Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 20 | |
20:1 См.: 🔗Втор. 1:19 🔗Исх. 2:4 | И приидоша сынове Израилтестии, весь сонм, в пустыню Син, в месяц первый, и пребываху людие в Кадисе: и скончася ту Мариам, и погребеся тамо. |
20:2 См.: 🔗Чис. 14:2 | И не бяше воды сонму: и собрашася на Моисеа и Аарона, |
20:3 См.: 🔗Исх. 17:2 🔗Пс. 105:16 | и ропташа людие на Моисеа, глаголюще: о , дабы умерли быхом в погибели братии нашея пред Господем: |
20:4 См.: 🔗Втор. 9:7 | и вскую введосте сонм Господнь в пустыню сию, погубити ны и скоты нашы? |
20:5 См.: 🔗Исх. 17:3 🔗Иер. 2:6 | И вскую сие? Изведосте ны из Египта, еже приити (нам) на место злое сие, место, в немже не сеется, ни смокви, ни винограды, ниже яблоки, ниже вода есть пити. |
20:6 См.: 🔗Исх. 16:10 | И прииде Моисей и Аарон от лица сонма пред двери скинии свидения, и падоста ниц: и явися слава Господня над ними. |
20:7 | И рече Господь к Моисею, глаголя: |
20:8 См.: 🔗Чис. 17:10 | возми жезл твой и созови сонм ты и Аарон, брат твой, и рцыте ко каменю пред ними, и даст воды своя: и изведете им воды из камене, и напойте сонм и скоты их. |
20:9 | И взя Моисей жезл иже пред Господем, якоже повеле Господь. |
20:10 | И созва Моисей и Аарон сонм пред камень, и рече к ним: послушайте мене, непокоривии: еда из камене сего изведем вам воду? |
20:11 | И воздвиг Моисей руку свою, удари в камень жезлом дважды: и изыде вода многа, и напися сонм (весь) и скоты их. |
20:12 См.: 🔗Втор. 1:37 | И рече Господь к Моисею и Аарону: понеже не веровасте освятити Мя пред сынми Израилтескими, сего ради не введете вы сонма сего в землю, юже дах им: |
20:13 См.: 🔗Исх. 17:7 🔗Втор. 32:51 | сия вода Пререкания, яко возропташа сынове Израилтестии пред Господем, и освятися в них. |
20:14 См.: 🔗Быт. 25:25 🔗Втор. 2:8 | И посла Моисей послы от Кадиса к Царю Едомскому, глаголя: тако глаголет брат твой Израиль: ты веси весь труд обретший нас: |
20:15 | и снидоша отцы наши в Египет, и жихом во Египте дни многи, и озлобиша нас Египтяне и отцев наших: |
20:16 | и возопихом ко Господу, и услыша Господь глас наш, и послав Ангела, изведе ны из Египта: и ныне есмы в Кадисе граде, на конце предел твоих: |
20:17 | да прейдем сквозе землю твою: не пройдем сквозе села, ни сквозе винограды, ни пием воды в потоцех твоих: путем царским пойдем, не совратимся ни на десно, ни на лево, дондеже прейдем пределы твоя. |
20:18 См.: 🔗Втор. 2:30 🔗Рим. 15:28 | И рече к ним Едом: не пройдеши сквозе мене: аще же ни, ратию изыду противу тебе. |
20:19 См.: 🔗Втор. 2:28 | И рекоша к нему сынове Израилевы: под горою пройдем: аще же от воды твоея испием аз и скоты моя, дам цену тебе: но вещь сия ничтоже есть, под горою да пройдем. |
20:20 См.: 🔗Чис. 21:4 | Он же рече: не пройдеши сквозе мене. И изыде противу им Едом с народом тяжким и рукою крепкою. |
20:21 См.: 🔗Втор. 2:4 | И не восхоте Едом дати Израилю проити сквозе пределы своя, и уклонися Израиль от него. |
20:22 См.: 🔗Чис. 33:37 | И воздвигошася от Кадиса, и приидоша сынове Израилтестии, весь сонм, в гору Ор. |
20:23 | И рече Господь к Моисею и Аарону в горе Ор у предел земли Едомли, глаголя: |
20:24 См.: 🔗Быт. 25:8 🔗Втор. 31:2 | да приложится Аарон к людем своим, яко не внидете в землю, юже дах сыном Израилевым в наследие, понеже преогорчисте Мя у воды Пререкания: |
20:25 См.: 🔗Чис. 33:38 🔗Втор. 32:50 | возми Аарона брата твоего и Елеазара сына его, и возведи я на Ор гору пред всем сонмом: |
20:26 | и совлецы Аарону ризы его и облецы Елеазара сына его, и Аарон приложився да умрет тамо. |
20:27 | И сотвори Моисей, якоже повеле ему Господь: и возведе я на Ор гору пред всем сонмом, |
20:28 | и совлече Аарона с риз его, и облече в ня Елеазара сына его: |
20:29 См.: 🔗Втор. 10:6 | и умре Аарон тамо на версе горы: и сниде Моисей и Елеазар с горы. |