Книга Премудрости Иисуса, сына Сирахова, глава 21 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 21
21:1 См.: 🔗Сир. 17:21	Чадо, согрешил ли еси, не приложи ктому, и о преждних твоих помолися.
21:2 См.: 🔗Втор. 32:33 🔗Ис. 59:5 🔗1Кор. 15:56	Якоже от лица змиина, бежи от греха: аще бо приступиши к нему, угрызнет тя:
21:3	зубы львовы зубы его, убивающии душы человечи.
21:4 См.: 🔗Евр. 2:2 🔗Иак. 1:15 🔗1Пет. 2:24	Яко мечь обоюду остр всяко беззаконие, ране его несть изцеления.
21:5 См.: 🔗Сир. 10:17	Прещение и досаждение опустошат богатство: тако и дом гордых запустеет.
21:6	Моление нищаго из уст до ушию его, и суд его со тщанием грядет.
21:7 См.: 🔗Прит. 13:13	Ненавидяй обличения последует грешнику, и бояйся Господа обратится сердцем.
21:8	Познан есть издалеча сильный языком, и разумивый весть, егда поползается.
21:9 См.: 🔗Прит. 28:22	Созидаяй дом свой имением чуждим, якоже собираяй камение на гроб себе.
21:10 См.: 🔗Быт. 19:24	Изгребия собрана соборище беззаконников, и кончина их пламень огнен.
21:11 См.: 🔗Мф. 7:13	Путь грешников углажден от камения, а на последок его ров адов.
21:12 См.: 🔗Сир. 32:25	Сохраняяй закон содержит помышление свое,
21:13 См.: 🔗Сир. 1:20	и совершение страха Господня премудрость.
21:14	Не накажется, иже не есть коварен:
21:15 См.: 🔗Сир. 19:22	есть бо коварство умножающее горесть.
21:16 См.: 🔗Прит. 18:4	Разум премудраго яко потоп умножится, и совет его яко источник живота.
21:17	Утроба буяго яко сосуд сокрушен и всякаго разума не удержит.
21:18 См.: 🔗Иов. 21:14 🔗Иез. 5:6 🔗Ос. 4:6	Слово премудро аще услышит разумный, восхвалит е и к нему приложит: услыша е буй, и не угодно ему бысть, и обрати е за плещы своя.
21:19	Повесть буяго яко бремя на пути: во устнах же разумнаго обрящется благодать.
21:20	Уста премудраго взыщутся в собрании, и словеса его размышлена будут в сердцы.
21:21	Якоже дом разорен, тако буяго премудрость, и разум неразумнаго неиспытны глаголы.
21:22	Пута на ногах неразумевающым наказания, и яко ручнии оковы на руце десней.
21:23	Буй во смехе возносит глас свой, муж же разумный едва тихо осклабится.
21:24	Якоже утварь златая мудрому наказание, и якоже обручь на десней мышце его.
21:25	Нога буяго скора в дом, человек же многоискусный усрамится от лица.
21:26	Безумный дверьми приничет во храмину, муж же наказан вне станет.
21:27	Ненаказание человеку слушати при дверех, мудрый же отяготится безчестием.
21:28 См.: 🔗Еккл. 10:12	Устне многоречивых не своя си поведят, словеса же мудрых в мерилех станут.
21:29	Во устех буих сердце их, в сердцы же премудрых уста их.
21:30	Кленущу нечестивому сатану, сам кленет свою душу.
21:31 См.: 🔗Сир. 5:16 🔗Сир. 28:15	Сквернит свою душу шепотливый, и где либо жити имать, возненавиден будет.