Книга Иова, глава 33

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1	Но послушай, Иове, словес моих и беседу мою внуши:
33:2	се бо, отверзох уста моя, и возглагола язык мой:
33:3	чисто сердце мое во словесех, разум же устну моею чистая уразумеет:
33:4 См.: 🔗Быт. 1:2 🔗Пс. 32:6 🔗Пс. 103:30	Дух Божий сотворивый мя, дыхание же Вседержителево поучающее мя:
33:5	аще можеши, даждь ми ответ к сим: потерпи, стани противу мене, и аз противу тебе.
33:6 См.: 🔗Иов. 10:9 🔗Еккл. 12:7	От брения сотворен еси ты, якоже и аз: от тогожде сотворения есмы:
33:7	не страх мой тя смятет, ниже рука моя тяжка будет на тя.
33:8	Обаче рекл еси во ушы мои, и глас глагол твоих услышах, занеже глаголеши:
33:9 См.: 🔗Иов. 10:7 🔗Иов. 16:17 🔗Иов. 23:10	чист есмь аз, не согрешая, непорочен же есмь, ибо не беззаконновах:
33:10 См.: 🔗Иов. 13:24 🔗Иов. 19:11	зазор же на мя обрете и мнит мя, яко противника Себе:
33:11 См.: 🔗Иов. 13:27	вложи же ногу мою в древо и надсмотрял пути моя вся.
33:12 См.: 🔗Иов. 34:7	Како бо глаголеши, яко прав есмь, и не послуша мене? Вечен бо есть, иже над земными.
33:13	Глаголеши бо: чесо ради правды моея не услыша всяко слово?
33:14 См.: 🔗Чис. 23:19 🔗1Цар. 15:29	Единою бо возглаголет Господь, второе же во сне, или в поучении нощнем,
33:15 См.: 🔗Иов. 4:13	или, яко егда нападает страх лют на человеки, во дреманиих на ложи:
33:16 См.: 🔗2Цар. 7:27 🔗Ис. 50:4	тогда открыет ум человеческий, виденьми страха тацеми их устрашит,
33:17	да возвратит человека от неправды, тело же его от падения избави,
33:18	пощаде же душу его от смерти, еже не пасти ему на брани.
33:19	Паки же обличи его болезнию на ложи и множество костей его разслаби:
33:20 См.: 🔗Пс. 106:18	всякаго же брашна пшенична не возможет прияти, а душа его яди хощет,
33:21	дондеже согниют плоти его, и покажет кости его тощя:
33:22	приближися же на смерть душа его, и живот его во аде.
33:23 См.: 🔗Быт. 48:16 🔗Зах. 3:1 🔗1Тим. 2:5	Аще будет тысяща Ангел смертоносных, един от них не уязвит его: аще помыслит сердцем обратитися ко Господу, повесть же человеку свой зазор, и безумие свое покажет,
33:24 См.: 🔗Пс. 90:15 🔗Ис. 43:1 🔗Ос. 13:14	заступит е, еже не впасти ему в смерть, обновит же тело его якоже повапление на стене, кости же его исполнит мозга:
33:25	умягчит же его плоть якоже младенца, и устроит его возмужавша в человецех.
33:26 См.: 🔗Пс. 49:15 🔗Ис. 58:9	Помолится же ко Господу и прият им будет, внидет же лицем веселым со исповеданием, воздаст же человеком правду свою.
33:27	Посем тогда зазрит человек сам себе, глаголя: яковая содевах? И не по достоинству истяза мя, о нихже согреших:
33:28 См.: 🔗1Кор. 11:32	спаси душу мою, еже не внити во истление, и жизнь моя свет узрит.
33:29	Се, сия вся творит Крепкий (Бог) пути три с мужем:
33:30 См.: 🔗Пс. 55:14 🔗Пс. 102:4	но избави душу мою от смерти, да живот мой во свете хвалит его.
33:31	Внимай, Иове, и послушай мене, премолчи, и аз возглаголю:
33:32	и аще тебе суть словеса, отвещай ми: глаголи, хощу бо оправдитися тебе:
33:33	аще же ни, ты послушай мене, умолчи, и научу тя премудрости.