Книга пророка Исаии, глава 30

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 30
30:1 См.: 🔗Лк. 12:17	Горе чада отступившая, сия глаголет и Господь: сотвористе совет не Мною и заветы не духом Моим, приложити грехи ко грехом:
30:2 См.: 🔗4Цар. 18:21 🔗Иер. 2:18 🔗Иер. 37:7	идущии снити во Египет, Мене же не вопросиша, еже помощь имети от фараона и заступление от Египтян.
30:3 См.: 🔗Иер. 2:36	Будет бо вам покров фараонов в постыдение и уповающым на Египет укоризна:
30:4 См.: 🔗Ис. 19:13 🔗Иер. 2:16	яко суть в Тане старейшины его, и вестницы его зли.
30:5 См.: 🔗Иер. 2:36	Вотще потрудятся людий ради, иже не упользуют их, ниже на помощь, ниже на пользу, но на студ и на укоризну.
30:6	В печали и в тесноте лев и львичищь: оттуду аспиды и племя аспидов парящих, иже везяху на ослех и на велблюдех богатство свое ко языку, иже не поможет им в помощь, но на студ и укоризну.
30:7	Египтяне вотще и всуе успеют вам: возвести им, яко тщетно утешение ваше сие.
30:8 См.: 🔗Ис. 8:1	Ныне убо сед напиши сия на дске и в книгу: яко будут сия во дни времен и даже до века.
30:9 См.: 🔗Деян. 7:52	Яко людие непокориви суть, сынове лживии, иже не похотеша слышати закона Божия,
30:10 См.: 🔗Ам. 2:12	глаголюще пророком: не поведайте нам: и видения видящым: не глаголите нам, но нам глаголите и возвещайте нам иное прельщение
30:11 См.: 🔗Ис. 1:4	и совратите нас с пути сего: отимите от нас путь сей и отимите от нас суд Израилев.
30:12 См.: 🔗Пс. 61:11 🔗Ис. 47:10	Того ради сице глаголет Господь Святый Израилев: понеже не покористеся словесем сим и надеястеся на лжу, и яко пороптасте и уповающе бысте на слово сие,
30:13 См.: 🔗Ис. 29:5	сего ради будет вам грех сей, аки стена падающая внезапу града тверда пленена, егоже абие настоит падение:
30:14 См.: 🔗Пс. 2:9	и падение его будет яко сокрушение сосуда глиняна, от глины дробны, яко не можно обрести в них чрепа, имже огнь возмеши и в оньже влиеши воды мало.
30:15 См.: 🔗Плч. 3:26	Тако глаголет Господь, Господь Святый Израилев: егда возвратився воздохнеши, тогда спасешися и уразумееши, где еси был: егда уповал еси на суетная, тщетна крепость ваша бысть, и не хотесте послушати,
30:16 См.: 🔗Ос. 14:4	но рекосте: на конех побегнем. Того ради побегнете. И рекосте: на легких всадницы будем. Того ради легцы будут гонящии вас.
30:17 См.: 🔗Лев. 26:36	От гласа единаго побегнут тысяща, и от гласа пяти побегнут мнози, дондеже оставлени будете аки щогла на горе и яко знамя носяй на холме.
30:18 См.: 🔗Лк. 1:54 🔗Рим. 2:4 🔗Прит. 16:20 🔗Иер. 17:7	И паки пождет Бог, еже ущедрити вас, и сего ради вознесется еже помиловати вас: зане судия Господь Бог ваш есть, и где оставите славу вашу? Блажени вси пребывающии в Нем.
30:19 См.: 🔗Пс. 90:15 🔗Ис. 58:9	Зане людие святии в Сионе вселятся, Иерусалим же плачем восплакася: помилуй мя. Помилует тя, егда узре глас вопля твоего, послуша тебе.
30:20 См.: 🔗Пс. 79:6	И даст Господь вам хлеб печали и воду тесную, и ктому не приближатся к тебе льстящии тя: яко очи твои узрят прельщающих тя,
30:21 См.: 🔗Втор. 5:32 🔗Втор. 28:14 🔗Прит. 4:27	и ушеса твоя услышат словеса созади тебе прельщающих, иже глаголют: сей путь, поидим по нему или на десно, или на лево.
30:22 См.: 🔗Лев. 15:19	И отвержеши кумиры посребренныя, и позлащенныя раздробиши, и развееши яко воду жены месячныя, и аки мотыла отвержеши я.
30:23 См.: 🔗Втор. 11:14	Тогда будет дождь семени земли твоея, и хлеб жита земли твоея будет изюбилен и тучен, и напасутся скоти твои в той день на месте тучне и пространне.
30:24	Юнцы ваши и волове делающии землю наядятся плев смешенных со ячменем извеяным.
30:25 См.: 🔗Ис. 2:15 🔗Ис. 41:18	И будет на всяцей горе высоце и на всяцем холме вознесенне вода текущая в день оный, егда погибнут мнози, и егда падутся столпи:
30:26 См.: 🔗Иер. 4:23 🔗Иоил. 2:10 🔗Отк. 21:23	и будет свет луны аки свет солнца, и свет солнечный будет седмерицею в той день, егда изцелит Господь сокрушение людий Своих и болезнь язвы твоея изцелит.
30:27 См.: 🔗Иез. 22:21 🔗Исх. 24:17 🔗Втор. 4:24	Се, имя Господне идет временем многим, горящая ярость Его: со славою слово устен Его, слово гнева полно, и гнев ярости яко огнь пояст:
30:28 См.: 🔗2Цар. 22:16 🔗Ис. 8:8	и дух Его аки вода в дебри влекущи приидет даже до выи и разделится, еже смутити языки о прельщении суетнем, и поженет я прелесть тща, и возмет я пред лицем их.
30:29 См.: 🔗Пс. 41:5	Еда присно подобает вам радоватися и входити во святая Моя всегда, аки празднующым и яко веселящымся внити со сопелию в гору Господню к Богу Израилеву?
30:30 См.: 🔗Ис. 29:6 🔗Отк. 20:15	И слышану сотворит Господь славу гласа Своего, и ярость мышцы Своея показати, с яростию и гневом, и со пламенем поядающим возгремит зелно, и яко вода и град низходящь нуждею.
30:31 См.: 🔗Пс. 28:4	Гласом бо Господним побеждени будут Ассириане язвою, еюже аще поразит я.
30:32	И будет ему окрест, отюнудуже бе их надежда помощи, на нюже той уповаше: тии со тимпаны и гусльми ратовати будут нань от пременения.
30:33 См.: 🔗Отк. 19:20 🔗Мф. 25:41	Ты бо прежде дний истязан будеши: еда и тебе уготовася царствовати? Дебрь глубокую, древеса лежаща, огнь и древа многа, ярость Господня аки дебрь жупелом горящая.