Первая книга Паралипоменон (Первая книга Хроник, Первая Летопись), глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1 См.: 🔗2Цар. 8:1	И бысть по сих, и порази Давид иноплеменники, и прогна их: и взя Геф и веси его от руки иноплеменничи.
18:2 См.: 🔗2Цар. 8:2 🔗Пс. 29:2	И порази Давид Моава, и бяху Моавити раби Давиду приносяще ему дань.
18:3	И порази Давид Адраазара царя Сувска во Емафе, идущу ему поставити руку свою над рекою Евфратом:
18:4	и взя от него Давид тысящу колесниц и седмь тысящ конник и двадесять тысящ мужей пешцев, и разби Давид вся колесницы, и остави от них сто колесниц, (ихже удержа себе).
18:5	И прииде Сир от Дамаска, да помощь даст Адраазару царю Сувску, и порази Давид от Сировых двадесять две тысящы мужей:
18:6 См.: 🔗2Цар. 8:14	и постави Давид стражу в Сирии, яже близ Дамаска, и бяху Давиду в рабы приносяще дани: и спасе Господь Давида во всех, в нихже хождаше.
18:7 См.: 🔗2Цар. 8:7	И взя Давид гривны златыя, ихже имеша раби Адраазаровы, и принесе я во Иерусалим.
18:8 См.: 🔗2Цар. 8:8 🔗3Цар. 7:23	И из Метавефа и от избранных градов Адраазаровых взя Давид меди много зело, из неяже сотвори Соломон море медяно, и столпы, и сосуды медяныя.
18:9 См.: 🔗2Цар. 8:9	И услыша Фоа царь Емафский, яко порази Давид всю силу Адраазара царя Сувска,
18:10	и посла Адурама сына своего к царю Давиду, да вопросит его, яже о мире, и благословити его о сем, яко победи Адраазара и порази его, понеже муж противен бяше Фоа Адраазару.
18:11	И вся сосуды златыя и сребряныя и медяныя, и сия освяти царь Давид Господу со сребром и златом, яже взя от всех язык, от Идумеи и Моава, и от сынов Аммоних и от иноплеменник и от Амалика.
18:12 См.: 🔗1Пар. 2:16 🔗2Цар. 8:13 🔗Пс. 59:2	Авесса же сын Саруиев порази Идумею во юдоли Сланей, осмьнадесять тысящ:
18:13	и постави во юдоли стражу, и беша вси Идумеане раби Давиду. И спасаше Господь Давида во всех, в нихже хождаше.
18:14 См.: 🔗2Цар. 8:15 🔗Пс. 100:1	И воцарися Давид над всем Израилем, и бе творя суд и правду всем людем своим.
18:15 См.: 🔗2Цар. 8:16	Иоав же сын Саруиев (бысть) над воинством, и Иосафат сын Ахилудов памятописец,
18:16 См.: 🔗1Пар. 24:6	и Садок сын Ахитов и Авимелех сын Авиафаров священницы, и Суса книгочий,
18:17 См.: 🔗2Цар. 8:18	и Ванеа сын Иодаев над Херефием и над Фелефием: сынове же Давидовы первии преемницы царевы.