Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 40 | |
40:1 | Непразднство велие создано бысть всякому человеку, и иго тяжко на сынех Адамлих, от дне исхода из чрева матере их до дне погребения в матерь всех. |
40:2 См.: 🔗Еккл. 1:8 🔗Евр. 9:27 | Размышления их и страх сердечный, помышление чаяния, день скончания: |
40:3 См.: 🔗Пс. 81:7 🔗Прем. 6:5 | от седящаго на престоле славы и даже до смиреннаго на земли и пепеле, |
40:4 | от носящаго багряницу и венец и даже до одевающагося льняною, |
40:5 См.: 🔗Иов. 7:13 | ярость и зависть, и мятеж и молва, и страх смерти и вражда и рвение, и во время покоя на ложи сон нощный изменяет разум его: |
40:6 | мало яко ничтоже на покой, и от того во снех яко во днех блюдения: |
40:7 | возмущен видением сердца своего, яко избежав от лица брани, во время спасения своего воста, и дивяся ни при единем же страсе. |
40:8 | Со всякою плотию от человека даже до скота, и на грешных седмерицею к сим: |
40:9 | смерть и кровь, и рвение и оружие, наведения, глад и сокрушение и раны, |
40:10 См.: 🔗Быт. 7:12 | на беззаконных создана быша сия вся, и сих ради бысть потоп. |
40:11 | Вся, елика от земли, в землю возвращаются, и от воды, в море возвращаются. |
40:12 | Всяк дар и неправда истребится, а вера во век стояти будет. |
40:13 См.: 🔗Иов. 6:15 | Имение неправедных яко река изсхнет, и якоже гром велик в дождь возгремит. |
40:14 См.: 🔗Пс. 36:20 | Егда разгнет руце, возвеселится, тако преступающии до конца изчезнут. |
40:15 См.: 🔗Прем. 4:4 | Изчадия нечестивых не умножат ветвий, и корения нечистая на тверде камени: |
40:16 | злак над всякою водою и на брезе реки прежде всякия травы исторжен будет. |
40:17 | Благодать яко рай во благословениих, и милостыня во век пребывает. |
40:18 См.: 🔗Флп. 4:12 🔗1Тим. 6:6 | Живот самодоволнаго делателя усладится, и паче обоих обретаяй сокровище. |
40:19 См.: 🔗Прит. 31:23 | Чада и созидание града утверждают имя, и паче обоих жена непорочна вменяется. |
40:20 См.: 🔗Пс. 103:15 | Вино и мусикиа веселят сердце, а паче обоих возлюбление премудрости. |
40:21 | Свирель и псалтирь услаждают песнь, а паче обоих язык сладкий. |
40:22 | Благодати и доброты возжелает око твое, а паче обоих злака семене. |
40:23 | Приятель и друг сретающася во время, а паче обоих жена с мужем. |
40:24 См.: 🔗Лк. 16:9 | Братия и помощь во время скорби, а паче обоих милостыня избавит. |
40:25 | Злато и сребро утвердят ногу, а паче обоих совет благоугоден будет. |
40:26 См.: 🔗Сир. 1:20 | Имение и крепость вознесут сердце, а паче обоих страх Господень: |
40:27 См.: 🔗Тов. 4:21 🔗Пс. 33:10 | несть во страсе Господни умаления и несть в нем лишения помощи: |
40:28 | страх Господень яко рай благословения, и паче всякия славы покры его. |
40:29 | Чадо, животом просливым не живи: лучше умрети, нежели просити. |
40:30 | Муж зря на чуждую трапезу, несть живот его в числе живота: опечалит душу свою чуждыми брашны: |
40:31 | муж же худог и наказан сохранится. |
40:32 | Во устех нестыдливаго прошение усладится, и во чреве его огнь возгорится. |