Книга Числа, глава 32

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 32
32:1 См.: 🔗Быт. 46:32 🔗Быт. 47:3	И скота множество бяше сыном Рувимлим и сыном Гадовым, много зело. И видеша страну Иазирову и страну Галаадову, и бяше место, место скотно.
32:2	И пришедше сынове Рувимли и сынове Гадовы рекоша к Моисею и ко Елеазару жерцу и ко князем сонма, глаголюще:
32:3	Атароф и Девон, и Иазир и Намра, и Есевон и Елеали, и Севама и Навав и Веан,
32:4	земля, юже предаде Господь пред сыны Израилевыми, земля скотопитателна есть, рабом же твоим скот есть.
32:5	И реша: аще обретохом благодать пред тобою, да дастся нам земля сия рабом твоим во одержание, и не преводи нас чрез Иордан.
32:6	И рече Моисей сыном Гадовым и сыном Рувимлим: братия вашя пойдут на брань, и вы ли сядете ту?
32:7 См.: 🔗Втор. 1:28 🔗Деян. 21:13	И вскую развращаете сердце сынов Израилевых, не прейти на землю, юже дает Господь им?
32:8 См.: 🔗Чис. 13:3	Не тако ли сотвориша отцы ваши, егда послах я от Кадис – Варни соглядати землю?
32:9 См.: 🔗Чис. 13:24 🔗Втор. 1:28	И взыдоша до дебри Грезновныя, и соглядаша землю, и отвратиша сердце сынов Израилевых, яко да не внидут в землю, юже даде им Господь?
32:10 См.: 🔗Чис. 14:28 🔗Чис. 26:65	И разгневася яростию Господь в день Он и клятся, глаголя:
32:11 См.: 🔗Чис. 14:23 🔗Быт. 50:24	аще узрят человецы сии изшедшии из Египта, от двадесяти лет и вышше, ведущии добро и зло, землю, еюже кляхся Аврааму и Исааку и Иакову: не последоваша бо вслед Мене,
32:12 См.: 🔗Чис. 14:30	точию Халев сын Иефонниин Отлученный и Иисус сын Навин, яко последоваша вслед Господа.
32:13	И разгневася яростию Господь на Израиля, и томи я в пустыни четыредесять лет, дондеже потребися весь род творящий злая пред Господем.
32:14	Се, востасте вместо отец ваших, сокрушение человек грешников, приложити еще к ярости гнева Господня на Израиля:
32:15	яко отвратитеся от Него, приложити еще оставити его в пустыни, и возбеззаконнуете на весь сонм сей.
32:16	И приидоша к нему и глаголаша: ограды овцам да соградим зде скотом своим, и грады имением нашым:
32:17 См.: 🔗Втор. 3:18	и мы вооружени пойдем на стражбу первии сыном Израилевым, дондеже введем я в место их: и да вселятся имения наша во градех утвержденых ради живущих на земли:
32:18 См.: 🔗Нав. 22:1	не возвратимся в домы нашя, дондеже разделятся сынове Израилтестии, кийждо в наследие свое:
32:19 См.: 🔗Втор. 3:12	и ктому не наследим в них об ону страну Иордана и далее, яко прияхом жребия нашя сию страну Иордана на востоки.
32:20 См.: 🔗Нав. 1:13	И рече к ним Моисей: аще сотворите по словеси сему, аще вооружитеся пред Господем на брань,
32:21	и прейдет всяк оружник ваш Иордан пред Господем на брань, дондеже потребится враг Его от лица Его,
32:22	и обладана будет земля пред Господем, и посем возвратитеся, и будете безвинни пред Господем и от Израиля: и будет земля сия вам во одержание пред Господем:
32:23	аще же не сотворите тако, согрешите пред Господем, и увесте грех ваш, егда вас постигнут злая:
32:24 См.: 🔗Втор. 23:23	и соградите вы себе грады имению вашему и ограды скотом вашым: и исходящее из уст ваших сотворите.
32:25	И рекоша сынове Рувимли и сынове Гадовы к Моисею, глаголюще: раби твои сотворят, якоже Господь наш повелел есть:
32:26	имение наше, и жены наши, и весь скот наш да будут во градех Галаадовых:
32:27	раби же твои прейдут вси вооружени и уготовани пред Господем на брань, якоже глаголет Господь.
32:28	И пристави им Моисей Елеазара жерца и Иисуса сына Навина, и князи отечеств племен сынов Израилевых.
32:29 См.: 🔗Нав. 4:12	И рече к ним Моисей: аще прейдут сынове Рувимли и сынове Гадовы с вами чрез Иордан, всяк вооружен на брань пред Господем, и обладаете землею пред собою, и дадите им землю Галаадову во одержание.
32:30	Аще ли не прейдут вооружени с вами на брань пред Господем, то предпослите имение их и жены их и скоты их прежде вас на землю Ханааню, и да наследят купно с вами в земли Ханаани.
32:31	И отвещаша сынове Рувимли и сынове Гадовы, глаголюще: елика глаголет Господь рабом Своим, тако сотворим мы:
32:32	прейдем вооружени пред Господем в землю Ханааню, и дадите нам во одержание страну сию Иордана.
32:33 См.: 🔗Втор. 3:12 🔗Нав. 13:8	И даде им Моисей сыном Гадовым и сыном Рувимлим и полуплемени Манассиину сынов Иосифовых царство Сиона царя Аморрейска и царство Ога царя Васанска, землю и грады с пределы ея, грады окрестныя земли.
32:34	И соградиша сынове Гадовы Девон и Атароф и Ароир,
32:35	и Софан и Иазир, и вознесоша их,
32:36	и Намрам и Вефаран грады тверды, и ограды овцам.
32:37	И сынове Рувимли соградиша Есевон и Елеали и Кариафаим,
32:38	и Навон и Веельмеон ограждены, и Севама: и прозваша по именом своим имена градом, яже соградиша.
32:39 См.: 🔗Быт. 50:23	И иде ур сын Махиров, внук Манассиев, в Галаад, и взя его, и погуби Аморреа живущаго в нем:
32:40	и даде Моисей Галаад Махиру сыну Манассиину, и вселися ту.
32:41 См.: 🔗Нав. 13:30 🔗1Пар. 2:22	И Иаир сын Манассиев иде и взя села их, и прозваша я села Иаирова.
32:42 См.: 🔗Чис. 21:25 🔗Суд. 8:11 🔗1Пар. 2:23	И Навав иде и взя Каафа и села его, и именова я Навоф от имене своего.