Книга Иова, глава 30

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 30
30:1	Ныне же поругашамися малейшии: ныне учат мя от части, ихже отцев уничтожах, ихже не вменях достойными псов моих стад.
30:2	Крепость же рук их во что мне бысть? У них погибаше скончание.
30:3	В скудости и гладе безплоден: иже бежаху в безводное вчера сотеснение и бедность:
30:4	иже обхождаху былие в дебрех, имже былие бяше брашно, безчестнии же и похуленнии, скудни всякаго блага, иже и корение древес жваху от глада великаго.
30:5	Восташа на мя татие,
30:6	ихже домове беша пещеры каменны:
30:7	от среды доброгласных возопиют, иже под хврастием дивиим живяху:
30:8	безумных сынове и безчестных, имя и слава угашена на земли.
30:9 См.: 🔗Иов. 17:6	Ныне же гусли есмь аз им, и мене в притчу имут:
30:10 См.: 🔗Иов. 19:19 🔗Чис. 12:14	возгнушалися же мною отступивше далече, ни лица моего пощадеша от плюновения.
30:11	Отверз бо тул Свой уязви мя, и узду устам моим наложи.
30:12	На десную отрасли восташа, нозе свои простроша и путесотвориша на мя стези пагубы своея.
30:13	Сотрошася стези моя, совлекоша бо ми одежду.
30:14 См.: 🔗Иов. 6:4	Стрелами своими устрели мя: сотвори ми, якоже восхоте: в болезнех скисохся, обращаются же ми скорби.
30:15	Отиде ми надежда якоже ветр, и якоже облак спасение мое.
30:16 См.: 🔗Пс. 21:15 🔗Пс. 41:5 🔗Плч. 2:19	И ныне на мя излиется душа моя: и одержат мя дние печалей:
30:17	нощию же кости моя смятошася, жилы же моя разслабеша.
30:18	Многою крепостию ятся за ризу мою: якоже ожерелие ризы моея объя мя.
30:19 См.: 🔗Быт. 18:27 🔗Иов. 16:15 🔗Сир. 10:9	Вменяеши же мя равна брению, в земли и пепеле часть моя.
30:20 См.: 🔗Иов. 19:7	Возопих же к Тебе, и не услышал мя еси: сташа же и смотриша на мя.
30:21	Наидоша же на мя без милости, рукою крепкою уязвил мя еси:
30:22	вчинил же мя еси в болезнех и отвергл еси мя от спасения.
30:23 См.: 🔗Евр. 9:27	Вем бо, яко смерть мя сотрет: дом бо всякому смертну земля.
30:24 См.: 🔗Иов. 3:17	Аще бы возможно было, сам бых себе убил, или молил бых иного, дабы ми то сотворил.
30:25 См.: 🔗Рим. 12:15	Аз же о всяцем немощнем восплакахся, воздохнух же видев мужа в бедах.
30:26 См.: 🔗Иер. 14:19	Аз же ждах благих, и се, сретоша мя паче дние зол.
30:27	Чрево мое воскипе и не умолчит: предвариша мя дние нищеты.
30:28	Стеня ходих без обуздания, стоях же в соборе вопия.
30:29 См.: 🔗Пс. 101:7 🔗Ис. 38:14 🔗Мих. 1:8	Брат бых сиринам, друг же птичий.
30:30 См.: 🔗Пс. 118:83	Кожа же моя помрачися вельми, и кости моя сгореша от зноя.
30:31 См.: 🔗Ам. 8:10 🔗Вар. 4:34	Обратишася же в плачь гусли моя, песнь же моя в рыдание мне.