Первая книга Паралипоменон (Первая книга Хроник, Первая Летопись), глава 5

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 5
5:1 См.: 🔗Быт. 35:22 🔗Быт. 46:8 🔗Быт. 49:3 🔗Исх. 6:14 🔗Чис. 26:5	Сынове же Рувима первенца Израилева: яко той первенец: и внегда ему взыти на ложе отца своего, даде благословение его сыну своему Иосифу, сыну Израилеву, и не бысть (той) вменен в первенство,
5:2 См.: 🔗Быт. 49:10	яко Иуда силен крепостию и в братии своей, и в вожда из него, и благословение Иосифу.
5:3 См.: 🔗Быт. 46:9 🔗Исх. 6:14	Сынове Рувима первенца Израилева: Енох и Фаллус, Асрон и Хармий.
5:4	Сынове Иоилевы: Семей и Ванеа сын его. Сынове же Гога сына Семеина:
5:5	сын его Миха, сын его Риха, сын его Ваал,
5:6 См.: 🔗4Цар. 15:29	Векра сын его, егоже пресели Фаглафалласар царь Ассирииский: сей бысть князь колена Рувимова.
5:7	И братия его во отечестве своем, в исчислениих своих, по родом их, князь Иоиль и Захариа,
5:8	и Валек сын Азузов, сын Саммы, сын Иоилев: той обита во Ароире и в Наване и Веелмаоне,
5:9	и противу востока обита даже до входа пустыни, от реки Евфрата, яко скот их мног в земли Галаадстей.
5:10 См.: 🔗Пс. 82:7	Во дни же Саула возведоша брань противу Агарян: и падоша в руках их обитающии в жилищах своих вси к востоку Галаадску.
5:11 См.: 🔗Нав. 13:24	Сынове Гадовы прямо их обиташа в земли Васани до Селха:
5:12	Иоиль первенец, и Сафам вторый, и Ианин книжник Васанский.
5:13	И братия их, по домом отечеств их: Михаил и Мосоллам, и Савей и Иора, и Иохан и Иовиа и Овид, седмь.
5:14	Сии сынове Авихаила сына Рувиина, и Адди, сына Галаадова, сына Михаилова, сына Иессеина, сына Иедаина, сына Вузова,
5:15	брата сына Авдиилова, сына Гуниина, князь дому отечеств их.
5:16 См.: 🔗Ис. 33:9	Обиташа в Галааде, в Васане и в весех их и во всех окрестных Саронских, даже до исхода.
5:17 См.: 🔗4Цар. 15:7	Вси сии сочтени быша во дни Иоафама царя Иудина и во дни Иеровоама царя Израилева.
5:18	Сынове Рувимовы и Гадовы и полплемене Манассиина (биша) сынове сильни, мужие носяще щиты и мечы и напрязающе луки и научени брани, четыредесять и четыри тысящы и седмь сот и шестьдесят, исходящии на ополчение.
5:19 См.: 🔗Быт. 25:15	И твориша брань со Агаряны и Итуреаны, и Нафисеаны и Надавеаны,
5:20 См.: 🔗Исх. 17:11 🔗1Мак. 4:10 🔗Пс. 144:19	и укрепишася над ними: и предашася в руце их Агаряне и вся обитания их, зане к Богу воззваша во брани, и услыша их, зане уповаша на Него.
5:21	И плениша имения их, велблюдов пятьдесят тысящ, и овец двести пятьдесят тысящ, и ослов две тысящы, и душ человеческих сто тысящ:
5:22 См.: 🔗1Цар. 17:3	ранении же мнози падоша, зане (бысть) от Бога брань: и вселишася вместо их даже до преселения.
5:23 См.: 🔗Втор. 3:9	И полплемене Манассиина вселишася в земли от Васана даже до Ваала Ермоня и Санира и горы Аермонски: и сии в Ливане умножишася.
5:24	И сии (быша) князи дому отечеств их: Гофер и Иеси, и Елиил и Иеремиа, и Иодуиа и Иедиил, мужие сильни в крепости, мужие именитии, князи по домом отечеств своих.
5:25 См.: 🔗4Цар. 17:7	И оставиша Бога отец своих и соблудиша вслед богов людий земли, ихже потреби Бог от лица их:
5:26 См.: 🔗4Цар. 15:29 🔗4Цар. 16:7	и воздвиже Бог Израилев дух Фула царя Ассирийска и дух Фаглафалласара царя Ассирийска, и пресели Рувима и Гада и полплемене Манассиина, и введе их во Аллан и Иовор, и во Аран и на реку Гозан, даже до дне сего.