Псалтирь, псалом 23

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 23
23:1 См.: 🔗Исх. 19:5 🔗Пс. 49:12 🔗1Кор. 10:26	Господня земля, и исполнение ея, вселенная и вси живущии на ней.
23:2 См.: 🔗Иов. 38:6	Той на морях основал ю есть и на реках уготовал ю есть.
23:3 См.: 🔗Пс. 14:1 🔗Ис. 33:15	Кто взыдет на гору Господню? Или кто станет на месте святем Его?
23:4 См.: 🔗Мф. 5:8	Неповинен рукама и чист сердцем, иже не прият всуе душу свою и не клятся лестию искреннему своему:
23:5 См.: 🔗Ис. 48:18 🔗Ос. 10:12	сей приимет благословение от Господа и милостыню от Бога Спаса своего.
23:6 См.: 🔗1Пет. 2:9 🔗Ис. 51:2	Сей род ищущих Господа, ищущих лице Бога Иаковля.
23:7	Возмите врата князи ваша, и возмитеся врата вечная: и внидет Царь славы.
23:8	Кто есть сей Царь славы? Господь крепок и силен, Господь силен в брани.
23:9	Возмите врата князи ваша, и возмитеся врата вечная: и внидет Царь славы.
23:10	Кто есть сей Царь славы? Господь сил, Той есть царь славы.