Книга пророка Иеремии, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	И бысть слово Господне ко мне глаголющее: иди и вопий во ушы Иерусалиму, рекий: сия глаголет Господь:
2:2 См.: 🔗Иез. 16:8 🔗Ос. 9:10	помянух милость юности твоея и любовь совершенства твоего, егда последовал еси в пустыни ненасеянней Святому Израилеву, глаголет Господь.
2:3 См.: 🔗Исх. 19:6 🔗Пс. 113:2	Свят Израиль Господеви, начаток плодов Его: вси поядающии его согрешат, злая приидут на них, рече Господь.
2:4	Услышите слово Господне, доме Иаковль и вся племена дому Израилева.
2:5 См.: 🔗Мих. 6:3	Сия глаголет Господь: кое обретоша отцы ваши во Мне погрешение, яко удалишася от Мене и ходиша вслед суетных и осуетишася,
2:6 См.: 🔗Втор. 8:15	и не рекоша: где есть Господь, изведый нас от земли Египетския, преведый нас по пустыни, по земли необитанней и непроходней, по земли безводней и неплодней, по земли, по нейже не ходил муж никогдаже и не обитал человек тамо?
2:7 См.: 🔗Втор. 8:1 🔗Лев. 25:23	И введох вас в землю Кармил, да снесте плоды его и благая того: и внидосте, и осквернили есте землю Мою, и достояние Мое поставили есте в мерзость.
2:8 См.: 🔗Рим. 2:20	Священницы не рекоша: где есть Господь? И держащии закон не ведеша Мя, и пастырие нечествоваша на Мя, и пророцы пророчествоваша в Ваала и идолом последоваша.
2:9	Сего ради еще судом претися имам с вами, рече Господь, и с сыны вашими препрюся.
2:10 См.: 🔗Иер. 18:13	Того ради приидите во островы Хеттим и видите, и в Кидар послите и разсмотрите прилежно и видите, аще сотворена быша таковая?
2:11 См.: 🔗Рим. 1:23	Аще премениша языцы боги своя, и тии не суть бози? Людие же Мои премениша славу свою на то, от негоже не упользуются.
2:12	Ужасеся небо о сем и вострепета попремногу зело, глаголет Господь.
2:13 См.: 🔗Пс. 35:10 🔗Рим. 1:25 🔗2Пет. 2:17	Два бо зла сотвориша людие Мои: Мене оставиша источника воды живы, и ископаша себе кладенцы сокрушеныя, иже не возмогут воды содержати.
2:14	Еда раб есть Израиль, или домочадец есть? Вскую бысть в пленение?
2:15 См.: 🔗Пс. 53:5 🔗Ис. 5:29 🔗Иер. 4:7	На него рыкаша львове и издаша глас свой, иже поставиша землю его в пустыню, и грады его сожжени суть, еже не обитати в них.
2:16 См.: 🔗Ис. 19:13 🔗Ис. 30:4	И сынове Мемфиса и Тафны познаша тя и поругашася тебе.
2:17 См.: 🔗Втор. 29:25 🔗3Цар. 9:8	Не сия ли сотвори тебе то, яко оставил еси Мене? Глаголет Господь Бог твой.
2:18 См.: 🔗Ис. 30:2 🔗Ос. 5:13	И ныне что тебе и пути Египетскому, еже пити воду Геонскую? И что тебе и пути Ассирийскому, да пиеши воду речную?
2:19 См.: 🔗Ис. 3:9 🔗Ос. 5:5	Накажет тя отступление твое и злоба твоя обличит тя и увеждь и виждь, яко зло и горько ти есть, еже оставити мя, глаголет Господь Бог твой: и не благоволих от тебе, глаголет Господь Бог твой.
2:20 См.: 🔗Пс. 2:3 🔗Ис. 57:5 🔗Иер. 3:6	Понеже от века сокрушил еси иго твое и растерзал еси узы твоя и рекл еси: не имам тебе служити, но пойду на всякий холм высокий и под всяким древом лиственным тамо разлиюся в блуде моем.
2:21 См.: 🔗Исх. 15:17 🔗Ис. 5:1 🔗Мф. 21:33 🔗Мк. 12:1	Аз же насадих тя виноград плодоносен, весь истинен: како превратился еси в горесть, виноград чуждий?
2:22 См.: 🔗Иов. 9:30	Аще умыешися нитром и умножиши себе травы борифовы, порочен еси во беззакониих твоих предо Мною, рече Господь Бог.
2:23 См.: 🔗Иер. 7:32 🔗Иер. 32:35	Како речеши: не осквернихся и вслед Ваала не ходих? Виждь пути твоя на месте многогробищнем и увеждь, что сотворил еси. В вечер глас его рыдаше,
2:24	пути своя разшири на воды пустынныя, в похотех души своея ветром ношашеся, предан бысть, кто обратит его? Вси ищущии его не утрудятся, во смирении его обрящут его.
2:25 См.: 🔗Иер. 18:12	Отврати ногу твою от пути стропотна и гортань твой от жажди. И рече: возмужаюся, яко возлюби чуждих и вслед их хождаше.
2:26 См.: 🔗Иер. 48:27 🔗Иез. 28:17 🔗Дан. 9:8	Якоже стыд татю, егда ят будет, тако постыдятся сынове Израилевы, тии и царие их, и началницы их и священницы их и пророцы их.
2:27 См.: 🔗Иер. 3:9 🔗Ос. 4:12 🔗3Цар. 14:9	Древу рекоша: яко отец мой еси ты: и камени: ты мя родил еси: и обратиша ко Мне хребты, а не лица своя: и во время озлобления своего рекут: востани и избави нас.
2:28 См.: 🔗Иер. 11:13	И где суть бози твои, яже сотворил еси тебе? Да востанут и избавят тя во время озлобления твоего: по числу бо градов твоих быша бози твои, Иудо, и по числу путий Иерусалимских жряху Ваалу.
2:29 См.: 🔗Пс. 52:4	Вскую глаголете ко Мне? Вси вы нечествовасте и вси вы беззаконновасте ко Мне, глаголет Господь.
2:30 См.: 🔗Ис. 1:5 🔗Иер. 5:3	Всуе поразих чада ваша, наказания не приясте, мечь пояде пророки вашя, аки лев погубляяй, и не убоястеся.
2:31	Слышите слово Господне, тако глаголет Господь: еда пустыня бых Израилю, или земля неплодна? Вскую реша людие Мои: обладаеми не будем и потом не приидем к Тебе?
2:32 См.: 🔗Иер. 3:21 🔗Иер. 18:14 🔗Иез. 23:35	Еда забудет невеста красоту свою, и дева мониста персий своих? Людие же Мои забыша Мене дни безчисленны.
2:33	Что еще добро ухитриши на путех твоих, еже взыскати любве? Не тако: но и ты лукавновала еси, еже осквернити пути твоя,
2:34	и в руках твоих обретеся кровь душ (убогих) неповинных: не в ровех обретох их, но во всяцей дубраве.
2:35 См.: 🔗Ис. 1:18 🔗Иез. 17:20 🔗Иоил. 3:2	И рекла еси: неповинна есмь, но да отвратится ярость Твоя от мене. Се, Аз суждуся с тобою, внегда рещи тебе: не согреших:
2:36 См.: 🔗2Пар. 28:21 🔗Иер. 2:18	понеже презрела еси зело, еже повторити пути твоя: и от Египта постыдишися, якоже постыдена еси от Ассура:
2:37 См.: 🔗2Цар. 13:19 🔗Иер. 32:5	яко и оттуду изыдеши, и руце твои на главе твоей: яко отрину Господь надеяние твое, и не благопоспешится тебе в нем.