Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 | Погибнет Самариа, яко сопротивися и Богу своему: оружием падут сами, и младенцы их разбиются, и во утробе имущыя их разсядутся. |
14:2 См.: 🔗Иер. 3:22 🔗Зах. 1:4 | Обратися, Израилю, ко Господу Богу твоему, зане изнемогл еси в неправдах твоих. |
14:3 См.: 🔗Лк. 15:18 🔗Евр. 13:15 | Возмите с собою словеса и обратитеся ко Господу Богу вашему, рцыте Ему: (можеши всяк отврещи грех:) яко да не приимете неправды, но да приимете благая, и воздадим плод устен наших. |
14:4 См.: 🔗Иер. 17:5 🔗Мих. 7:5 | Ассур не спасет нас, на кони не взыдем, ксему не речем: |
14:5 | бози наши, делам рук наших: яко в Тебе помилуется сирота. Изцелю селения их, возлюблю я явленно, яко отвратися гнев Мой от них. |
14:6 См.: 🔗Пс. 71:16 | Буду якоже роса Израилю, процветет яко крин и прострет корение свое якоже Ливан. |
14:7 | Пойдут ветви его, и будет якоже маслина плодовита, и обоняние его аки Ливана: |
14:8 | обратятся и сядут под кровом его, поживут и утвердятся пшеницею, и процветет яко виноград память его, якоже вино Ливаново. |
14:9 | Ефремови что ему еще и кумиром? Аз смирих его, Аз и укреплю его: аки смерчие учащеное, от Мене обретеся плод твой. |
14:10 | Кто премудр и уразумеет сия? И смыслен, и увесть сия? Яко правы путие Господни, и праведнии пойдут в них, а нечестивии изнемогут в них. |