Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 17 | |
17:1 См.: 🔗Ис. 7:8 | Се, Дамаск возмется от градов и будет в падение. |
17:2 | Оставлен в век, в ложе стадам и в покой, и не будет отгоняяй. |
17:3 | И ксему не будет укреплен, еже вбегнути тамо Ефрему: и ксему не будет царство в Дамасце, и останок Сирян погибнет: неси бо ты лучший от сынов Израилевых и славы их: сия глаголет Господь Саваоф. |
17:4 | Будет в той день помрачение славы Иаковли, и тучная славы его потрясутся. |
17:5 См.: 🔗Ис. 24:13 | И будет, якоже аще кто собирает жатву стоящую, и семя класов пожинает: и будет, якоже аще кто собирает класы в дебри Тверде. |
17:6 | И останется в ней стеблие, или аки зерна маслична две или три на версе высоце, или четыре или пять на ветвии ея останут: сия глаголет Господь Бог Израилев. |
17:7 | В той день уповая будет человек на Сотворшаго и, и очи его ко Святому Израилеву воззрят, |
17:8 См.: 🔗Ис. 2:20 | и не будут уповающе на требища, ниже на дела рук своих, яже сотвориша персты их, и не будут смотрити на Дубравы, ниже на мерзости их. |
17:9 | В той день будут гради твои оставлени, якоже оставиша Аморрее и Евее от лица сынов Израилевых: и будут пусти, |
17:10 См.: 🔗Втор. 32:32 🔗Мф. 15:13 | зане оставил еси Бога спаса твоего и Господа помощника твоего не помянул еси: сего ради насадиши сад неверен и семя неверно. |
17:11 | В оньже бо день аще насадиши, прельстишися: а еже аще заутра посееши, то процветет на жатву, во оньже день наследиши, и аки отец человечь наследие даси сыном твоим. |
17:12 См.: 🔗4Цар. 19:35 🔗Ис. 37:36 | О, люте множеству языков многих! Аки море волнующееся, тако смятетеся, и хребет языков многих яко вода возшумит: |
17:13 См.: 🔗Пс. 1:4 | аки вода многа языцы мнози, аки (шум) воды многия нуждею носимыя: и отвержет его и далече поженет его, аки прах плевный веющих противу ветра, и яко прах колесный буря возносящая. |
17:14 См.: 🔗4Цар. 19:35 | К вечеру, и будет плачь: прежде заутрия, и не будет: сия часть пленивших ны, и жребий наследивших нас. |