Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 | Егда изцелю Израиля, и открыется неправда Ефремова и злоба Самарийска, яко соделаша лжу: и тать к нему внидет, совлачаяй разбойник на пути его: |
7:2 См.: 🔗Иов. 24:15 🔗Рим. 1:32 | яко да воспоют вкупе, аки поющии сердцем своим. Вся злобы их помянух: ныне обыдоша их совети их, противу лицу Ми быша. |
7:3 | Злобами своими возвеселиша царя и лжами своими князей. |
7:4 | Вси любодеющии, яко пещь жегома на печение сожжения от пламене, от примешения тука, дондеже вскиснет то все. |
7:5 См.: 🔗Исх. 32:5 🔗Мф. 14:6 | Во дни царей ваших начаша князи яритися от вина, простроша руки своя с губительми: |
7:6 | зане разгорешася яко пещь сердца их, внегда устремлятися им: всю нощь сна Ефрем насытися, заутра бысть, и разгореся яко пламень огненный. |
7:7 См.: 🔗Пс. 13:3 | Вси согреяшася, яко пещь жегома, и огнь пояде судий их: вси царие их падоша, не бе в них моляйся ко Мне. |
7:8 См.: 🔗4Цар. 17:8 🔗Пс. 105:35 | Ефрем в людех своих сам смесяшеся, Ефрем бысть опреснок необращаемь. |
7:9 См.: 🔗Иез. 7:21 | И снедоша чуждии крепость его, сей же не разуме: и седины явишася на нем, он же не позна. |
7:10 См.: 🔗Ос. 5:5 | И смирится укоризна Израилева в лице ему: и не возвратишася ко Господу Богу своему и не взыскаша Его во всех сих. |
7:11 | И бяше Ефрем яко голубь безумный, не имый сердца: Египта моляше, и во Ассирианы отидоша. |
7:12 См.: 🔗4Цар. 17:4 | Якоже идут, возложу на ня мрежу Мою, якоже птицы небесныя свергу я, накажу я в слух скорбения их. |
7:13 См.: 🔗Пс. 72:27 | Горе им, яко отскочиша от Мене: боязливи суть, яко нечествоваша ко Мне: Аз же избавих я, сии же возглаголаша на Мя лжу. |
7:14 См.: 🔗Ис. 29:13 | И не возопиша ко Мне сердца их, но плакахуся на ложах своих: о пшенице и вине сечахуся. |
7:15 См.: 🔗Ис. 42:20 | Накажутся Мною, Аз же укрепих мышцу их, и на Мя помыслиша злая. |
7:16 | Совратишася ни во чтоже, быша яко лук напряжен: падутся князи их мечем ради ненаказания языка своего. Сие ругание их в земли Египетстей. |