Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Деян. 1:8 🔗Рим. 8:17 | Старцы иже в вас молю, яко старец сый и свидетель Христовым страстем, иже и хотящей славе явитися общник: |
5:2 См.: 🔗Деян. 20:28 | пасите еже в вас стадо Божие, посещающе не нуждею, но волею и по Бозе, ниже неправедными прибытки, но усердно, |
5:3 См.: 🔗Мк. 10:44 | ни яко обладающе причту, но образи бывайте стаду: |
5:4 См.: 🔗1Пет. 2:25 🔗1Кор. 9:25 | и явльшуся Пастыреначальнику, приимете неувядаемый славы венец. |
5:5 | Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать. |
5:6 См.: 🔗Иак. 4:10 | Смиритеся убо под крепкую руку Божию, да вы вознесет во время: |
5:7 | всю печаль вашу возвергше Нань, яко Той печется о вас. |
5:8 | Трезвитеся, бодрствуйте, зане супостат ваш диавол, яко лев рыкая, ходит, иский кого поглотити: |
5:9 См.: 🔗Деян. 14:22 | емуже противитеся тверди верою, ведуще, яко теже страсти случаются вашему братству, еже в мире. |
5:10 См.: 🔗2Кор. 4:17 | Бог же всякия благодати, призвавый вас в вечную Свою славу о Христе Иисусе, мало пострадавшыя, Той да совершит вы, да утвердит, да укрепит, да оснует. |
5:11 | Тому слава и держава во веки веков. Аминь. |
5:12 | Силуаном вам верным братом, яко непщую, вмале написах, моля и засвидетельствуя сей быти истинней благодати Божией, в нейже стоите. |
5:13 | Целует вы яже в Вавилоне соизбранная, и Марко сын мой. |
5:14 | Целуйте друг друга лобзанием любве. Мир вам всем о Христе Иисусе. Аминь. |