Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Лев. 18:8 | Отнюд слышится в вас блужение, и таково блужение, яковоже ни во языцех именуется, яко некоему имети жену отчую. |
5:2 | И вы разгордесте, и не паче плакасте, да измется от среды вас содеявый дело сие. |
5:3 См.: 🔗Кол. 2:5 | Зане аз убо аще не у вас сый телом, ту же живый духом, уже судих, яко тамо сый: содеявшаго сице сие, |
5:4 | о имени Господа нашего Иисуса Христа собравшымся вам и моему духу, с силою Господа нашего Иисуса Христа, |
5:5 См.: 🔗Пс. 108:6 🔗1Тим. 1:20 | предати таковаго сатане во измождение плоти, да дух спасется в день Господа нашего Иисуса Христа. |
5:6 | Не добра похвала ваша. Не весте ли, яко мал квас все смешение квасит? |
5:7 См.: 🔗Ис. 53:7 | Очистите убо ветхий квас, да будете ново смешение, якоже есте безквасни: ибо Пасха наша за ны пожрен бысть Христос. |
5:8 | Темже да празднуем не в квасе ветсе, ни в квасе злобы и лукавства, но в безквасиих чистоты и истины. |
5:9 | Писах вам в послании не примешатися блудником: |
5:10 | и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти: |
5:11 | ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти. |
5:12 | Что бо ми и внешних судити? Не внутренних ли вы судите? |
5:13 | Внешних же Бог судит. И измите злаго от вас самех. |