекли есте: удалихомся, еже не творити вся мерзости сия: |
7:11 | еда вертеп разбойником есть дом Мой, в немже призвася имя Мое тамо во очию вашею? И се, Аз видех, глаголет Господь. |
7:12 См.: 🔗Нав. 18:1 | Сего ради идите к месту Моему, еже в Силоме, идеже вселих имя Мое от начала, и видите, что сотворих ему лукавств ради людий Моих Израиля. |
7:13 | И ныне, понеже сотвористе вся дела сия, рече Господь, и глаголах к вам рано востающь и глаголющь, и не услышасте Мене, и звах вас, и не отвещасте: |
7:14 | убо и Аз сотворю дому сему, в немже призвано есть имя Мое, на негоже вы уповасте, и месту, еже дах вам и отцем вашым, якоже сотворих Силому. |
7:15 См.: 🔗4Цар. 17:18 | И отвергу вас от лица Моего, якоже отвергох всю братию вашу, все семя Ефремово. |
7:16 См.: 🔗Исх. 32:10 🔗Иер. 11:14 | Ты же не молися о людех сих и не проси еже помилованым быти им, и не моли, ниже приступай ко Мне о них, яко не услышу тя. |
7:17 | Еда не видиши, что сии творят во градех Иудиных и на путех Иерусалимских? |
7:18 См.: 🔗Иер. 44:17 | Сынове их собирают дрова, и отцы их зажигают огнь, и жены их месят муку, да сотворят опресноки воинству небесному, и возлияша возлияния богом чуждим, да прогневают Мя. |
7:19 | Мене ли тии прогневляют? Глаголет Господь: еда не себе самих? Да постыдятся лица их. |
7:20 См.: 🔗Иер. 4:4 | Сего ради тако глаголет Господь: се, гнев и ярость Моя лиется на место сие и на люди, и на скоты и на всяко древо страны их и на плоды земныя, и возжжется и не угаснет. |
7:21 См.: 🔗Иер. 6:20 | Сия глаголет Господь Сил, Бог Израилев: всесожжения ваша соберите со жертвами вашими и изядите мяса: |
7:22 См.: 🔗Ис. 1:12 | яко не глаголах ко отцем вашым и не заповедах им в день, в оньже изведох их от земли Египетския, о всесожжениих и жертвах, |
7:23 См.: 🔗Иер. 11:4 | но (токмо) слово сие заповедах им, рекий: услышите глас Мой, и буду вам в Бога, и вы будете Мне в люди, и ходите во всех путех Моих, в нихже повелех вам, да благо будет вам. |
7:24 | И не услышаша Мене, и не внят ухо их: но поидоша в похотех и стропотстве сердца своего лукаваго, и сотворишася на задняя, а не на предняя, |
7:25 См.: 🔗Иер. 25:4 | от дне, в оньже изыдоша отцы их от земли Египетския, и даже до дне сего: и послах к вам вся рабы Моя пророки, в день и рано востая и посылая: |
7:26 | и не услышаша Мя, ни приклониша ухо свое, но ожесточиша выю свою паче отец своих. |
7:27 | И речеши к ним вся словеса сия, и не услышат тя, и воззовеши их, и не отвещают тебе. |
7:28 См.: 🔗Ос. 4:1 | И речеши к ним: сей язык, иже не послуша гласа Господа Бога своего, ни восприят наказания: погибе вера и отята есть от уст их. |
7:29 См.: 🔗Втор. 32:19 | Остризи главу твою и отметни, и восприими во устне рыдание, яко отверже Господь и отрину род творяй сия. |
7:30 См.: 🔗Иез. 8:5 | Понеже сотвориша сынове Иудины лукавое во очию Моею, рече Господь: поставиша мерзости своя в дому, в немже призвано есть имя Мое, да осквернят его, |
7:31 | и создаша требище Тафефу, еже есть во юдоли сына Енномля, да сожигают сыны своя и дщери своя огнем, егоже не повелех им, ниже помыслих в сердцы Моем: |
7:32 См.: 🔗Иер. 19:11 | сего ради се, дние грядут, глаголет Господь, и не рекут ктому: требище Тафефово и юдоль сына Енномля, но юдоль закланых: и погребутся во Тафефе, занеже несть места. |
7:33 См.: 🔗Иер. 16:4 🔗Иер. 34:20 | И будут трупие людий сих во снедь птицам небесным и зверем земным, и не будет отгоняющаго. |
7:34 | И упраздню от градов Иудиных и от путий Иерусалимлих глас радующихся и глас веселящихся, глас жениха и глас невесты, во опустении бо будет вся земля. |