Книга пророка Иоиля, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1	Слово Господне, иже бысть ко Иоилю сыну Вафуилеву.
1:2	Слышите сия, старцы, и внушите, вси живущии на земли: аще быша сицевая во днех ваших или во днех отец ваших?
1:3 См.: 🔗Исх. 10:2 🔗Пс. 77:4	О сих чадом своим поведите, а чада ваша чадом своим, а чада их роду другому:
1:4 См.: 🔗Иоил. 2:25	останок гусениц поядоша прузи, и останок пругов поядоша мшицы, и останок мшиц поядоша сиплеве.
1:5	Утрезвитеся, пиянии, от вина своего и плачитеся: рыдайте, вси пиющии вино до пиянства, яко отяся от уст ваших веселие и радость.
1:6 См.: 🔗Иоил. 2:4	Понеже язык взыде на землю Мою крепок и безчислен: зубы его (якоже) зубы львовы, и членовныя его якоже львичища:
1:7 См.: 🔗Дан. 4:11	положи виноград Мой в погубление и смоквы Моя в сломление: взыскуя обыска и и сверже, обели лозие его.
1:8	Восплачися ко мне паче невесты препоясаныя во вретище по мужи своем девственнем.
1:9 См.: 🔗Лев. 2:1 🔗Исх. 29:40	Извержеся жертва и возлияние из дому Господня: плачитеся, жерцы, служащии жертвеннику Господню,
1:10 См.: 🔗Ис. 24:3 🔗Иер. 14:2	яко опустеша поля. Плачися, земле, яко пострада пшеница, и изсше вино, умалися елей,
1:11 См.: 🔗Иер. 14:4	посрамишася земледелателе. Плачитеся, села, по пшенице и по ячмени, яко погибе обымание от нивы,
1:12 См.: 🔗Ос. 2:12 🔗Ис. 16:10 🔗Иер. 48:33	виноград изсше, и смоквы умалишася: шипки, и финикс, и яблонь, и вся древа польская изсхоша, яко посрамиша радость сынове человечи.
1:13	Препояшитеся и бийтеся, жерцы, плачитеся, служащии жертвеннику: внидите, поспите во вретищих, служащии Богу, яко отяся от дому Бога вашего жертва и возлияние:
1:14 См.: 🔗Иоил. 2:15	освятите пост, проповедите цельбу, соберите старейшины вся живущия на земли в дом Бога вашего и воззовите ко Господу усердно:
1:15 См.: 🔗Ис. 13:6	увы мне, увы мне, увы мне в день! Яко близ есть день Господень, и яко беда от беды приидет:
1:16 См.: 🔗Втор. 16:11	яко пред очима вашима пищи взяшася и от дому Бога вашего веселие и радость.
1:17	Вскочиша юницы у яслей своих, погибоша сокровища, раскопашася точила, яко посше пшеница.
1:18 См.: 🔗Иер. 14:5	Что положим себе? Восплакашася стада волов, яко не бе пажити им, и паствы овчия погибоша.
1:19	К Тебе, Господи, возопию, яко огнь потреби красная пустыни, и пламень пожже вся древа польская,
1:20 См.: 🔗Пс. 103:11 🔗Пс. 146:9	и скоти польстии воззреша к Тебе, яко посхоша источницы воднии, и огнь пояде красная пустыни.