Книга Числа, глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1 См.: 🔗Чис. 16:2 🔗Исх. 2:21	И возглаголаста Мариам и Аарон на Моисеа жены ради Ефиопляныни, юже поя Моисей, ибо жену поя Ефиопляныню,
12:2	и рекоста: еда Моисею единому глагола Господь? Еда и нам не глаголаше? И услыша Господь.
12:3 См.: 🔗Исх. 11:8 🔗Мф. 11:29	И человек Моисей кроток зело паче всех человек сущих на земли.
12:4	И рече Господь внезапу к Моисею и Аарону и Мариаме: изыдите вы трие в скинию свидения.
12:5 См.: 🔗Исх. 16:10 🔗Чис. 11:17 🔗Чис. 14:10	И изыдоша трие в скинию свидения. И сниде Господь в столпе облачне ста над дверми скинии свидения: и призва Аарона и Мариам. И изыдоста оба.
12:6 См.: 🔗1Цар. 3:7	И рече к ним: послушайте словес Моих: аще будет в вас пророк Господнь, в видении ему познаюся, и во сне возглаголю ему:
12:7 См.: 🔗Евр. 3:5	не тако якоже раб Мой Моисей, во всем дому Моем верен есть:
12:8 См.: 🔗Исх. 33:11 🔗Втор. 34:10 🔗1Кор. 13:12	усты ко устом возглаголю ему яве, и не гаданием, и славу Господню виде: и почто не убоястеся глаголати на раба Моего Моисеа?
12:9 См.: 🔗Чис. 11:3	И гнев ярости Господни (бысть) на них. И отиде.
12:10 См.: 🔗Втор. 24:9	И облак отступи от скинии, и се, Мариам прокажена бысть яко снег: и воззре Аарон на Мариам, и се, прокажена.
12:11	И рече Аарон к Моисею: молю тя, господи, не возлагай на ны греха, понеже не ведяхом, яко согрешихом:
12:12 См.: 🔗4Цар. 5:10	да не будет сия яко мертва, яко изверг извержен из ложесн матерних, и (се, уже) пояде пол плоти ея.
12:13	И возопи Моисей ко Господу, глаголя: Боже, молютися, исцели ю.
12:14 См.: 🔗Лев. 13:46 🔗Лев. 14:8	И рече Господь к Моисею: аще бы отец ея плюя заплевал в лице ея, не посрамится ли седмь дний? Да отлучится седмь дний вне полка, и по сих да внидет.
12:15	И отлучися Мариам вне полка на седмь дний: и людие не воздвигошася, дондеже очистися Мариам.