Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 36 | |
36:1 | Приложив же еще Елиус, рече: |
36:2 | пожди ми мало еще, да тя научу: еще бо у мене есть слово. |
36:3 См.: 🔗Пс. 50:6 | Приим хитрость мою отдалеча, делы же моими праведная реку воистинну: |
36:4 См.: 🔗2Кор. 2:17 | и не неправедны глаголы без правды уразумееши. |
36:5 | Виждь же, яко Господь не отринет незлобиваго: |
36:6 | силен крепостию сердца нечестивых не оживит и суд нищым даст, |
36:7 См.: 🔗Пс. 32:18 🔗Пс. 112:7 | не отимет от правдиваго очес Своих, и со цари на престоле посадит их на победу, и вознесутся. |
36:8 См.: 🔗Пс. 106:10 | Связаннии в ручных узах яти будут ужами нищеты, |
36:9 | и возвестит им дела их и прегрешение их, яко укрепятся: |
36:10 См.: 🔗Иов. 33:16 | но правдиваго услышит, и рече, яко обратятся от неправды. |
36:11 См.: 🔗2Пар. 33:13 | Аще услышат и поработают, скончают дни своя во благих и лета своя в благолепоте: |
36:12 См.: 🔗Лк. 19:42 | нечестивых же не спасет, зане не хотеша познати Господа и занеже учими не послушливи беша. |
36:13 См.: 🔗Мф. 23:27 | И лицемери сердцем возмутят ярость: не возопиют, яко связа их: |
36:14 | да умрет убо в юности душа их, житие же их уязвляемо Ангелы, |
36:15 См.: 🔗Пс. 34:10 🔗Ис. 66:2 | занеже оскорбиша недужна и немощна, суд же кротких изложит. |
36:16 См.: 🔗2Пар. 18:31 🔗Пс. 17:20 | Еще же исторгну тя от уст вражиих: бездна, пролитие под нею, и сниде трапеза твоя исполнена тука. |
36:17 | Не оскудеет же от праведных суд: |
36:18 См.: 🔗1Цар. 12:3 🔗Прит. 11:4 | ярость же на нечестивыя будет, нечестия ради даров их, ихже приимаху на неправде. |
36:19 | Да не уклонит тя волею ум от мольбы в беде сущих немощных и всех содержащих крепость. |
36:20 | Не привлецы нощи, еже взыти людем вместо их: |
36:21 См.: 🔗Евр. 6:11 | но сохранися, да не содееши зла: сих бо ради изят еси от нищеты. |
36:22 См.: 🔗1Цар. 3:18 | Се, Крепкий удержит крепостию Своею: кто бо есть, якоже Той, силен? |
36:23 | И кто есть испытуяй дел Его? Или кто рекий: содея неправду? |
36:24 | Помяни, яко велия дела Его суть, имиже владеша мужие. |
36:25 | Всяк человек видит в себе, елицы уязвляеми суть человецы. |
36:26 | Се, Крепкий великий, и не увемы: число лет Его безконечное: |
36:27 | изочтенны же ему суть капли дождевныя, и излиются дождем во облак: |
36:28 | потекут обетшания, осениша же облацы над премногими людьми: время постави скоту, ведят же ложа чин. О всех сих не дивитлитися ум, и не изменяетлися ти сердце от тела? |
36:29 См.: 🔗Пс. 103:2 🔗Прит. 8:28 | И аще уразумеет простертие облака, равенство скинии Его: |
36:30 | се, простирает на ню свет и корения морская покры: |
36:31 | теми бо судит людем, даст пищу могущему. |
36:32 | На руку покры свет и заповеда о нем сретающему: |
36:33 | возвестит о нем другу своему Господь, стяжание, и о неправде. |