Второзаконие, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Чис. 21:4	И возвратившеся воздвигохомся в пустыню, путем моря Чермнаго, якоже глагола Господь ко мне: и обходихом гору Сиир дни многи.
2:2	И рече Господь ко мне:
2:3 См.: 🔗Суд. 5:4	довлеет вам обхождати гору сию: возвратитеся убо к северу:
2:4 См.: 🔗Чис. 20:14	и людем заповеждь, глаголя: вы пройдите сквозе пределы братии вашея, сынов Исавовых, живущих в Сиире, и убоятся вас и ужаснутся зело:
2:5 См.: 🔗1Цар. 14:47 🔗2Цар. 8:14 🔗3Цар. 11:15	не сотворите с ними рати: не дах бо вам от земли их ниже стопы ноги, яко во жребий дах сыном Исавовым гору Сиир:
2:6	сребром пищу купите себе у них и ядите, и воду в меру возмите от них на цене и пийте:
2:7 См.: 🔗Втор. 1:31 🔗Быт. 21:22	ибо Господь Бог твой благослови тебе во всяком деле руку твоею: разумей, како прошел еси пустыню великую и страшную сию: се, четыредесять лет Господь Бог твой с тобою, и не востребовал еси словесе.
2:8 См.: 🔗4Цар. 14:22 🔗3Цар. 9:26	И минухом братию свою сыны Исавли, живущыя в Сиире, у пути Аравскаго от Елона и от Гесион – Гавера, и возвратившеся преидохом путь в пустыню Моавлю.
2:9 См.: 🔗2Пар. 20:10	И рече Господь ко мне: не совраждуйтеся Моавитом и не сотворите с ними рати: не дах бо вам от земли их во жребий, сыном бо Лотовым дах Ароир наследити.
2:10 См.: 🔗Быт. 14:5 🔗Чис. 13:23	Оммины прежде седяху на ней, народ велик и мног и крепок якоже Енакими:
2:11	Рафаины глаголются и сии, якоже и Енакими: и Моавити прозывают я Оммины.
2:12 См.: 🔗Быт. 14:6 🔗Быт. 36:20	И в Сиире седяше Хорреи прежде, но сынове Исавовы потребиша я и искорениша я от лица своего: и вселишася вместо их, имже образом сотвори Израиль земли наследия своего, юже даде Господь им.
2:13 См.: 🔗Чис. 21:12	Ныне убо вы востаните и воздвигнитеся, и пройдите дебрь Заретову.
2:14 См.: 🔗Втор. 1:46 🔗Чис. 14:21 🔗Чис. 26:65	И дни, в няже отидохом от Кадис – Варни дондеже преидохом дебрь Заретову, тридесять и осмь лет, дондеже паде весь род мужей воинских от полка, якоже клятся им Господь Бог.
2:15	И рука Божия бяше на них, погубити я от полка, дондеже падоша.
2:16	И бысть внегда падоша вси мужи воинстии умирающе от среды людий,
2:17	и рече Господь ко мне, глаголя:
2:18	ты прейдеши днесь пределы Моавлими Ароир:
2:19 См.: 🔗Суд. 11:13 🔗Быт. 19:38	и пришедше близ сынов Амманих, не совраждуйтеся им и не сотворите с ними рати: не дам бо тебе от земли сынов Амманих во жребий, яко сыном Лотовым дах ю во жребий.
2:20	Земля Рафаинска возименуются: Рафаини бо на ней прежде живяху: Амманитяне же прозывают их Зоммин:
2:21 См.: 🔗Чис. 13:23	язык велик и мног и крепок, якоже и Енакими: и погуби я Господь от лица их, и прияша наследие и вселишася вместо их даже до сего дне:
2:22	якоже сотвориша сыном Исавовым живущым в Сиире, имже образом потребиша Хорреа от лица своего и наследиша их, и вселишася вместо их даже до сего дне:
2:23 См.: 🔗Быт. 10:14 🔗Иер. 47:4 🔗Ам. 9:7	и Евее живущии во Асирофе даже до Газы, и Каппадоки изшедшии из Каппадокии потребиша я, и вселишася вместо их.
2:24	Ныне убо востаните и воздвигнитеся, и прейдите вы дебрь Арноню: се, предах в руце твои Сиона царя Есевоня Аморрейска и землю его: начни наследовати, сотвори с ним рать днешний день:
2:25 См.: 🔗Нав. 2:9	начинай даяти трепет твой и страх твой пред лицем всех языков сущих под небесем, иже слышавше имя твое возмятутся, и болезнь приимут от лица твоего.
2:26 См.: 🔗Чис. 21:21	И послах послы от пустыни Кедамоф к Сиону царю Есевоню словесы мирными, глаголя:
2:27	да пройду сквозе землю твою: по пути пройду, не совращуся ни на десно, ни на лево:
2:28 См.: 🔗Чис. 20:19	пищу на цене даси ми, и ям: и воду на цене даси ми, и пию: точию ногама моима да прейду:
2:29	якоже сотвориша ми сынове Исавли живущии в Сиире и Моавити живущии во Ароире, дондеже прейду Иордан на землю, юже Господь Бог наш дает нам.
2:30 См.: 🔗Чис. 20:20 🔗Чис. 21:23 🔗Исх. 4:21	И не восхоте Сион цар Есевонь, да пройдем сквозе его, яко ожесточи Господь Бог наш дух его и укрепи сердце его, да предастся в руце твои якоже во днешний день.
2:31 См.: 🔗Ам. 2:9	И рече Господь ко мне: се, начах предаяти пред лицем твоим Сиона царе Есевоня Аморрейска и землю его, и начинай наследити землю его.
2:32	И изыде Сион царь Есевонь противу нам сам и вси людие его на брань во Иассу:
2:33 См.: 🔗Чис. 21:24	и предаде его Господь Бог наш пред лицем нашим в руце наши: и убихом его, и сыны его и вся люди его:
2:34 См.: 🔗Втор. 3:6 🔗Втор. 13:15 🔗Втор. 20:16	и одержихом вся грады его во оно время, и разорихом всяк град, ктому и жены их и дети их не оставихом живы:
2:35	токмо скот пленихом себе, и корысти градов взяхом.
2:36 См.: 🔗2Цар. 24:5 🔗Чис. 21:15	Из Ароира, иже есть при устии водотечи Ариони, и град иже есть в дебри, и даже до горы Галаадовы, не бысть град уцелевый от нас: вся предаде Господь Бог наш в руце наши:
2:37	токмо в земли сынов Амманих не приступахом ко всем прилежащым к водотечи Иавокове и ко градом иже в горах, якоже повеле нам Господь Бог наш.